गन्‍ती 18:9 - Sunuwar Bible

⁹ मिनु मी रे पा प्रोंइशा आं कली चढ़ेशो इन कली मार बाक्‍ब देंशा हना, मेको आं कली नेल्‍ल क्‍येङा चोव़खो चढ़ेशो अन्‍न चढ़ेशो बाक्‍त हना यो, पाप आ पर्बम चढ़ेशो बाक्‍त हना यो नु गारचा आ पर्बम चढ़ेशो नेल्‍ल इ कली नु इ तौ आन कली बाक्‍ब।

गन्‍ती 18:9 ပူးပေါင်းရင်းမြစ်များ

२ राजा 12:17

मेना अराम ङा पिप हजाएल इर कुशा, गाथ कली लडाइ तोशा मेको आ के सेला बाक्‍त। मेको नोले हजाएल यरूसलेम नु लडाइ पचा कली मेक गे लमाक्‍त।

नेहेम्‍याह 10:36

आंइ नेल्‍ल क्‍येङा ङोंइती जरमेशो तौ नु बस्‍तु भाव आन ङोंइती जरमेशो परमप्रभु आ अरेशो खोदेंशो पा परमप्रभु आ खिंमी चाक्‍चा कली आंइ थुं फ्रेंताक्‍क। आंइ नेल्‍ल क्‍येङा ङोंइती जरमेशो बी ब्‍यफ, क्‍यारश, भेडा आंइ परमप्रभु आ खिंमी गेय पाइब चढ़ेब आन कली चाक्‍नीक, दे थुं फ्रेंताक्‍क। प्रस्‍थान १३:२

इजीकीएल 42:13

मिनु मेकोमी आं कली “परमप्रभु यावे आ खिं ङा श्‍येत्‍थ बाक्‍तीके आइक्‍ची उत्तर गे नु दक्‍खिन गे ङा कोठापुकी चढ़ेब आन कोठा बाक्‍नीम। मेकेर परमप्रभु यावे आ ङोंइती बाक्‍शो चढ़ेबपुकीमी नेल्‍ल क्‍येङा चोव़खो चढ़ेशो ब्‍वाइनीम। मेकेर नेल्‍ल क्‍येङा चोव़खो चढे़शो, अन्‍न चढ़ेशो, पाप आ पर्बम चढ़ेशो नु दोस आ पर्बम चढ़ेशो वोइक्‍नीम। मारदे हना मेको चोव़खो बाक्‍तीके बाक्‍ब।

इजीकीएल 44:29

मेकोपुकीम अन्‍न चढ़ेशो, पाप आ पर्बम चढ़ेशो नु दोस आ पर्बम चढ़ेशो जचा माल्‍नीम। इस्राएलम परमप्रभु यावे कली गेचा माल्‍शो थोव़क नेल्‍ल मेको आन के दुम्‍ब। गन्‍ती १८:१४

लेवी 10:17

“गेपुकीमी मारदे पाप आ पर्बम चढ़ेशो कली चोव़खो बाक्‍तीकेम मब्‍वनी? मारदे हना मेको थम चोव़खो बाक्‍ब। मिनु परमप्रभु यावेमी मुर आन पर्बम पाप क्‍याम्‍तीक गेय पचा, दे मेको इन कली गेशो बाक्‍ब।

लेवी 14:13

मिनु मेकोमी पाप आ पर्बम चढ़ेतीक नु चोशा चढ़ेतीक साइक्‍तीके मेको चोव़खो बाक्‍तीकेम साइक्‍चा माल्‍ब। मारदे हना गारचा आ पर्बम चढ़ेशो नु पाप आ पर्बम चढ़ेशो चढ़ेब के दुम्‍ब। मेको थम चोव़खो बाक्‍ब। लेवी ७:७

लेवी 2:10

मेको अन्‍न चढ़ेतीके आ लीशो चहिं हारून नु आ तौ आन के दुम्‍ब। मेको परमप्रभु यावे कली मीम चोशा चढ़ेतीक ङा नेल्‍ल क्‍येङा चोव़खो चोशा चढ़ेतीक बाक्‍ब।

लेवी 22:11

तन्‍न चढ़ेबमी क्‍येट थाप्‍शा ग्‍याप्‍शो मुर नु मेको आ खिंम जरमेशो मुर चढ़ेब आ भाग रे जचा ब्‍वचा दुम्‍ब।

लेवी 22:7

मोदेंशो मुर नां रिक्‍म नोले ला ग्रांग्रा मदिशो दुम्‍ब। मिनु नोले मेकोमी आं कली चढ़ेशो थोव़क जने ब्‍वने चाप्‍ब। मारदे हना मेको आं कली चढ़ेशो आ जचा ब्‍वचा थोव़क बाक्‍ब।

लेवी 4:22

मिनु सासन पाइब कामी मतुइक्‍थु, परमप्रभु यावेमी मपचा, दे शेंशो पाप पाप्‍तु हना, मेको दोस ताइब दुम्‍ब।

लेवी 4:27

मिनु मुर आन दाते ङा कामी मतुइक्‍थु पाप पाप्‍तु हना, परमप्रभु यावेमी मपचा, दे शेंशो पाप्‍तु हना, मेको दोस ताइब दुम्‍ब।

लेवी 5:1

मिनु मुर कामी मार मार तशा तुइश्‍शा यो, सांकछी दुम्‍चा कली ब्रेत्‍मेनु, सांकछी दुम्‍चा कली मजाक्‍बा, मेकोमी आ तशो तुइश्‍शो मदेंत हना, मेको आ पर्बम दोस ताइब दुम्‍ब। न्‍यायाधीस १७:२; हितोपदेस २९:२४

लेवी 5:6

मेकोमी परमप्रभु यावे आ ङोंइती आ पशो पाप आ पर्बम चढ़ेचा कली आ बगाल रे भेडा बाक्‍त हना यो, क्‍यारश बाक्‍त हना यो, का चाक्‍चा माल्‍ब। मिनु चढ़ेबमी मेको आ पशो पाप आ पर्बम पाप क्‍याम्‍तीक गेय पचा माल्‍ब।

लेवी 6:17

मेकेर बोरब ओख्‍ती सुप्‍शा शोब्‍ले चोचा मदुम्‍ब। आं कली मीम चोशा चढ़ेशो रे मेको आन कली आं गेशो भाग बाक्‍ब। मेको पाप आ पर्बम चढ़ेतीके नु गारपाइक्‍चा आ पर्बम चढ़ेतीके खोदेंशो मेको थम चोव़खो बाक्‍ब।

लेवी 6:19

मिनु परमप्रभु यावेमी लेंशा मोसा कली

लेवी 6:30

तन्‍न तेको पाप क्‍याम्‍चा कली चढ़ेतीके आ हुश पाप क्‍याम्‍तीक गेय पचा कली ग्रुम्‍तीक ताम्‍बु आ आगाम चाक्‍नीमी, मेको ब्‍वचा मदुम्‍ब। मेको चोचा माल्‍नीम।

लेवी 7:1

गारचा आ पर्बम चढ़ेतीक थम चोव़खो बाक्‍ब। एको दोपा पचा माल्‍ब देंशा हना, लेवी ५:१४-२६

लेवी 7:6

मेको चढ़ेब आन खिं ङा वोंइश मुर नेल्‍लेमी मेको ब्‍वचा माल्‍नीम। मेको चोव़खो बाक्‍तीके ब्‍वचा माल्‍नीम। मेको थम चोव़खो बाक्‍ब।

लेवी 7:7

गारचा आ पर्बम चढ़ेतीके पाप आ पर्बम चढ़ेतीक खोदेंशो बाक्‍ब। पतीक गेय यो कान बाक्‍ब। मिनु तेको चढ़ेबम मेको पाप क्‍याम्‍तीक गेय पवा, मेको मेको केन दुम्‍ब।

गन्‍ती 18:10

मिनु मेको इन कली नेल्‍ल क्‍येङा चोव़खो जचा थोव़क बाक्‍ब। मेको इन दाते ङा वोंइश मुर नेल्‍लेमी जने चाप्‍नीम। मेको इन कली चोव़खो बाक्‍ब। लेवी ६:९; लेवी १०:१२,१४

ब्‍यवस्‍था 18:1

मोसामी “लेवी आ थर ङा चढ़ेब, नु लेवी आ थर ङा मुर नेल्‍लेमी रू मथेरनीम। परमप्रभु यावे कली चोशा चढ़ेशो नु मेको कली गेशो मेकोपुकीम जामेक्‍ल। ब्‍यवस्‍था १०:९; गन्‍ती १८:८-२०; १सामुएल २:२८; १कोरिन्‍थी ९:१३