गन्‍ती 16:3 - Sunuwar Bible

³ मिनु मेकोपुकी बुक्‍शा, मोसा नु हारून आस कली “गे निक्‍शीमी थम मरिम्‍शो पाइतीसी। ग्रुम्‍तीक ङा मुर नेल्‍ले का का पा, ग्रांग्रा मदिशो बाक्‍नीम। मिनु परमप्रभु यावे मेको आन दातेमी बाक्‍ब। गे मारदे इस कली परमप्रभु यावे आ मुर आन क्‍येङा ठेयब सेल्‍सीनीसी?” देंतेक्‍म।

गन्‍ती 16:3 ပူးပေါင်းရင်းမြစ်များ

एज्रा 9:2

मेकोपुकीमी मेको आन तमी आंम कली नु आन तौ आन कली मीश चाक्‍शो बाक्‍तेक्‍म। मोदेंशो पा परमप्रभु आ आंम मुरपुकी अर्को रागी ङा मुरपुकी नु खाल्‍साक्‍म। मिनु योव़चा पुंइसीशो ठेयब मुर नु सासन पाइब आन परमप्रभु आ देंशो मपथु, शुश दोस ताइब बाक्‍नीम” देंतेक्‍म। ब्‍यवस्‍था ७:३; ब्‍यवस्‍था २३:३; गन्‍ती ११:१७-२५; नेहेम्‍याह १३:२३

भजन संग्रह 106:16

मिनु मेकोपुकीमी परमप्रभु यावे रे पा योव़सीशो मोसा नु हारून आस कली गेहे पशो बाक्‍‍तेक्‍म। गन्‍ती १६:१-३

भजन संग्रह 68:17

परमप्रभु आ बग्‍गी हजार हजार क्‍येङा शुश बाक्‍नीम। मिनु परमप्रभु सीनै रे आ बाक्‍तीकेम जाक्‍शो बाक्‍ब।

प्रस्‍थान 19:6

गे आं कली चढ़ेब आन राज्‍य नु आं योव़शो जात ङा मुर दुम्‍चा माल्‍नीनी’ दे मेको लोव़ इस्राएली आन कली देंचा माल्‍नेवे” दे माइक्‍तु। यसैया ६१:६; १ पत्रुस २:९; प्रकाश १:६; लेवी १९:२

गन्‍ती 14:14

एको रागी ङा मुरपुकीम मेको आन कली नेंपाइक्‍नीम। परमप्रभु यावे, गे इन मुर आन दातेम बाक्‍शो बाक्‍नीनी, दे मेकोपुकीमी देंशो लोव़ नेंने थुम्‍शो बाक्‍नीम। परमप्रभु यावे, गे मेको आन ङोंइतीन तपांइसीशो बाक्‍नीनी। मिनु इन गोस्‍स मेको आन तार बाक्‍शो बाक्‍ब। मिनु गे नाक्‍ती गोस्‍स के थामम नु नाक्‍दो मी के थामम बाक्‍शा, मेको आन ङोंइती गाक्‍नीनी। प्रस्‍थान १३:२१-२२; गन्‍ती ९:१५-२३

गन्‍ती 16:11

गे नु इ मुर नेल्‍ले परमप्रभु यावे कली दोस गेशा बुक्‍तीनी। हारून सु बाक्‍बा ङा? गे मेको कली गन गन पनी?” दे माइक्‍तीमी।

गन्‍ती 16:41

मिनु आ दीसा सुनी इस्राएली नेल्‍लेमी मोसा नु हारून आस पर्बम गन गन पा “गे निक्‍शीमी परमप्रभु यावे आ मुर आन कली साइक्‍तीसी” देंतेक्‍म। प्रस्‍थान १७:३

गन्‍ती 16:7

मिनु गे दीसा मेकेर मी कुर पा परमप्रभु यावे आ ङोंइती धूप चोने। मिनु परमप्रभु यावेमी सु कली योव़बा, मेको ग्रांग्रा मदिशो बाक्‍ब। लेवीपुकी, गे थम मरिम्‍शो पाइतीनी” देंत।

गन्‍ती 23:21

याकूब कली मरिम्‍शो मदुम्‍ब, देंशो बाक्‍ब। मिनु इस्राएली आन कली श्‍येत मदुम्‍ब। मेको परमप्रभु यावे, आन परमप्रभु मेकोपुकी नु बाक्‍ब। मिनु मेको आन दातेमी पिप बाक्‍ब।

गन्‍ती 35:34

गे इन बाक्‍शो रागी ग्रांग्रा दिशो मसेलीन। गो यो मेकेर बाक्‍नुङ। मारदे हना गो परमप्रभु यावे इस्राएली आन दातेमी बाक्‍नुङ’ दे इस्राएली आन कली देनो” देंत। लेवी १८:२४-२८; प्रस्‍थान २९:४५

गन्‍ती 5:3

मोदेंशो वोंइश मुर नु मीश मुर नेल्‍ल आन कली मुर आन बाक्‍तीके क्‍येङा ङोन वोइक्‍चा माल्‍नीनी। मेकोपुकीमी मुर आन बाक्‍तीके ग्रांग्रा दिशो सेल्‍चा मदुम्‍नीम। मारदे हना गो इन दातेमी बाक्‍शो बाक्‍नुङ” देंत। गन्‍ती १२:१४-१५; प्रस्‍थान २५:८

प्रेरित 7:39

इं किकी पिपीमी मोसा आ लोव़ मटिथु मनेंथु, मोसा कली प्रोंइशा आन थुं इजीप्‍त रागी गे हिरदमे बाक्‍त।

प्रेरित 7:51

“ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९