गन्‍ती 18:1 - Sunuwar Bible

¹ मिनु परमप्रभु यावेमी हारून कली “गे इ तौपुकी नु इ आफ आ खिं ङा मुरुम परमप्रभु यावे आ बाक्‍तीक कली मरिम्‍शो पशो कुरचा माल्‍नीनी। मिनु गे नु इ तौपुकीमी चढ़ेतीक गेय पाइब आन मरिम्‍शो पशो कुरचा माल्‍नीनी। प्रस्‍थान २८:३८; लेवी १६:३२-३३

गन्‍ती 18:1 ပူးပေါင်းရင်းမြစ်များ

प्रस्‍थान 28:38

मोपा मेको हारून आ कुप्‍फीम बाक्‍चा माल्‍ब। आ कुप्‍फीम पाइश्‍शा, इस्राएली आन मरिम्‍शो पशो कुरब। मिनु परमप्रभु कली चढ़ेशो रिम्‍शो दुम्‍नीम। परमप्रभु यावेमी आन चढ़ेशो ब्रवल, दे गेना हना यो आ कुप्‍फीम बाक्‍चा माल्‍ब।

यसैया 53:11

मेको आ श्‍येत जशो रे मेकोमी छेङछेङ ताइब। मेको आ तुइक्‍तीकेमी शुश मुर आन कली ठीक पतीके तुइक्पाइक्‍ब। मेकोमी आन मरिम्‍शो पशो कुरब। १कोरिन्‍थी १:३०; यूहन्‍ना १:२९

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

इजीकीएल 4:4

मिनु नोले गे पेरा गे हिरशा इपो। मिनु इस्राएली आन खिं ङा मुर आन सजाइ ततीक इ तार वोतो। गे गिश नाक्‍ती सम्‍म मेक गे हिरशा बाक्‍नेवे, मिश नाक्‍ती सम्‍म मेको आन सजाइ ततीक कुरचा माल्‍नेवे।

लेवी 10:17

“गेपुकीमी मारदे पाप आ पर्बम चढ़ेशो कली चोव़खो बाक्‍तीकेम मब्‍वनी? मारदे हना मेको थम चोव़खो बाक्‍ब। मिनु परमप्रभु यावेमी मुर आन पर्बम पाप क्‍याम्‍तीक गेय पचा, दे मेको इन कली गेशो बाक्‍ब।

लेवी 22:16

मोदेंशो परमप्रभु कली चढ़ेशो जशो मुर दोस ताइनीम। मिनु मेकोमी गारशा आ पर्बम चढ़ेतीक चाक्‍चा माल्‍ब। मारदे हना मेकोमी परमप्रभु यावे कली चढ़ेशो जाप्‍तु ब्‍वाप्‍तु। गो परमप्रभु यावे नङ। मिनु गो मेको कली आंम आं मुर सेल्ता’ दे शेंदो” देंत।

लेवी 22:9

चढ़ेबपुकीमी आं देंशो टिचा माल्‍नीम। मो मपाम्‍तेक्‍म हना, मेकोपुकीमी आं देंशो मटितेक्‍म हना, मेकोपुकी दोस तशा आं बाक्‍तीक ताम्‍बुमी बेक्‍नीम। मिनु गो मेको आन कली आंम आं मुर सेल्‍ब परमप्रभु यावे नङ।

गन्‍ती 14:34

गेपुकीमी मेको रागी क्‍यारी पचा कली ४० नाक्‍त सम्‍म माल्‍शो बाक्‍तीनी। मोपतीके नाक्‍त का ङा बर्स का पा ४० बर्स सम्‍म गेपुकीम इन मरिम्‍शो पशो आ पर्बम श्‍येत जचा माल्‍नीनी। मिनु गो इन पर्बम गाइक्‍ताक्‍ङ, दे तुइक्‍नीनी’ दे येरमीया २:१९; गन्‍ती ३२:१३

गन्‍ती 16:10

मेकोमी गे नु इ लोक्‍ब, लेवी नेल्‍ल आन कली आ नेक्‍था जाक्‍चा गेप्‍तु। मार, गेपुकीम चढ़ेब आन गेय यो माल्‍नीनी?

गन्‍ती 17:13

सु परमप्रभु यावे आ ताम्‍बु आ नेक्‍था लाइबा, मेको बेक्‍ब। मार, गो नेल्‍ल यो बेक्‍नीकी?” देंतेक्‍म। भजन संग्रह १३०:३-४

गन्‍ती 17:3

मिनु हारून आ नें लेवी आ थर ङा मुर आन कोक्‍केम ब्रेक्‍तो। मारदे हना नेल्‍ल थर ङा ठेयब मुर आन नेंम कोक्‍के का का दुम्‍चा माल्‍ब।

गन्‍ती 17:7

मिनु मोसामी मेको कोक्‍के नेल्‍ल परमप्रभु यावे आ सल्‍ला पशो सन्‍दोस बाक्‍शो ताम्‍बुमी परमप्रभु यावे आ ङोंइती वोइक्‍तु।

गन्‍ती 18:11

मिनु इस्राएलीपुकीमी क्‍युक्‍शा चढ़ेतीक चढ़ेम्‍तेक्‍म हना, मेको तिल्‍शो नेल्‍ल इ कली नु इ तमी तौ आन कली गेना हना यो इन भाग बाक्‍ब, दे गेतन्‍नी। इ खिंम ग्रांग्रा मदिशो बाक्‍शो सुइ सुइमी मेको जने चाप्‍नीम।

गन्‍ती 3:6

“लेवी आ थर ङा मुर आन कली ब्रेश्‍शा, मेको आन कली चढ़ेब हारून आ ङोंइती राप्‍पाइक्‍मी। मिनु मेकोपुकीमी मेको कली वारच पचा माल्‍नीम। प्रस्‍थान ३२:२९

ब्‍यवस्‍था 10:8

मेना परमप्रभु यावेमी लेवी आ थर ङा मुर आन कली योव़तीमी। मार कली योव़तीमी देंशा हना, परमप्रभु यावे आ कबल ङा लोव़ कुरपाइश्‍शो सन्‍दोस कुरचा, परमप्रभु यावे कली गेय पचा कली आ ङोंइती राप्‍चा नु आ नेंम मुर आन कली आसीक गेचा कली योव़तीमी। मुल सम्‍म मोदेंशो बाक्‍ब। ब्‍यवस्‍था १८:५; गन्‍ती ६:२३-२७

हिब्रू 13:17

इन कली शेंब आन लोव़ नेंशा टिने। मेकोपुकीमी “परमप्रभु यावे आ ङोंइती जिम्‍मा ब्राइनुङ” दे तुइश्‍शा इन कली शेंनीमी, कोव़नीम। शेंब आन लोव़ टीतीनी हना, मेकोपुकीमी ग्‍येरशा शेंनीम। इन कली मटिशो तशा चहिं, आन थुं हेल्‍शो दुम्‍शा, शेंचा ब्रीनीम, मिनु इन कली यो मरिम्‍शो दुम्‍ब। १थिस्‍सलोनिकी ५:१२; इजीकीएल ३:१७-१९

हिब्रू 4:15

मारदे हना इं नेल्‍ल क्‍येङा ठेयब चढ़ेबमी इं चाप्‍तीक नु मचाप्‍तीक दोदेंशो बाक्‍बा, नेल्‍ल तुइक्‍ब। गोपुकी इं थुं थाम्‍चा पुंइसीशो खोदेंशो पा, आ यो थुं थाम्‍चा पुंइसाक्‍व। तन्‍न थुं थाम्‍चा पुंइसाक्‍व हना यो, पाप मपव। हिब्रू २:१८; यूहन्‍ना ८:४६

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११

न्‍यायाधीस 17:12

मिनु मीकाहमी मेको लेवी ठिटा कली आ गेय गेवा बाक्‍त। मिनु मेको ठिटा आ चढ़ेब दुम्‍शा, मेको आ खिंम बाक्‍माक्‍त। प्रस्‍थान २८:४१