गन्‍ती 18:12 - Sunuwar Bible

¹² मिनु मेकोपुकीमी परमप्रभु यावे कली गेशो नेल्‍ल क्‍येङा रिम्‍शो तेल, नेल्‍ल क्‍येङा रिम्‍शो अङगुर शांबु, अन्‍न नु रिम्‍शो मारेइ मारेइ गो इ कली गेतन।

गन्‍ती 18:12 ပူးပေါင်းရင်းမြစ်များ

उत्पत्ती 27:28

परमप्रभुमी इ कली सरीङ ङा सीत रे नु रिम्‍शो खप रे शुश चेरब नु अङगुर शांबु गेवल।

२ राजा 4:42

मिनु बाल-शालीशा ङा मुर काम परमप्रभु आ मुर कली आ ङोंइती मीशो क्‍योव़ज के २० ओटा शोब्‍ले नु नक मीशो अन्‍न चाक्‍शा जाक्‍माक्‍त। मिनु एलीशाम “एको मुर आन कली जचा गेने” देंमाक्‍त। मत्ती १५:३३,३७; मत्ती १६:९-१०; यूहन्‍ना ६:९

२ इतिहास 31:5

मिनु मुरपुकीम पिप आ हुकुम नेन्‍मे चोटीन आन नेल्‍ल क्‍येङा ङोंइती ङा मीशो नु सिश्‍शो अन्‍न, नक अङगुर शांबु, तेल, खुदो नु आन रूम सिश्‍शो मार मार शुश चाक्‍शा गेमे बाक्‍त। मेकोपुकीम आन मारेइ मारेइ के १० भागम भाग का चाक्‍गमे बाक्‍त। प्रस्‍थान २३:१९; ब्‍यवस्‍था १४:२२-२३

भजन संग्रह 147:14

मेकोमी इ सांदमी लडाइ मदुम्‍पाइक्‍ब। मेकोमी इ कली रिम्‍शो चेरबीम रूपाइक्‍ब।

भजन संग्रह 81:16

मिनु गो इस्राएल ङा मुर, इन कली नेल्‍ल क्‍येङा रिम्‍शो चेरब जचा गेन्‍नी वा। मिनु रोका खुदोमी रूपाइक्‍न्‍नी वा” दे परमप्रभुमी देंत। ब्‍यवस्‍था ३२:१३

प्रस्‍थान 22:29

गे इन रू ङा ङोंइती मीशो मारेइ मारेइ नु अङगुर रस चढ़ेचा मरिम्‍दीन। मिनु इन ङोंइती जरमेशो तौपुकी आं कली गेचा माल्‍नीनी। प्रस्‍थान २३:१९; ब्‍यवस्‍था १८:४; हितोपदेस ३:९-१०; प्रेरित १३:२,१३

प्रस्‍थान 23:19

मिनु इन रू ङा ङोंइती मीशो नेल्‍ल क्‍येङा रिम्‍शो फल फुल नु अन्‍न परमप्रभु यावे, इन परमप्रभु आ बाक्‍तीकेम चाक्‍चा माल्‍नीनी। गेपुकीमी पाठा कली आ ममा आ दूधम लोप्‍शा मक्‍येने, देनो” दे परमप्रभु मोसा कली देंत। उत्‍पत्ती ४:४; ब्‍यवस्‍था २६:१-११; नेहेन्‍याह १०:३६; ब्‍यवस्‍था १४:२१

प्रस्‍थान 34:26

इन रू ङा ङोंइती मीशो नेल्‍ल क्‍येङा रिम्‍शो थोव़क परमप्रभु यावे, इन परमप्रभु आ खिंम चाक्‍चा माल्‍नीनी। क्‍यारश आ पाठा आ ममा आ दूधमी लोप्‍शा क्‍येचा मदुम्‍ब” दे मोसा कली दें‍त। प्रस्‍थान २३:१९

इजीकीएल 44:30

ङोंइती मीशो फल आन नेल्‍ल क्‍येङा रिम्‍शो फल नु इन चढ़ेशो मारेइ मारेइ नेल्‍ल चढ़ेब आन केन दुम्‍ब। गे इन खिंम आसीक तचा कली इन नि‍शो फस नेल्‍ल क्‍येङा ङोंइती ङा डल्‍ला यो चढ़ेब आन कली गेचा माल्‍नीनी। प्रस्‍थान २५:२; गन्‍ती १५:२०; नेहेम्‍याह १०:३८

लेवी 2:12

खुदो नु बोरब ओख्‍ती सुप्‍शो चढ़ेतीक लाइश्‍शा परमप्रभु यावे कली चढ़ेने चाप्‍नीनी। तन्‍न मेको कली चढ़ेतीक मीम हुम्‍चा मदुम्‍ब। गन्‍ती १८:१२-१३; २इतिहास ३१:५

लेवी 2:14

परमप्रभु यावे कली ङोंइती मीशो अन्‍न चढ़ेचा थुं पाइतीनी हना, इन ङोंइती मीशो नक बाला आन अन्‍न मीम क्रोइश्‍शा चढ़ेन। ब्‍यवस्‍था २६:२-११

लेवी 23:17

गेपुकीमी आंम इन खिं रे शोब्‍ले निक्‍शी क्‍युक्‍शा हिम्‍शा चढ़ेचा कली माल्‍नीनी। मेको शोब्‍ले का एफाह का के २० भाग थम रिम्‍शो फस रे बोरब ओख्‍ती सुप्‍थु चोशा सेल्‍शो दुम्‍चा माल्‍ब। मेको ङोंइती मीशो अन्‍न के परमप्रभु यावे कली चढ़ेतीक बाक्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको के २० भाग ४.४ लिटर खोदेंशो बाक्‍ब।

लेवी 23:20

मिनु चढ़ेबमी परमप्रभु यावे कली ङोंइती नक मीशो अन्‍न के शोब्‍ले नु सांड निक्‍शी क्‍युक्‍शा हिम्‍शा चढ़ेचा माल्‍ब। मेको चढ़ेब आ भाग दुम्‍चा कली परमप्रभु यावे कली गेशो बाक्‍नीम।

ब्‍यवस्‍था 18:3

मिनु मुरपुकीमी ब्‍यफ, भेडा, क्‍यारश क्‍योरशा चढ़ेमेनु, चढ़ेब कली मार गेचा माल्‍नीम देंशा हना, आ बला रे खोइल सम्‍म, शांपे निक्‍शी नु कोव़ज गेचा माल्‍नीम।

ब्‍यवस्‍था 18:4

मिनु इन ङोंइती रिक्‍शो अन्‍न, ङोंइती ङा अङगुर शांबु, ङोंइती ङा ख्राक्‍शो तेल नु भेडा आन ङोंइती प्रेक्‍शो ऊन गेचा माल्‍नीम। प्रस्‍थान २३:१९

ब्‍यवस्‍था 26:2

परमप्रभु यावे, इन परमप्रभुमी इन कली गेशो रागी ङा ङोंइती मीशो मारेइ मारेइ डालो काम कुर पा परमप्रभु यावे, इन परमप्रभु आ योव़शो बाक्‍तीकेम लतीन। प्रस्‍थान २३:१९; लेवी २:१४

ब्‍यवस्‍था 32:14

मिनु बी आन दूध के दहि, भेडा आन दूध नु पाठा नु सांड आन बोंसो ब्‍वचा गेप्‍तु। बाशान ङा ब्‍यफ नु क्‍यारश आन श्‍ये ब्‍वचा गेप्‍तु। नेल्‍ल क्‍येङा रिम्‍शो चेरब फस जशा, अङगुर शांबु तूशा बाक्‍ते।