गन्‍ती 19:12 - Sunuwar Bible

¹² मिनु मेकोम मेको सां नाक्‍तीम ब्‍वाक्‍कु चोव़खेसीचा माल्‍ब। मिनु ७ नाक्‍तीम लेंशा चोव़खेसीचा माल्‍ब। मिनु मेको ग्रांग्रा मदिशो दुम्‍ब। तन्‍न मेकोमी सां नाक्‍त नु ७ नाक्‍त मचोव़खेसाक्‍व हना, मेको ग्रांग्रा दिशा बाक्‍ब।

गन्‍ती 19:12 ပူးပေါင်းရင်းမြစ်များ

भजन संग्रह 51:7

गे हिस्सोप के ब्राक्‍सुमी आं पाप क्‍याम्‍दीन। मिनु आं पाप क्‍याम्‍सीशो बाक्‍ब। मिनु आं कली चिक्‍तीनी। मिनु गो फुं क्‍येङा बुश दुम्‍नुङ। प्रस्थान १२:२२-२३; यसैया १:१८

प्रस्‍थान 19:11

नित्‍थ नाक्‍त आं कली ग्रुम्‍चा कली ठीक दुम्‍चा माल्‍नीमी। मारदे हना नित्‍थ नाक्‍ती गो सीनै डांडाम मुर नेल्‍ल आन ङोंइती जाक्‍नुङ।

प्रस्‍थान 19:15

मिनु मोसामी वोंइश मुर आन कली “नित्‍थ नाक्‍त ठीक दुम्‍शा बाक्‍कीने। मीश मुर नु मबाक्‍कीन” दें‍त। १सामुएल २१:४-५; १कोरिन्‍थी ७:५

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

होसे 6:2

नाक्‍त निक्‍शी नोले परमप्रभुमी आंइ कली लेंशा ब्रोंइचा गेब। मिनु नाक्‍त सां नोले आंइ कली आ ङोंइती राप्‍पाइक्‍ब। मिनु मोपा गोपुकी मेको आ ङोंइती ब्रोंइ‍नीकी। ब्‍यवस्‍था ३२:३९

लेवी 14:7

मिनु मेकोमी रोइ रे साशो चोव़खो सेल्‍चा पुंइसीब मुर कली ७ खेयप ब्रुइश्‍शा ‘चोव़खो बाक्‍ब’ देंचा माल्‍ब। मिनु मेकोमी मेको सेस चिक्‍ब कली प्रोंइशा बेरपाइक्‍चा माल्‍ब। लेवी १६:२२

लेवी 7:17

आ नित्‍थ नाक्‍त सम्‍म लीशो चढ़ेशो श्‍ये चहिं मीम चोचा माल्‍ब।

गन्‍ती 31:19

गेपुकी सु सुम मुर साइश्‍शो बाक्‍नी नु बेक्‍शो मुर आन कली थिशो बाक्‍नी मेको नेल्‍ल ७ नाक्‍त सम्‍म इन बाक्‍तीक आ लाङगाम बाक्‍कीन। मिनु सां नाक्‍त नु ७ नाक्‍ती गेपुकीमी इन कली ग्रांग्रा मदिशो सेल्‍सीशा, इन ग्‍याइश्‍शो आन कली यो ग्रांग्रा मदिशो सेलीन। गन्‍ती १९:११-२०

प्रेरित 15:9

मेकोपुकीमी येसु ख्रीस्‍त कली थमा सुइक्‍तीकेमी माफ तशा, गो नेल्‍ल का दुम्‍शो बाक्‍नीकी।

प्रकाश 7:14

मिनु गोमी “हजुर, गो मतुइक्‍नुङ, गे तुइक्‍नीनी” देंती। मिनु मेको खाल्‍पामी “मेकोपुकी ठेयब श्‍येत रे जाक्‍तेक्‍म। मिनु मेको आन मरिम्‍शो पतीके लुम्‍सीशो वा पाठा आ हुशेमी मुरतीके बुश दुम्‍त। मत्ती २४:२१; प्रकाश १२:११