गन्‍ती 15:39 - Sunuwar Bible

³⁹ मारदे मोदेंशो पचा माल्‍तीनी देंशा हना, गे मेको फेने तशा, परमप्रभु यावे आ शेंतीके नेल्‍ल मिम्‍शा, टिचा कली मोदेंशो पचा माल्‍नीनी। इन थुं ङा द‍ला दाक्‍स मपचा कली नु इन मिक्‍च कली पाप मपपाइक्‍चा कली मोदेंशो पचा माल्‍नीनी।

गन्‍ती 15:39 ပူးပေါင်းရင်းမြစ်များ

१ राजा 12:33

मेकोम ८ महिना ङा १५ नाक्‍त आ देंशो ना बेथेल ङा आ सेल्‍शो चढ़ेतीकेम मार मार चढ़ेवा बाक्‍त। मोपा मेकोम इस्राएली आन कली चाड का मानेतीक नाक्‍त सेला बाक्‍त। मिनु मेकोमी धूप चोवा बाक्‍त।

अय्‍युब 31:7

गो ठीक लां रे ग्‍येत्‍थ लुक्‍च लशो बाक्‍ती हना, आं थुंम आं मिक्‍चीम दाक्‍शो खोदेंशो पा पशो बाक्‍ती हना, आं गुइमी ग्रांग्रा दिशो गेय पशो बाक्‍ती हना,

भजन संग्रह 106:39

मोपा मेको आन गेयम पतीके ग्रांग्रा दिशो दुम्‍शा, तेल्‍लेम खोदेंशो दुम्‍मा बाक्‍त।

भजन संग्रह 73:27

इन क्‍येङा ङोन बाक्‍बपुकी थमा पा जाम्‍शा लाइनीम। गे इन क्‍येङा नोले शोंइसीशो नेल्‍ल आन कली खतम पोक्‍नीनी।

प्रस्‍थान 13:9

मेको पास्‍सा चाड इन गुइमी नु इन कुप्‍फीम मिम्‍तीके चिन्‍ड खोदेंशो पा बाक्‍चा माल्‍ब। मोपा परमप्रभु यावे आ अरेशो लोव़ गे नु बाक्‍ब। मारदे हना परमप्रभु यावेमी आ ठेयब सक्तिमी इन कली इजीप्‍त रागी रे ग्रुंइताक्‍व। ब्‍यवस्‍था ६:८; ब्‍यवस्‍था ११:१८

हितोपदेस 28:26

सुमी आंम निप्‍स कली थमा सुइक्‍बा, मेको मूर्ख बाक्‍ब। तन्‍न सु तुइक्‍तीक थुं ङा लां गाक्‍बा, मेको ब्रोंइचा ताइब। हितोपदेस ३:५-६

हितोपदेस 3:1

आं तौ, आं अरेशो मप्रेंदो। मिनु आं शेंशो लोव़ इ थुंमी वोतो। लेवी १८:५

उपदेसक 11:9

ए ठिटा मुर, गे ठिटा बाक्‍ङेनु ग्‍येरसो। इ थुंमी गे ठिटा बाक्‍ङेनु ग्‍येरपदल। इ त‍शो नु इ थुंमी मिम्‍शो आस नोले खोतो। तन्‍न परमप्रभुमी मेको नेल्‍ल तुइश्‍शा निसाफ पाइब, दे मिम्‍तो। उपदेसक २:२४

येरमीया 9:14

मेको आन खकटा थुंमी आन दला दाक्‍स पा बाल देवता आ नोले खोइक्‍तेक्‍म। मेको आन किकी पिपी शेंशो लांम गाक्‍तेक्‍म। येरमीया ७:२४

इजीकीएल 6:9

मिनु मोदेंशो रागी रागीम ब्रोंइशा लीशोपुकी ग्‍याइश्‍शा लाइक्‍चा पुंइसीशो रागीम आं कली मिम्‍नीम। मिनु मेकोपुकीम आन दला दाक्‍स पशा, आं रे दिल्‍शा लशा, आन मूर्ति आन नोले खोइक्‍नी‍म। मेको आन पशो मरिम्‍शो नु ग्रांग्रा दिशो गेयम आंमा मुने दोक्‍नीम।

होसे 2:2

इन ममा कली हुइक्‍तीन। मेको कली शुश हुइक्‍तीन। मारदे हना मेको आं मीश मबाक्‍ब। मिनु गो मेको आ वोंइश मनङ। मेकोमी आ मिक्‍च वोंइश मुर गे हिरचा प्रोनल। मिनु आ दूध आस दाते ङा नाता ख्रोइश्‍शा, ग्रांग्रा दिशो गेय प्रोनल। इजीकीएल १६:२३;

ब्‍यवस्‍था 29:19

मिनु मोदेंशो पाइब मुर मेको कसम ङा लोव़ नेंशा, आ थुंमी ‘गो आंम मिम्‍तीके पशा बाक्‍ती हना यो, गो सराप मराइनुङ। गो आसीक ताइब बाक्‍ती’ दे मिम्‍ब। मोदेंशो मिम्‍तीके नेल्‍ल आन कली खतम सेल्‍ब।

ब्‍यवस्‍था 4:23

मिनु परमप्रभु यावे, इन परमप्रभुमी गे नु पशो कबल मप्रेक्‍थु, होस पा बाक्‍कीन। गे मप्रेंथु परमप्रभु यावे, इन परमप्रभुमी देंशो टिशा मारेइ के मूर्ति मसेलीन।

ब्‍यवस्‍था 6:12

परमप्रभु यावे कली मप्रेंचा, दे होस पा बाक्‍कीन। मेकोमी इन कली इन वाइलीम वाइल दुम्‍शो इजीप्‍त रे ग्रुंइताक्‍व।

ब्‍यवस्‍था 8:11

मिनु गे परमप्रभु यावे, इन परमप्रभु कली मप्रेंदीन। मिनु मुलाक्‍त गो इन कली देंशो आ शेंशो, आ निसाफ पतीके लोव़ नु आ फुल्‍लुम मुशा ब्रेक्‍शो लोव़ यो मप्रेंचा, दे होस पा बाक्‍कीन।

ब्‍यवस्‍था 8:14

गेपुकी ठेयब लेश्‍शा, वाइलीम वाइल दुम्‍तीक इजीप्‍त रे ग्रुंइब परमप्रभु यावे, इन परमप्रभु कली मप्रेंचा, दे होस पा बाक्‍कीन।

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५