गन्‍ती 16:10 - Sunuwar Bible

¹⁰ मेकोमी गे नु इ लोक्‍ब, लेवी नेल्‍ल आन कली आ नेक्‍था जाक्‍चा गेप्‍तु। मार, गेपुकीम चढ़ेब आन गेय यो माल्‍नीनी?

गन्‍ती 16:10 ပူးပေါင်းရင်းမြစ်များ

हितोपदेस 13:10

ठेयब लेश्‍शो नु सुइ कली ममिम्‍ब मुर जिचा पोक्‍‍ब बाक्‍ब। तन्‍न अर्ती नेंब मुर तुइक्‍तीके नु बाक्‍ब। हितोपदेस १:५

गन्‍ती 18:1

मिनु परमप्रभु यावेमी हारून कली “गे इ तौपुकी नु इ आफ आ खिं ङा मुरुम परमप्रभु यावे आ बाक्‍तीक कली मरिम्‍शो पशो कुरचा माल्‍नीनी। मिनु गे नु इ तौपुकीमी चढ़ेतीक गेय पाइब आन मरिम्‍शो पशो कुरचा माल्‍नीनी। प्रस्‍थान २८:३८; लेवी १६:३२-३३

गन्‍ती 18:7

तन्‍न गे नु इ तौपुकीम चढ़ेतीक नु फारशो वा आगा ङा कोठा ङा गेय थम रिम्‍शो पा पने। चढ़ेतीक गेय इन कली गेतन्‍नी। अरु सुइ मेकेर जाक्‍तेक्‍म हना, मेको साइक्‍चा पुंइसीनीम” देंत। गन्‍ती १:५१

गन्‍ती 3:10

मिनु गे हारून नु आ तौ आस कली चढ़ेबम पचा माल्‍शो गेय पपाइक्‍मी। मेकोपुकी ङा लाक्‍शा अर्को सुइ मुरुम मो पाम्‍तेक्‍म हना, मेको आन कली साइक्‍चा माल्‍नीम” देंत। गन्‍ती १:१५

गन्‍ती 3:6

“लेवी आ थर ङा मुर आन कली ब्रेश्‍शा, मेको आन कली चढ़ेब हारून आ ङोंइती राप्‍पाइक्‍मी। मिनु मेकोपुकीमी मेको कली वारच पचा माल्‍नीम। प्रस्‍थान ३२:२९

लूका 22:24

मिनु लोव़सी पस ङा पस बाक्‍मानु “गो इं दातेम नेल्‍ल क्‍येङा ठेयब सु बाक्‍या माइ?” दे जिचा पोक्‍ग्‍मे बाक्‍त। मत्ती २०:२५-२८; मर्कूस १०:४२-४५; लूका ९:४६

रोमी 12:10

लोक्‍बपुकीमी दाक्‍मुशो खोदेंशो पा दाक्‍मुशा बाक्‍कीन। आंम कली मान पचा मपुंइसीथु, अरु आन कली मान पने। यूहन्‍ना १३:४-१५; फिलिप्‍पी २:३

फिलिप्‍पी 2:3

गेपुकी ठेयब लेश्‍शा “गो ठेयब नङ” दे मिम्‍शा, काइ गेय मपने। ब्रेम्‍शो थुंमी “मेको मुर आं क्‍येङा ठेयब बाक्‍ब” दे मिम्‍तीन। गलाती ५:२६; रोमी १२:१०

३ यूहन्‍ना 1:9

गो इन ग्रुम्‍तीके ङा थमा सुइक्‍ब आन कली ब्रेक्‍ताक्‍ङमी। तन्‍न डियोत्रीफसमी आंम कली ठेयब सेल्‍शा, गोपुकी आंइ कली मदाक्‍ब।

न्‍यायाधीस 17:12

मिनु मीकाहमी मेको लेवी ठिटा कली आ गेय गेवा बाक्‍त। मिनु मेको ठिटा आ चढ़ेब दुम्‍शा, मेको आ खिंम बाक्‍माक्‍त। प्रस्‍थान २८:४१