गन्‍ती 18:19 - Sunuwar Bible

¹⁹ मिनु इस्राएलीपुकीमी आं कली चढ़ेशो नेल्‍ल इ कली नु इ तमी तौ आन कली गेना हना यो कली गेतन्‍नी। मेको इ कली नु इ चच युइ आन कली परमप्रभु यावे आ ङोंइती गेना हना यो लीशो हिक्‍सी आ कबल पशो बाक्‍ब” देंत। लेवी २:१३; २इतिहास १३:५

गन्‍ती 18:19 ပူးပေါင်းရင်းမြစ်များ

२ राजा 12:16

मिनु दोस आ पर्बम नु पाप आ पर्बम चढ़ेशो क्‍येट चहिं परमप्रभु यावे आ खिं ङा क्‍येट नु मब्वाइक्‍तमे बाक्‍त। मेको चहिं चढ़ेब आन के दुम्‍बाक्‍माक्‍त।

२ इतिहास 13:5

मार, गे परमप्रभु यावे, इस्राएली आन परमप्रभु दाऊद नु गेना हना यो लीब हिक्‍सी कबल पशो मतुइक्‍नीनी? मेको कबल मार बाक्‍ब देंशा हना, मेको इस्राएली आन राज्‍य नेल्‍ल दाऊद नु आ तौ आन कली गेना हना यो कली गेशो बाक्‍ब, दे मतुइक्‍नीनी? लेवी २:१३; गन्‍ती १८:१९

२ इतिहास 31:4

मिनु चढ़ेब नु लेवीपुकीम परमप्रभु यावे आ अरेशो लोव़ ङा गेय पस ङा पस बाक्‍मल, दे पिपम यरूसलेमम बाक्‍ब मुर आन कली मेको आन गेचा माल्‍शो भाग चढ़ेब नु लेवी आन कली गेचा माल्‍नीम, दे हुकुम पवा बाक्‍त।

प्रस्‍थान 29:27

मिनु मेको हारून नु आ तौ आन कली चढ़ेब सेल्‍शो सांड आ ग्‍येत्‍थ लुक्‍च पा हिम्‍शा चढ़ेशो कुथ्रु नु क्‍युक्‍शा चढ़ेशो फिला मेको आन कली गेचा माल्‍नीम। गन्‍ती १८:१८

इजीकीएल 43:24

गेपुकीम मेको आस कली परमप्रभु यावे आ ङोंइती वोइक्‍चा माल्‍नीनी। मिनु चढ़ेबपुकीम मेको तारी हिक्‍सी वोइश्‍शा, परमप्रभु यावे आ ङोंइती चोशा चढ़ेतीक सेल्‍शा चढ़ेचा माल्‍नीम।

लेवी 2:13

गेपुकीमी इन अन्‍न चढ़ेतीक नेल्‍ल हिक्‍सी सुप्‍शा, हिक्‍सी ङाम्‍शो सेलीन। इन परमप्रभु आ कबल ङा अन्‍न चढ़ेतीकेमी हिक्‍सी मङाम्‍शो मदुम्‍ब। इन चढ़ेतीक नेल्‍लेमी हिक्‍सी सुप्‍शो चढ़ेचा माल्‍नीनी। गन्‍ती १८:१९; २इतिहास १३:५

लेवी 21:22

मेकोमी आंम परमप्रभु कली चढ़ेशो नु चोव़खो नु थम चोव़खो जचा थोव़क चहिं जने ब्‍वने चाप्‍ब।

लेवी 7:14

मेकोमी चढ़ेशो शोब्‍ले नेल्‍ल रे का का पा परमप्रभु यावे कली क्‍युक्‍शा चढ़ेचा माल्‍ब। दुशा बाक्‍चा आ पर्बम चढ़ेतीके आ हुश तेको चढ़ेबम ब्रुइक्‍बा, मेको केन दुम्‍ब।

गन्‍ती 18:11

मिनु इस्राएलीपुकीमी क्‍युक्‍शा चढ़ेतीक चढ़ेम्‍तेक्‍म हना, मेको तिल्‍शो नेल्‍ल इ कली नु इ तमी तौ आन कली गेना हना यो इन भाग बाक्‍ब, दे गेतन्‍नी। इ खिंम ग्रांग्रा मदिशो बाक्‍शो सुइ सुइमी मेको जने चाप्‍नीम।

गन्‍ती 18:8

मिनु परमप्रभु यावेमी हारून कली “गो आं कली चढ़ेशो इ कली गेतन। इस्राएलीपुकीमी आं कली चढ़ेशो नेल्‍ल गेतन। मेको इ कली नु इ तौ आन कली चढ़ेतीक गेय पशो ङा गेना हना यो इन भाग बाक्‍ब। लेवी ३:२,१०; लेवी ६:९-११,१९-२२; लेवी ७:६-१०

गन्‍ती 31:29

मेको लडाइ पाइब आन भाग रे ताक्‍शा, चढ़ेब एलाजरमी परमप्रभु यावे कली चढ़ेचा माल्‍ब।

गन्‍ती 31:41

परमप्रभु यावेमी मोसा कली देंशो खोदेंशो पा मोसामी परमप्रभु यावे कली गेशो भाग चढ़ेब एलाजर कली गेप्‍तु।

ब्‍यवस्‍था 12:26

तन्‍न गेपुकी इन परमप्रभु कली गेशो थोव़कपुकी नु इन गेचा माल्‍शो, इन दाक्‍शा गेशो कुरशा परमप्रभु यावे आ योव़शो बाक्‍तीकेम लचा माल्‍नीनी।

ब्‍यवस्‍था 12:6

मिनु इन चोशा चढ़ेशो, क्‍योरशा चढ़ेशो, इन १० भाग ङा भाग का, इन गेचा ङा चढ़ेशो, इन देंशो चढ़ेशो नु इन आंम दाक्‍शो चढ़ेशो, इन बी ब्‍यफ आन ङोंइती जरमेशो नु इन क्‍यारश भेडा आन ङोंइती जरमेशो मेकेर लाइक्‍चा माल्‍नीनी।