गन्ती 18:7 - Sunuwar Bible7 तन्न गे नु इ तौपुकीम चढ़ेतीक नु फारशो वा आगा ङा कोठा ङा गेय थम रिम्शो पा पने। चढ़ेतीक गेय इन कली गेतन्नी। अरु सुइ मेकेर जाक्तेक्म हना, मेको साइक्चा पुंइसीनीम” देंत। गन्ती १:५१ အခန်းကိုကြည့်ပါ။ |
गन्ती 18:7
28 ပူးပေါင်းရင်းမြစ်များ
मेको इस्राएली आन कली मिम्तीके बाक्ब। मार मिम्तीके बाक्ब देंशा हना, हारून आ मुर ङा लाक्शा, अरु मुरपुकी परमप्रभु यावे आ ङोंइती धूप चोचा कली आ नेक्था लने मचाप्नीम। मिनु कोराह नु आ मुरपुकी खोदेंशो पा साइक्चा मपुंइसीनीम, दे मिम्पाइक्तीक बाक्ब। मिनु परमप्रभु यावे मोसा रे पा एलाजर कली दोदेंशो पा लोव़ पवा, मोदेंशो पा पाप्तु। गन्ती ३:१०
मोसा, हारून नु आस तौ आन बाक्तीके ग्रुम्तीक ताम्बु आ ङोंइती पूर्ब गे, नां दाप्तीके गे दुम्चा माल्बाक्त। मेकोपुकीमी ग्रुम्तीक ताम्बुम इस्राएली आन पर्बम मार मार पचा माल्शो बाक्मे, मेको पचा माल्बाक्तेक्म। मेकोपुकी ङा लाक्शा अर्को सुइ मुरुम मो पाम्तेक्म हना, मेको आन कली साइक्चा माल्नीम।
तन्न लेवी आ थर ङा मुरपुकीमी इन दातेमी रागी मताइनीम। मारदे हना परमप्रभु यावे आ चढ़ेब दुम्तीकेन मेको आन भाग बाक्ब। मिनु गाद, रूबेन नु मनस्से आ उइक्थ थरमी यर्दन आ पूर्ब गे आन रागी तशो बाक्तेक्म। मारदे हना परमप्रभु यावे आ गेय पाइब मोसामी मेको आन कली आन रागी गेने थुम्शो बाक्त” देंत। यहोसु १३:१४,३३
इन कली मार अर्ती गेनुङ देंशा हना, गे परमप्रभु यावे आ योव़शो मुर आन गोठला खोदेंशो दुम्शा, मेको आन कली रिम्शो पा कोव़ङीन। इन थुंमी “आं मदाक्शो गेय बाक्ब” दे मिम्शा ममाइ, तन्न “गो मेको गेय दाक्नुङ” दे ग्येरशा पने। “क्येट चेम्नुङ” दे मिम्शा ममाइ, तन्न रिम्शो शेंतीके गेय शुश पने। यूहन्ना २१:१६; प्रेरित २०:२८; १तिमोथी ३:२-७
ကြော်ငြာတွေ