गन्‍ती 15:21 - Sunuwar Bible

²¹ मिनु गेपुकीमी नेल्‍ल इन पाला सम्‍म इन ङोंइती ङा निशो फस रे शोब्‍ले का परमप्रभु यावे कली क्‍युक्‍शा चढ़ेतीके कली चढ़ेचा माल्‍नीनी।

गन्‍ती 15:21 ပူးပေါင်းရင်းမြစ်များ

नेहेम्‍याह 10:38

मोदेंशो पा लेवीपुकी पोक्‍थ गाक्‍मानु, चढ़ेब हारून आ चच युइ यो लेवीपुकी नु गाक्‍चा माल्‍नीम। मिनु लेवीपुकी मेको आन पोक्‍शो रे पा १० भाग ङा भाग का परमप्रभु आ खिं ङा वोइक्‍तीक कोठामी वोइक्‍चा माल्‍नीम। गन्‍ती १८:२६,२८

प्रस्‍थान 23:19

मिनु इन रू ङा ङोंइती मीशो नेल्‍ल क्‍येङा रिम्‍शो फल फुल नु अन्‍न परमप्रभु यावे, इन परमप्रभु आ बाक्‍तीकेम चाक्‍चा माल्‍नीनी। गेपुकीमी पाठा कली आ ममा आ दूधम लोप्‍शा मक्‍येने, देनो” दे परमप्रभु मोसा कली देंत। उत्‍पत्ती ४:४; ब्‍यवस्‍था २६:१-११; नेहेन्‍याह १०:३६; ब्‍यवस्‍था १४:२१

प्रस्‍थान 29:28

मारदे हना इस्राएलीपुकीमी मेको हारून नु आ तौ आन कली गेना हना यो गेचा माल्‍शो भाग बाक्‍ब। मेको गेचा माल्‍शो चढ़ेतीके बाक्‍ब। इस्राएलीपुकीमी आन परमप्रभु यावे नु दुशा बाक्‍चा आ पर्बम चढ़ेतीके रे गेचा माल्‍शो मेकोन बाक्‍ब।

इजीकीएल 44:30

ङोंइती मीशो फल आन नेल्‍ल क्‍येङा रिम्‍शो फल नु इन चढ़ेशो मारेइ मारेइ नेल्‍ल चढ़ेब आन केन दुम्‍ब। गे इन खिंम आसीक तचा कली इन नि‍शो फस नेल्‍ल क्‍येङा ङोंइती ङा डल्‍ला यो चढ़ेब आन कली गेचा माल्‍नीनी। प्रस्‍थान २५:२; गन्‍ती १५:२०; नेहेम्‍याह १०:३८

लेवी 23:14

मेको नेल्‍ल परमप्रभु कली चढ़ेशो नोले ला शोब्‍ले, कारशो अन्‍न नु गिगी बाला मारेइ जने चाप्‍नीनी। मेको गेपुकी ते बाक्‍तीनी हना यो, एको गेना हना यो नेल्‍ल पाला सम्‍म पतीक बाक्‍ब।

गन्‍ती 15:20

मिनु इन ङोंइती निशो फस रे सेल्‍शो शोब्‍ले का परमप्रभु यावे कली गेचा माल्‍नीनी। खला रे क्‍युक्‍शा चढ़ेशो खोदेंशो पा चढ़ेचा माल्‍नीनी। नेहेम्‍याह १०:३८; इजीकीएल ४४:३०

गन्‍ती 15:22

मिनु गेपुकीमी मतुइक्‍थु परमप्रभु यावेमी मोसा कली शेंशो लोव़ नेल्‍लेमी का मपाइतीनी हना, लेवी ४:१३-२१

गन्‍ती 18:26

“गे लेवी आन कली ‘परमप्रभु यावेमी इन कली मुर आन गुइ रे इन भाग दुम्‍चा कली गेशो, इस्राएली आ १० भाग ङा भाग का ताक्‍नीनु, गेपुकीम मेको रे यो परमप्रभु यावे कली १० भाग ङा भाग का तिल्‍शा, गेचा माल्‍नीनी।