गन्‍ती 18:18 - Sunuwar Bible

¹⁸ तन्‍न आन श्‍ये इ केन बाक्‍ब। मेको क्‍युक्‍शा चढ़ेशो कुथ्रु नु ग्‍युरा फिला खोदेंशो पा इ केन बाक्‍ब।

गन्‍ती 18:18 ပူးပေါင်းရင်းမြစ်များ

नेहेम्‍याह 10:37

मिनु आंइ नि‍शो फस ङा नेल्‍ल क्‍येङा ङोंइती ङा भाग, अन्‍न चढ़ेतीके, मार मार रवा आन फल, अङगुर शांबु नु तेल चढ़ेब आन कली गेचा, दे परमप्रभु आ खिं ङा वोइक्‍तीक कोठाम चाक्‍नीकी। मोदेंशो पा लेवी नेल्‍लेम रागी ङा १० भाग ङा भाग का ताइनीम। मेको लेवीपुकीमी आंइ गेय पतीक सहर जाक्‍शा, १० भाग ङा भाग का पोक्‍चा माल्‍नीम। गन्‍ती १५:२०-२१; गन्‍ती १८:२१

१ सामुएल 9:24

मिनु मेको क्‍येबमी फिला चाक्‍शा, सावल आ ङोंइती वोदा बाक्‍त। मिनु सामुएलमी “इ कली वोइश्‍शो भाग एकोन बाक्‍ब। ब्‍वावो। मुर आन कली ब्रेश्‍शो भोजम एको इ कली वोइश्‍शो भाग बाक्‍ब” दे सावल कली देंमाक्‍त। मिनु मेको नाक्‍ती सावल पौनापुकी नु भोज जवा बाक्‍त।