गन्‍ती 19:14 - Sunuwar Bible

¹⁴ मिनु मुर आ ताम्‍बुम बेक्‍त हना, मेको आ पर्बम पचा माल्‍शो गेय मार बाक्‍ब देंशा हना, सु मेको ताम्‍बुम बाक्‍बा, सु मेको ताम्‍बुम जाक्‍बा, मेको ७ नाक्‍त सम्‍म ग्रांग्रा दिशो बाक्‍नीम।

गन्‍ती 19:14 ပူးပေါင်းရင်းမြစ်များ

इजीकीएल 39:12

इस्राएल आ खिं ङा मुरपुकीम मेको आन कली ७ महिना सम्‍मन थिम्‍ना थिम्‍न बाक्‍नीम। मिनु मोपा रागी कली ग्रांग्रा मदिशो सेल्‍नीम।

इजीकीएल 44:26

मिनु मेको ग्रांग्रा मदिशो दुम्‍मा नोले, ७ नाक्‍त सम्‍म रिम्‍चा माल्‍नीम।

लेवी 14:54

मिनु कुशुल ङा याक्‍सीब रोइ नेल्‍ल, रक सुइब रोइ,

लेवी 15:32

एको ग्रांग्रा दिशो यितीक कि बिउ दोक्‍शो ग्रांग्रा दिशो दुम्‍शो वोंइश मुर आ पर्बम चोव़खो सेल्‍तीके गेय बाक्‍ब।

लेवी 21:1

मिनु परमप्रभु यावेमी मोसा कली “हारून आ तौ, चढ़ेब आन कली ‘इन मुर बेक्‍तेक्‍म हना, गेपुकी मेको बेक्‍शो मुर कली थिशा आंम कली ग्रांग्रा दिशो मसेलीन। इजीकीएल ४४:२५-२७

लेवी 21:11

मेकोमी बेक्‍शो मुर बाक्‍तीके लशा, आंम कली ग्रांग्रा दिशो सेल्‍चा मदुम्‍ब। मेको आ आम आफ आ बेक्‍शो रां यो कोव़थ लचा मदुम्‍ब।

गन्‍ती 19:13

मिनु सुमी बेक्‍शो मुर थिशा, मचोव़खेसीबा, मेकोमी परमप्रभु यावे आ ताम्‍बु ग्रांग्रा दिशो सेल्‍ब। मेको मुर इस्राएली आन दाते रे तिल्‍चा पुंइसीब। मारदे हना चोव़खेतीक ब्‍वाक्‍कु मेको आ तार मब्रुइश्‍शो बाक्‍ब। मोपतीके मेको ग्रांग्रा दिशो बाक्‍ब। मिनु मेको आ ग्रांग्रा दितीके मेको नु लीब। लेवी १५:३१

गन्‍ती 19:15

मिनु मसुम्‍शो ग्‍योंब नेल्‍ल ग्रांग्रा दिशो बाक्‍नीम।

गन्‍ती 31:20

गेपुकीम वा नेल्‍ले, कुशुल के मार मार, क्‍यारश आ चां के सेल्‍शो नु शी के मार मार नेल्‍ल ग्रांग्रा मदिशो सेलीन” देंत।

गन्‍ती 5:2

“गे इस्राएली आन कली गेपुकीमी कोव़र खोदेंशो रोइ पाइब, आन रां रे ग्रांग्रा दिशो यिशो नु बेक्‍शो मुर थिशा ग्रांग्रा दुम्‍शो मुर आन कली इन बाक्‍तीक क्‍येङा ङोन वोइक्‍चा माल्‍नीनी। लेवी १३:४६; लेवी १५:२; गन्‍ती ९:६-७

गन्‍ती 6:6

गिश नाक्‍त सम्‍म मेको परमप्रभु यावे आ पर्बम दिल्‍शा बाक्‍बा, मिश नाक्‍त सम्‍म मेको बेक्‍शो मुर आन नेक्‍था लचा मदुम्‍ब।

गन्‍ती 6:9

मिनु दोक का का पा सुइ मुर मेको आ नेक्‍था बेक्‍शा, आ चां ग्रांग्रा सेल्‍तु हना, ग्रांग्रा मदिशो दुम्चा कली ७ नाक्‍तीम आ चां प्रेक्‍चा माल्‍ब। गन्‍ती १९:११,१४,१६

गन्‍ती 9:6

मिनु मेकेर मुर का निक्‍शी बेक्‍शो मुर थिशा, ग्रांग्रा दिशो दुम्‍शो बाक्‍तेक्‍म। मोपा मेकोपुकीमी मेको नाक्‍ती मेको पास्‍सा चाड मानेचा मतामे। मेकोपुकी मेको नाक्‍ती मोसा नु हारून आस ङोंइती जाक्‍तेक्‍म। गन्‍ती १९:११