गन्‍ती 17:3 - Sunuwar Bible

³ मिनु हारून आ नें लेवी आ थर ङा मुर आन कोक्‍केम ब्रेक्‍तो। मारदे हना नेल्‍ल थर ङा ठेयब मुर आन नेंम कोक्‍के का का दुम्‍चा माल्‍ब।

गन्‍ती 17:3 ပူးပေါင်းရင်းမြစ်များ

प्रस्‍थान 6:16

मिनु लेवी आ तौ आन खिं खिं ङा मुर सु सु बाक्‍मा बाक्‍त देंशा हना, गेरशोन, कोहाथ नु मेरारी बाक्‍मा बाक्‍त। मिनु लेवी सहे का ३७ बर्स ब्रोंइमाक्‍त। १इतिहास ५:२७-३०; १इतिहास ६:१-४

प्रस्‍थान 6:20

मिनु अम्राममी आ आफ आ समी चाक्‍गा बाक्‍त। मेको आ नें योकेबेद बाक्‍माक्‍त। मेकोमी हारून नु मोसा थिमाक्‍त। अम्राम सहे का ३७ बर्स ब्रोंइमाक्‍त। प्रस्‍थान २:१; लेवी १८:१२

येरमीया 42:20

गेपुकीम ठेयब मरिम्‍शो का पाइतीनी। गेपुकीम आं कली परमप्रभु यावे, इन परमप्रभु आ ङोंइती परमप्रभु यावेम, आंइ परमप्रभु मार देंबा, मेको नेल्‍ल आंइ कली शेंदीकी। मिनु गो मेको नेल्‍ल पाइनीकी देंतीनी।

इजीकीएल 37:16

मार लोव़ पाप्‍तु देंशा हना “ए मुर, कोक्‍के का चाक्‍शा ‘यहूदा नु इस्राएल ङा मुर’ दे ब्रेक्‍तो। मिनु नोले अर्को कोक्‍के का चाक्‍शा ‘योसेफ, एफ्राइम नु मेको नु बाक्‍ब इस्राएल आ खिं नेल्‍ल’ दे ब्रेक्‍तो।

गन्‍ती 17:2

“गे इस्राएली नेल्‍ल आन कली ‘गे इन किकी पिपी आन थर थर रे पा का का पा १२ ओटा कोक्‍के चाक्‍कीन’ दे माइक्‍मी। मेको मुर आन नें मेको आन आन कोक्‍केमी ब्रेक्‍तो।

गन्‍ती 17:4

मिनु गे मेको कोक्‍के आन कली ग्रुम्‍तीक ताम्‍बुमी सल्‍ला पशो सन्‍दोस आ ङोंइती वोतो। गो मेकेर रे इन कली लोव़ पाइनुङ। प्रस्‍थान २५:२२

गन्‍ती 18:1

मिनु परमप्रभु यावेमी हारून कली “गे इ तौपुकी नु इ आफ आ खिं ङा मुरुम परमप्रभु यावे आ बाक्‍तीक कली मरिम्‍शो पशो कुरचा माल्‍नीनी। मिनु गे नु इ तौपुकीमी चढ़ेतीक गेय पाइब आन मरिम्‍शो पशो कुरचा माल्‍नीनी। प्रस्‍थान २८:३८; लेवी १६:३२-३३

गन्‍ती 18:7

तन्‍न गे नु इ तौपुकीम चढ़ेतीक नु फारशो वा आगा ङा कोठा ङा गेय थम रिम्‍शो पा पने। चढ़ेतीक गेय इन कली गेतन्‍नी। अरु सुइ मेकेर जाक्‍तेक्‍म हना, मेको साइक्‍चा पुंइसीनीम” देंत। गन्‍ती १:५१

गन्‍ती 26:10

मिनु रागीम आ शोव़ पाक्‍शा मेको आन कली कोराह नुन दाक्‍शो बाक्‍त। मेना सहे निक्‍शी ५० जना आन कली मीम खतम पोक्‍शो बाक्‍त। मेकोपुकी मरिम्‍शो पाइब दुम्‍शो बाक्‍तेक्‍म।