गन्‍ती 18:32 - Sunuwar Bible

³² मिनु गे मेको आन नेल्‍ल क्‍येङा रिम्‍शो भाग गेतीके इन कली मारेइ दोस मदुम्‍ब। तन्‍न इस्राएलीपुकीम आन परमप्रभु यावे कली गेशो थोव़क दूली पा मचलेने। मो पाइतीनी हना गे बेक्‍नीनी’ दे माइक्‍चा माल्‍नेवे” दे परमप्रभु यावेमी मोसा कली देंत।

गन्‍ती 18:32 ပူးပေါင်းရင်းမြစ်များ

प्रस्‍थान 28:43

मिनु हारून नु आ तौपुकी ग्रुम्‍तीक ताम्‍बु ओव़शा, चढ़ेतीक आ नेक्‍था लमानु, मेको वा फेक्‍सीशो बाक्‍चा माल्‍नीम। मफेक्‍साक्‍म हना, दोस तशा बेक्‍नीम। हारून नु आ चच युइ आन पाला नेल्‍लेमी गेना हना यो मोदेंशो पचा माल्‍नीम।

लेवी 19:8

मेको ब्‍वाइब नेल्‍लेमी सजाइ ताइनीम। मारदे हना मेकोमी परमप्रभु यावे कली चढ़ेशो ग्रांग्रा दिशो सेल्‍शा, मेको कली मटीम। मिनु मोदेंशो मुर आन मुर रे तिल्‍चा पुंइसीनीम।

लेवी 22:2

“गे हारून नु आ तौ आन कली मार शेंचा माल्‍नेवे देंशा हना, ‘इस्राएलीपुकीमी आं कली चढ़ेशो थोव़क आन पर्बम होस पा बाक्‍कीन। मिनु आं नें कली ग्रांग्रा दिशो मसेलीन। गो परमप्रभु यावे नङ’ दे शेंचा माल्‍नेवे” दे परमप्रभु यावेम मोसा कली देंत।

मलाकी 1:7

परमप्रभुमी “गेपुकी आं कली ग्रांग्रा दिचा ङा थोव़क आं चढ़ेतीकेमी चढ़ेनीनी। मिनु गेपुकीमी ‘दोपा इन कली ग्रांग्रा दिपाइक्‍का?’ दे लोव़ पाइनीनी। परमप्रभु यावे आ टेबल कली मारेइ खोइ मलाक्‍नीनी।

गन्‍ती 18:22

मुल रे इस्राएलीपुकी ग्रुम्‍तीक ताम्‍बु आ नेक्‍था जाक्‍ने मचाप्‍नीम। जाक्‍तेक्‍म हना, पापम पतीकेमी बेक्‍नीम।

गन्‍ती 18:31

मिनु गे नु इन खिं ङा मुर नेल्‍ले ते ते जचा दाक्‍नीनी, मेक मेक जने चाप्‍नीनी। मारदे हना मेको इन ग्रुम्‍तीक ताम्‍बुमी गेय पशो ङा गाल्‍च बाक्‍ब। मत्ती १०:१०

गन्‍ती 19:1

परमप्रभु यावेमी मोसा नु हारून आस कली

१ कोरिन्‍थी 11:27

सु सुमी हेंथे पा प्रभु भोज ङा शोब्‍ले रे जाइबा नु कचौरा रे तूबा, मेकोमी पाप पा प्रभु आ रां नु आ हुश कली मरिम्‍शो सेल्‍ब। १कोरिन्‍थी १२:२१-२२

१ कोरिन्‍थी 11:29

मारदे हना सु सुमी जशा तूशा, प्रभु आ रां बाक्‍ब, दे ममिम्‍नीमी, मेको सजाइ गेचा पुंइसीनीम। १कोरिन्‍थी १०:१६-१७