गन्‍ती 18:24 - Sunuwar Bible

²⁴ मारदे हना गो लेवी आन कली इस्राएली आन परमप्रभु यावे कली चढ़ेशो १० भाग ङा भाग का गेतामी। मोपतीके गो मेको आन कली ‘गे इस्राएली आन दातेमी रू मताइनीनी’ देंती” देंत।

गन्‍ती 18:24 ပူးပေါင်းရင်းမြစ်များ

नेहेम्‍याह 10:38

मोदेंशो पा लेवीपुकी पोक्‍थ गाक्‍मानु, चढ़ेब हारून आ चच युइ यो लेवीपुकी नु गाक्‍चा माल्‍नीम। मिनु लेवीपुकी मेको आन पोक्‍शो रे पा १० भाग ङा भाग का परमप्रभु आ खिं ङा वोइक्‍तीक कोठामी वोइक्‍चा माल्‍नीम। गन्‍ती १८:२६,२८

नेहेम्‍याह 13:12

मिनु यहूदा रागीम बाक्‍ब नेल्‍लेमी १० भाग ङा भाग का अन्‍न, नक अङगुर शांबु नु तेल परमप्रभु यावे आ खिं ङा मार मार वोइक्‍तीक कोठामी चाक्‍तेक्‍म। गन्‍ती १८:२१

लेवी 27:30

मिनु रू नेल्‍ल ङा, अन्‍न कि रवा आ फल फुल १० भाग परमप्रभु यावे केन बाक्‍ब। मेको परमप्रभु यावे केन बाक्‍ब। गन्‍ती १८:२१; ब्‍यवस्‍था १४:२२-२९; नेहेम्‍याह १३:१२

गन्‍ती 18:25

मिनु परमप्रभु यावेमी मोसा कली

गन्‍ती 18:26

“गे लेवी आन कली ‘परमप्रभु यावेमी इन कली मुर आन गुइ रे इन भाग दुम्‍चा कली गेशो, इस्राएली आ १० भाग ङा भाग का ताक्‍नीनु, गेपुकीम मेको रे यो परमप्रभु यावे कली १० भाग ङा भाग का तिल्‍शा, गेचा माल्‍नीनी।

गन्‍ती 26:62

मेको वोंइश आल नेल्‍ले महिना का नु मेको क्‍येङा लाक्‍शो हिक्‍शोनु २३ हजार बाक्‍तेक्‍म। मेकोपुकी अरु इस्राएली आन खोदेंशो पा लडाइ पचा कली महिक्‍शो बाक्‍तेक्‍म। मारदे हना मेकोपुकी इस्राएली आन दातेमी आंम आन रागी कली मगेशो बाक्‍त।

ब्‍यवस्‍था 10:9

मोपतीके लेवीपुकीम आन लोक्‍ब खोदेंशो पा रागी ङा रू मतामे। परमप्रभु यावे मेको आन शोंप बाक्‍ब। परमप्रभु यावे, इन परमप्रभुमी दोदेंशो देंमे, मोदेंशो दुम्‍त। गन्‍ती १८:२०

ब्‍यवस्‍था 26:12

मिनु गेपुकीमी बर्स सां सांमी इन बाली नाली ङा मारेइ मारेइ रे इन सहरम १० भाग ङा भाग का तिल्‍शा वोइक्‍चा माल्‍नीनी। मेको इन सहर ङा लेवी आ थर ङा मुर, अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली गारचा ङा जचा थोव़क बाक्‍ब। ब्‍यवस्‍था १४:२७-२९

यहोसु 13:14

मोसामी लेवी आ थर कली ला रागी मगेवो। मारदे हना परमप्रभु यावे आ देंशो खोदेंशो पा परमप्रभु यावे, इस्राएली आन परमप्रभु कली चोशा चढ़ेशो मेको आन भाग बाक्‍ब। यहोसु १३:३३; उत्‍पत्ती ४९:५; गन्‍ती १८:२०-२१