गन्‍ती 18:22 - Sunuwar Bible

²² मुल रे इस्राएलीपुकी ग्रुम्‍तीक ताम्‍बु आ नेक्‍था जाक्‍ने मचाप्‍नीम। जाक्‍तेक्‍म हना, पापम पतीकेमी बेक्‍नीम।

गन्‍ती 18:22 ပူးပေါင်းရင်းမြစ်များ

प्रस्‍थान 28:43

मिनु हारून नु आ तौपुकी ग्रुम्‍तीक ताम्‍बु ओव़शा, चढ़ेतीक आ नेक्‍था लमानु, मेको वा फेक्‍सीशो बाक्‍चा माल्‍नीम। मफेक्‍साक्‍म हना, दोस तशा बेक्‍नीम। हारून नु आ चच युइ आन पाला नेल्‍लेमी गेना हना यो मोदेंशो पचा माल्‍नीम।

लेवी 20:20

सुइ मुरुमी आ बोडो, बकान्‍छा कि मामा आ मीश नु इप्‍त हना, मेकोमी आ बोडो, बकान्‍छा कि मामा कली मुने तोक्‍ब। मेको सजाइ जचा पुंइसीनीस। मिनु आल मथिथु बेक्‍नीस।

लेवी 22:9

चढ़ेबपुकीमी आं देंशो टिचा माल्‍नीम। मो मपाम्‍तेक्‍म हना, मेकोपुकीमी आं देंशो मटितेक्‍म हना, मेकोपुकी दोस तशा आं बाक्‍तीक ताम्‍बुमी बेक्‍नीम। मिनु गो मेको आन कली आंम आं मुर सेल्‍ब परमप्रभु यावे नङ।

गन्‍ती 18:7

तन्‍न गे नु इ तौपुकीम चढ़ेतीक नु फारशो वा आगा ङा कोठा ङा गेय थम रिम्‍शो पा पने। चढ़ेतीक गेय इन कली गेतन्‍नी। अरु सुइ मेकेर जाक्‍तेक्‍म हना, मेको साइक्‍चा पुंइसीनीम” देंत। गन्‍ती १:५१

गन्‍ती 3:10

मिनु गे हारून नु आ तौ आस कली चढ़ेबम पचा माल्‍शो गेय पपाइक्‍मी। मेकोपुकी ङा लाक्‍शा अर्को सुइ मुरुम मो पाम्‍तेक्‍म हना, मेको आन कली साइक्‍चा माल्‍नीम” देंत। गन्‍ती १:१५

गन्‍ती 3:38

मोसा, हारून नु आस तौ आन बाक्‍तीके ग्रुम्‍तीक ताम्‍बु आ ङोंइती पूर्ब गे, नां दाप्‍तीके गे दुम्‍चा माल्‍बाक्‍त। मेकोपुकीमी ग्रुम्‍तीक ताम्‍बुम इस्राएली आन पर्बम मार मार पचा माल्‍शो बाक्‍मे, मेको पचा माल्‍बाक्‍तेक्‍म। मेकोपुकी ङा लाक्‍शा अर्को सुइ मुरुम मो पाम्‍तेक्‍म हना, मेको आन कली साइक्‍चा माल्‍नीम।