गन्‍ती 18:16 - Sunuwar Bible

¹⁶ मेको आन कली प्रोंइतीक क्‍येट महिना का गाप्‍शो कली चांदी के ५ शेकेल ताक्‍चा माल्‍नेवे। मेको ताम्‍बु ङा शेकेल बाक्‍चा माल्‍नीम। मेको ताम्‍बु ङा शेकेल का २० गेराह ङा बाक्‍ब। गेराह का ०.६ ग्राम बाक्‍ब। ताम्‍बु ङा शेकेल का १२ ग्राम ङा क्‍येट बाक्‍ब। लेवी २७:६,२७

गन्‍ती 18:16 ပူးပေါင်းရင်းမြစ်များ

प्रस्‍थान 30:13

गिश जना वोंइश मुर हिक्‍सीनीमी, मिश जना ताम्‍बु ङा नाक्‍तीके ङा आधा शेकेल गेचा माल्‍नीमी। शेकेल का २० गेराह चांदी बाक्‍नीम। मोपा परमप्रभु यावे कली गेशो क्‍येट आधा शेकेल गेचा माल्‍शो बाक्‍ब। शेकेल का ११.५ ग्राम खोदेंशो बाक्‍ब। गेरा का ०.६ ग्राम बाक्‍ब। मत्ती १७:२७

प्रस्‍थान 38:24

परमप्रभु यावे आ बाक्‍तीक नु मेकेर माल्‍शो मारेइ मारेइ सेल्‍चा कली मुर आन गेशो सुन गिश दुम्‍माक्‍त देंशा हना, २९ टलेन्‍ट नु ७ सहे ३० शेकेल दुम्‍त। नेल्‍ल नाक्‍शा, हजार का किलो खोदेंशो दुम्त। टलेन्‍ट का ३४ किलो बाक्‍ब। शेकेल का ११.५ ग्राम, तोला का खोदेंशो बाक्‍ब।

इजीकीएल 45:12

शेकेल का २० गेराह दुम्‍चा माल्‍ब। २० शेकेल, २५ शेकेल नु १५ शेकेल नेल्‍ल पा मीना का दुम्‍चा माल्‍ब” देंत। शेकेल का ११.५ ग्राम बाक्‍ब। गेराह का ०.६ ग्राम बाक्‍ब। मीना का ६०० ग्राम खोदेंशो बाक्‍ब।

लेवी 27:25

मिनु गिश क्‍येट लाइ‍बा, मेको नेल्‍ल परमप्रभु यावे आ ताम्‍बु ङा चांदी के शेकेलम थाप्‍चा माल्‍ब। शेकेल काम २० गेरा बाक्‍नीम। गेरा का ०.६ ग्राम बाक्‍ब।

गन्‍ती 18:15

मिनु परमप्रभु यावे कली चढ़ेशो, मुर आन ङोंइती जरमेशो, बी ब्‍यफ क्‍यारश भेडा आन ङोंइती जरमेशो नेल्‍ल इ केन बाक्‍नीम। मो दुम्‍त हना यो, गे मुर आ ङोंइती जरमेशो कली प्रोंइचा माल्‍नेवे। ग्रांग्रा दिशो बस्‍तु भाव आन ङोंइती जरमेशो यो प्रोंइचा माल्‍नेवे। प्रस्‍थान १३:२; प्रस्‍थान ३४:१९-२०

गन्‍ती 18:17

मिनु बी, भेडा क्‍यारश आन ङोंइती जरमेशो आन कली प्रोंइने मचाप्‍नीम। मेको आं केन बाक्‍नीम। गे मेको आन हुश चढ़ेतीकेमी ब्रुइक्‍चा माल्‍नेवे। मिनु मेको आन बोंसो चोचा माल्‍नेवे। मेको परमप्रभु यावे कली आ दाक्‍चा ब्रोव़शो रिना पाइश्‍शो मीम चोशा चढ़ेतीक बाक्‍ब।

गन्‍ती 3:46

मिनु लेवी आन क्‍येङा शुश दुम्‍शो इस्राएली आन ङोंइती जरमेशो तौ सहे निक्‍शी ७३ जना बाक्‍तेक्‍म। मेको आन कली प्रोंइचा माल्‍बाक्‍त।

गन्‍ती 3:47

मेको आन कली प्रोंइचा कली का के ५ शेकेल ताक्‍को। ग्रुम्‍तीक ताम्‍बु ङा शेकेल का २० गेराह ङा बाक्‍ब। गेराह का ०.६ ग्राम बाक्‍ब। ग्रुम्‍तीके ताम्‍बु ङा शेकेल १२ ग्राम बाक्‍ब।