गन्‍ती 18:20 - Sunuwar Bible

²⁰ मिनु नोले परमप्रभु यावेमी हारून कली “गे मेको रागीम मुर आन दातेमी रू मताइनीनी। गो इस्राएली आन दातेमी इन भाग नु इन शोंप नङ। गन्‍ती ३५:-; ब्‍यवस्‍था १०:९; ब्‍यवस्‍था १२:१२; यहोसु १३:१४,३३; भजन संग्रह १६:५; भजन संग्रह ७३:२६; इजीकीएल ४४:२८

गन्‍ती 18:20 ပူးပေါင်းရင်းမြစ်များ

उत्पत्ती 15:1

मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४

भजन संग्रह 142:5

परमप्रभु यावे गो इन कली ब्रेत्‍ताक्‍ङ। गो “गे आं ख्रुइक्‍तीके बाक्‍नीनी। ब्रोंइशा बाक्‍ब आन रागीमी गे आं भाग बाक्‍नीनी” देंती। भजन संग्रह २७:१३

भजन संग्रह 16:5

परमप्रभु यावे, गे आं भाग बाक्‍नीनी। मिनु आं कचौरा प्रिंनीनी। गे आं थेरशो रू कोव़ब बाक्‍नीनी। भजन संग्रह ७३:२६; गन्‍ती १८:२०; बिलाप ३:२४

भजन संग्रह 73:26

आं रां नु आं थुं निम्‍फा ग्‍येत्‍थ लुक्‍च दुम्‍शो बाक्‍नीस। तन्‍न परमप्रभु गेना हना यो आं सक्ति नु आं भाग बाक्‍ब। भजन संग्रह १६:५

बिलाप 3:24

आं थुंमी “परमप्रभु यावे आं भाग बाक्‍ब। मोपतीके गो मेको कली आस पाइनुङ” देंती। भजन संग्रह १६:५; भजन संग्रह ३:२६

इजीकीएल 44:28

मिनु परमप्रभुमी “चढ़ेब आन शोंप गो नङ। मेको आन कली इस्राएलम रू गेचा मदुम्‍ब। गो मेको आन शोंप नङ। गन्‍ती १८:२०

गन्‍ती 18:7

तन्‍न गे नु इ तौपुकीम चढ़ेतीक नु फारशो वा आगा ङा कोठा ङा गेय थम रिम्‍शो पा पने। चढ़ेतीक गेय इन कली गेतन्‍नी। अरु सुइ मेकेर जाक्‍तेक्‍म हना, मेको साइक्‍चा पुंइसीनीम” देंत। गन्‍ती १:५१

गन्‍ती 26:62

मेको वोंइश आल नेल्‍ले महिना का नु मेको क्‍येङा लाक्‍शो हिक्‍शोनु २३ हजार बाक्‍तेक्‍म। मेकोपुकी अरु इस्राएली आन खोदेंशो पा लडाइ पचा कली महिक्‍शो बाक्‍तेक्‍म। मारदे हना मेकोपुकी इस्राएली आन दातेमी आंम आन रागी कली मगेशो बाक्‍त।

ब्‍यवस्‍था 10:9

मोपतीके लेवीपुकीम आन लोक्‍ब खोदेंशो पा रागी ङा रू मतामे। परमप्रभु यावे मेको आन शोंप बाक्‍ब। परमप्रभु यावे, इन परमप्रभुमी दोदेंशो देंमे, मोदेंशो दुम्‍त। गन्‍ती १८:२०

ब्‍यवस्‍था 12:12

मिनु गेपुकी, इन तमी तौ, वाइलीम वाइल, इन सहरम बाक्‍शो आंम कली शोंप मतशो लेवी नेल्‍ल परमप्रभु यावे, इन परमप्रभु आ ङोंइती ग्‍येरसीचा माल्‍नीनी। ब्‍यवस्‍था १०:९

ब्‍यवस्‍था 14:27

इन सहरम बाक्‍ब लेवी आ थर ङा मुर आन कली रिम्‍शो पा कोव़ङीन। मारदे हना मेकोपुकी इन खोदेंशो पा शोंप मतामे। ब्‍यवस्‍था १२:१२,१९;

ब्‍यवस्‍था 14:29

मिनु इन खोदेंशो पा शोंप मताइब लेवी आ थर ङा मुरपुकी, अर्को रागी ङा मुर, रोम रोइक्‍च नु वोंइश बेक्‍शो मीश मुरपुकी मेकेर जाक्‍शा, रूथ्री जचा ब्‍वचा तामेक्‍ल। मो पाइतीनी हना, परमप्रभु यावे, इन परमप्रभुमी इन कली इन पतीक नेल्‍लेमी आसीक गेब” देंत।

यहोसु 13:14

मोसामी लेवी आ थर कली ला रागी मगेवो। मारदे हना परमप्रभु यावे आ देंशो खोदेंशो पा परमप्रभु यावे, इस्राएली आन परमप्रभु कली चोशा चढ़ेशो मेको आन भाग बाक्‍ब। यहोसु १३:३३; उत्‍पत्ती ४९:५; गन्‍ती १८:२०-२१

यहोसु 13:33

तन्‍न लेवी आ थर ङा मुर आन कली तेकोइ रागी मगेम। मारदे हना परमप्रभु यावे, इस्राएली आन परमप्रभु मेको आन भाग बाक्‍ब। यहोसु १३:१४

यहोसु 14:3

मारदे हना मोसामी थर निक्‍शी नु उइक्‍थ थर आन कली यर्दन खोला आ पूर्बम रागी गेने थुम्‍शो बाक्‍त। तन्‍न लेवी आन कली मेको आन दातेमी तेकोइ रागी मगेशो बाक्‍त। यहोसु १३:१४,३३; ब्‍यवस्‍था १०:९

यहोसु 18:7

तन्‍न लेवी आ थर ङा मुरपुकीमी इन दातेमी रागी मताइनीम। मारदे हना परमप्रभु यावे आ चढ़ेब दुम्‍तीकेन मेको आन भाग बाक्‍ब। मिनु गाद, रूबेन नु मनस्‍से आ उइक्‍थ थरमी यर्दन आ पूर्ब गे आन रागी तशो बाक्‍तेक्‍म। मारदे हना परमप्रभु यावे आ गेय पाइब मोसामी मेको आन कली आन रागी गेने थुम्‍शो बाक्‍त” देंत। यहोसु १३:१४,३३

प्रकाश 21:3

मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। प्रस्‍थान २९:४३५; येरमीया ७:२३