गन्‍ती 16:14 - Sunuwar Bible

¹⁴ गे आंइ कली दूध नु खुदो शुश बाक्‍शो रागीम चाक्‍दीन्‍नी? रू नु अङगुर रू गे‍नी? मार, गे एको मुर आन मिक्‍च फेत्‍चा दाक्‍नीनी? गोपुकी थमा पा मजाक्‍नीकी” देंताक्‍स। प्रस्‍थान ३:८

गन्‍ती 16:14 ပူးပေါင်းရင်းမြစ်များ

प्रस्‍थान 22:5

मिनु “सुइमी आ बी ब्‍यफ, क्‍यारश भेडामी अरु मुर आन शोक्‍शो रू नेक्‍पाइक्‍तु हना, अङगुर रू ङा अङगुर नेक्‍पाइक्‍तु हना, मेकोमी आ आंम रू ङा नेल्‍ल क्‍येङा रिम्‍शो फल थाप्‍चा माल्‍ब।

प्रस्‍थान 23:10

मिनु ६ बर्स सम्‍म इन रूमी ख्रुम्‍शा, सेक्‍शा खुप्‍तीन। लेवी २५:१-१७, १८-२४

प्रस्‍थान 23:11

मिनु मेको आ नोले ङा बर्स चहिं मारेइ मशोक्‍थु, मो वोतीन। इन रागी ङा प्रुङगपुकीमी मेको आंमा वाशो जामेक्‍ल। लीत हना, जन्‍तुपुकीम जामेक्‍ल। इन अङगुर रू नु इन तेल रवापुकी यो मेको खोदेंशोन पने।

प्रस्‍थान 3:17

गो इन कली इजीप्‍त रागी ङा मुर आन गेशो श्‍येत रे प्रोंइनुङ। गो इन कली कनानी, हित्ती, एमोरी, परि‍ज्‍जी, हिव्‍वी नु यबुसी आन बाक्‍शो रागी गेनुङ। मेको रागीम दूध नु खुदो शुश बाक्‍ब, अन्‍न यो शुश ग्रेल्‍ब। गो आं देंशो लोव़ खाप्‍नुङ’ देंत, देंचा माल्‍नेवे।

प्रस्‍थान 3:8

मिनु मेको आन कली इजीप्‍त रागी ङा मुरपुकीम गेशो श्‍येत रे प्रोंइनुङमी। गो आं मुर आन कली रिम्‍शो नु ठेयब रागी लाइक्‍नुङमी। मेको रागीम दूध नु खुदो शुश बाक्‍ब। मारेइ मारेइ यो शुश ग्रेल्‍ब। मेको रागी कनानी, हित्ती, एमोरी, परिज्‍‍जी, हिव्‍वी नु यबुसी आन बाक्‍तीक रागी बाक्‍ब।

लेवी 20:24

तन्‍न गो इन कली मेको आन रागी इन के दुम्‍ब। गो इन कली गेनुङ, देंती। मिनु मेको रागीम दूध नु खुदो शुश बाक्‍ब। गो परमप्रभु यावे, इन परमप्रभु नङ। मिनु गो इन कली रागी रागी ङा मुर रे तिल्‍शा योव़तन्‍नी। प्रस्‍थान १९:५-६

गन्‍ती 13:27

मिनु मोसा कली “गोपुकी इन सोइश्‍शो रागीमी जाक्‍दीत्‍तक। मेको रागीम थमा पा दूध नु खुदो शुश बाक्‍ब। मिनु मेको रागी ङा फल फुल एकोन बाक्‍नीम। प्रस्‍थान ३:८,१७

गन्‍ती 14:8

परमप्रभु यावे गोपुकी इं कली तशा ग्‍येरसाक्‍व हना, मेकोमी इं कली मेको रागीम चाक्‍दीप्‍ब। मिनु मेको रागी दूध नु खुदो शुश बाक्‍शो रागी बाक्‍ब। मेको रागी इं कली गेब। गन्‍ती १३:२७

गन्‍ती 20:5

गे मारदे आंइ कली इजीप्‍त रे एको मरिम्‍शो रागीम चाक्‍नी। एको रागीम अन्‍न, फोव़शी, अङगुर नु अनार मारेइ मथिंसीब। एकोक्‍के तूचा कली ब्‍वाक्‍कु यो मबा” देंतेक्‍म।

न्‍यायाधीस 16:21

मिनु पलिस्‍तीपुकीमी मेको कली ग्‍याइश्‍शा, आ मिक्‍च पुक्‍तमे बाक्‍त। मिनु गाजा सहरम चाक्‍गमे बाक्‍त। मिनु कांसा के साङलोमी पाइश्‍शा जेल्‍खानमी यात हिल्‍पदमे बाक्‍त।

१ सामुएल 11:2

मिनु अम्‍मोन ङा नाहाशमी मेको आन कली “गो गेपुकी नु गारचा कली नेल्‍ल इन ग्‍युरा मिक्‍च पुक्‍शा ला गेपुकी नु गारनुङ। मोपा इस्राएली नेल्‍ल इन कली मुने तोक्‍नुङ” देंमाक्‍त।