गन्‍ती 15:25 - Sunuwar Bible

²⁵ मिनु चढ़ेबमी इस्राएली नेल्‍ल आन पर्बम पाप क्‍याम्‍तीक गेय पचा माल्‍ब। मिनु मेकोपुकी आन पाप क्‍याम्‍चा ताइनीम। मारदे हना मेकोम मतुइक्‍थु पाप पशो बाक्‍नीम। मिनु मेकोपुकीमी परमप्रभु यावे कली मीम चोशा चढ़ेतीक चढ़ेचा माल्‍नीम। मेको आन मतुइश्‍शो पाप आ पर्बम परमप्रभु यावे कली चढ़ेचा माल्‍नीम।

गन्‍ती 15:25 ပူးပေါင်းရင်းမြစ်များ

उपदेसक 5:6

इ लोव़मी इ कली पाप मपपदल। मिनु परमप्रभु आ खिं ङा लोव़ कुरब कली “आं कबल पशो प्रेंदु बाक्‍त” मदेंनीन। इ लोव़मी पतीके परमप्रभु गाइश्‍शा इ गेय नेल्‍ल खतम पोक्‍ब।

लेवी 15:15

मिनु चढ़ेबमी मेको का पाप आ पर्बम नु का चोशा चढ़ेतीक चढ़ेचा माल्‍ब। मोपा चढ़ेबमी मेको ग्रांग्रा दिशो यिशो मुर आ पर्बम परमप्रभु यावे आ ङोंइती पाप क्‍याम्‍तीक गेय पचा माल्‍ब।

लेवी 4:20

मेकोमी पाप आ पर्बम चढ़ेशो ब्‍यफ कली दोदेंशो पामे, मेको ब्‍यफ कली यो मोदेंशोन पचा माल्‍ब। मोपा चढ़ेबमी मेको आन पर्बम पाप क्‍याम्‍तीक गेय पाइब। मिनु मेकोपुकीम माफ ताइनीम।

लेवी 4:26

मेको आ बोंसो नेल्‍ले चढ़ेतीक आ तार चोचा माल्‍ब। मेको दुशा बाक्‍तीक आ पर्बम चढ़ेशो बोंसो खोदेंशो पा चढ़ेतीकेमी चोचा माल्‍ब। मोपा चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेको माफ ताइब।

लेवी 4:31

मेकोमी आ बोंसो नेल्‍ल दुशा बाक्‍चा आ पर्बम चढ़ेशो आ बोंसो खोदेंशो पा शोल्‍चा माल्‍ब। मिनु चढ़ेबमी मेको चढ़ेतीकेमी चोशा परमप्रभु यावे आ दाक्‍शो ब्रोव़शो रिना पाइक्‍चा कली चोचा माल्‍ब। मोपा चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेको माफ ताइब। लेवी ३:१४-१५

लेवी 4:35

मेकोमी आ बोंसो नेल्‍ल दुशा बाक्‍चा आ पर्बम चढ़ेशो आ बोंसो खोदेंशो पा शोल्‍चा माल्‍ब। मिनु चढ़ेबमी मेको चढ़ेतीकेमी अरु चोशा चढ़ेतीक नु परमप्रभु यावे कली चोचा माल्‍ब। मोपा चढ़ेबमी मेको आ पशो पाप आ पर्बम पाप क्‍याम्‍तीक गेय पाइब। मिनु मेको माफ ताइब।

लूका 23:34

मिनु क्‍यद‍मेनु, येसुमी “आं आफ, एको आन कली माफ गेने। मारदे हना एकोपुकीम मारेइ मतुइश्‍शो बाक्‍नीम” दे पुना बाक्‍त। सिपाइपुकीमी फेन्‍टे ग्‍यारशा, आ वा योक्‍समा बाक्‍त। यसैया ५३:१२; प्रेरित ७:१६; प्रेरित ३:१७; भजन संग्रह २२:१९

प्रेरित 13:39

येसु कली थमा सुइक्‍ब नेल्‍ल आन पाप क्‍याम्‍चा पुंइसीनीम। मिनु आन पाप क्‍याम्‍चा पुंइसीशा, परमप्रभु आ ङोंइती पाप मपथु बाक्‍शो तांइसीनीम। मोसामी ब्रेक्‍शो लोव़मी इन पाप क्‍याम्‍ने मचाप्‍ब। मारदे हना मेको लोव़ नेल्‍ल टिने मचाप्‍तीके पापी दुम्‍तीनी। रोमी १०:४

रोमी 3:25

ङोंइती परमप्रभु यावेमी रिम्‍शा, पापी आन कली सजाइ मगेवा बाक्‍त। नोले मेको आन जचा ङा सजाइ येसु ख्रीस्‍त कली जपाइश्‍शा बेक्‍चा गेशा, मेको आन पाप क्‍याम्‍ताक्‍व।

ब्‍यवस्‍था 21:21

मिनु मेको सहर ङा मुर नेल्‍लेमी मेको कली फुल्‍लु आप्‍शा साइक्‍चा माल्‍नीम। मिनु गेपुकीमी इन दाते ङा मरिम्‍शो क्‍याम्‍चा माल्‍नीनी। मिनु इस्राएली नेल्‍लेमी मेको नेंशा, हिंचा माल्‍नीम।

हिब्रू 2:17

मोपतीके मेको आ लोक्‍ब खोदेंशो दुम्‍चा माल्‍ताक्‍व। मोपा परमप्रभु यावे आ गेय पा मुर आन पाप क्‍याम्‍चा कली शिशी पाइब नु गेनायो आ दाक्‍चा मप्रोंइब ठेयब चढ़ेब दुम्‍त। फिलिप्‍पी २:७

हिब्रू 9:7

थम चोव़खो कोठामी चहिं बर्समी खेयप का नेल्‍ल क्‍येङा ठेयब चढ़ेबमी हुश लाइश्‍शा चढ़ेथ ओव़बाक्‍माक्‍त। आ पशो नु अरु आन पशो पाप क्‍याम्‍चा कली मेको हुश चढ़ेबाक्‍माक्‍त। प्रस्‍थान ३०:३०; लेवी १६:२१४,१५

१ यूहन्‍ना 2:2

दोपा नेल्‍ल ठीक पाप्‍तु देंशा हना, मरिम्‍शो पाइब आन बेक्‍तीकेमी साइक्‍चा पुंइसाक्‍व। इं पाप कली ला ममाइ, तन्‍न रागी नेल्‍ल ङा मुर आन पाप क्‍याम्‍चा कली यो साइक्‍चा पुंइसाक्‍व। १यूहन्‍ना ४:१०; कलस्‍सी १:२०; यूहन्‍ना ११:५१-५२