गन्‍ती 15:35 - Sunuwar Bible

³⁵ मिनु परमप्रभु यावेमी मोसा कली “मेको मुर कली साइक्‍चा माल्‍ब। ग्रुम्‍तीक ङा मुर नेल्‍लेमी मेको कली मुर आन बाक्‍तीके रे ग्रुंइशा, फुल्‍लु आप्‍शा साइक्‍चा माल्‍नीम” देंत। प्रस्‍थान ३१:१४-१५; प्रस्‍थान ३५:२-३

गन्‍ती 15:35 ပူးပေါင်းရင်းမြစ်များ

१ राजा 21:13

मिनु मेको नोले मेको मरिम्‍शो पाइब मुर निक्‍शी जाक्‍शा, मेको आ ङोंइती निस्‍ससा बाक्‍त। मिनु मेको निक्‍शीमी “नाबोथम परमप्रभु नु पिप कली सराप पशो बाक्‍ब” दे नेल्‍लेम नेंचा ङा पा दोस गेम्‍से बाक्‍त। मिनु मेकोपुकीम मेको कली लाङगा ग्रुंइशा फुल्‍लु आप्‍शा सदमे बाक्‍त।

लेवी 20:2

“गे लेंशा इस्राएली आन कली ‘इस्राएलीपुकी, मेको नु बाक्‍ब अर्को रागी ङा मुरपुकी सुम आन आल मोलेक कली चढ़ेनीमी, मेको आन कली साइक्‍चा माल्‍नीम। ग्रुम्‍तीक ङा मुरपुकीम मेको कली फुल्‍लु आप्‍शा साइक्‍चा माल्‍नीम।

लेवी 20:27

सु इन दातेमी वोंइश मुर कि मीश मुर बेक्‍शो मुर रे लोव़ पाइबा कि लिंक्‍यु कोव़नीम, मेको आन कली साइक्‍चा माल्‍ब। मेको आन कली फुल्‍लु आप्‍शा साइक्‍चा माल्‍ब। मेको साइक्‍चा पुंइसीनीम’ दे इस्राएली आन कली शेंदो” दे परमप्रभु यावेमी मोसा कली देंत। प्रस्‍थान २२:१७

लेवी 24:23

मिनु मोसामी इस्राएली आन कली मेको लोव़ शेंदीमी नोले मेकोपुकीमी मेको सराप पाइब कली मुर आन बाक्‍तीक रे ग्रुंइशा, फुल्‍लु आप्‍शा साइक्‍तेक्‍म। मिनु परमप्रभु यावेमी मोसा कली अरेशो खोदेंशो पा इस्राएली नेल्‍लेमी पाम्‍तेक्‍म।

गन्‍ती 15:36

मिनु ग्रुम्‍तीक ङा मुर नेल्‍लेमी मेको कली मुर आन बाक्‍तीके रे ग्रुंइ‍शा, फुल्‍लु आप्‍शा साइक्‍तेक्‍म। परमप्रभु यावेमी मोसा कली दोदेंशो पा अरेवा, मोदेंशो पा मुरपुकीमी पाम्‍तेक्‍म।

लूका 4:29

मिनु छुल छाल बोक्‍शा, येसु कली आन ग्रुम्‍तीक खिं नु सहर रे ग्रुंइ‍शा, डांडा तार सेल्‍शो सहर ङा रोंगु रे तोक्‍चा, दे लदमे बाक्‍त।

प्रेरित 7:58

मिनु कीशा लाइश्‍शा, सहर रे ग्रुंइशा, फुल्‍लु क्रोम्‍चा गोव़मे बाक्‍त। सांकछीपुकीमी आन वा प्रुइश्‍शा, सावल नें पाइश्‍शो ठिटा का आ ङोंइती वोदमे बाक्‍त। लेवी २४:१६; प्रेरित २२:२०

ब्‍यवस्‍था 21:21

मिनु मेको सहर ङा मुर नेल्‍लेमी मेको कली फुल्‍लु आप्‍शा साइक्‍चा माल्‍नीम। मिनु गेपुकीमी इन दाते ङा मरिम्‍शो क्‍याम्‍चा माल्‍नीनी। मिनु इस्राएली नेल्‍लेमी मेको नेंशा, हिंचा माल्‍नीम।