गन्‍ती 15:20 - Sunuwar Bible

²⁰ मिनु इन ङोंइती निशो फस रे सेल्‍शो शोब्‍ले का परमप्रभु यावे कली गेचा माल्‍नीनी। खला रे क्‍युक्‍शा चढ़ेशो खोदेंशो पा चढ़ेचा माल्‍नीनी। नेहेम्‍याह १०:३८; इजीकीएल ४४:३०

गन्‍ती 15:20 ပူးပေါင်းရင်းမြစ်များ

नेहेम्‍याह 10:37

मिनु आंइ नि‍शो फस ङा नेल्‍ल क्‍येङा ङोंइती ङा भाग, अन्‍न चढ़ेतीके, मार मार रवा आन फल, अङगुर शांबु नु तेल चढ़ेब आन कली गेचा, दे परमप्रभु आ खिं ङा वोइक्‍तीक कोठाम चाक्‍नीकी। मोदेंशो पा लेवी नेल्‍लेम रागी ङा १० भाग ङा भाग का ताइनीम। मेको लेवीपुकीमी आंइ गेय पतीक सहर जाक्‍शा, १० भाग ङा भाग का पोक्‍चा माल्‍नीम। गन्‍ती १५:२०-२१; गन्‍ती १८:२१

प्रस्‍थान 23:19

मिनु इन रू ङा ङोंइती मीशो नेल्‍ल क्‍येङा रिम्‍शो फल फुल नु अन्‍न परमप्रभु यावे, इन परमप्रभु आ बाक्‍तीकेम चाक्‍चा माल्‍नीनी। गेपुकीमी पाठा कली आ ममा आ दूधम लोप्‍शा मक्‍येने, देनो” दे परमप्रभु मोसा कली देंत। उत्‍पत्ती ४:४; ब्‍यवस्‍था २६:१-११; नेहेन्‍याह १०:३६; ब्‍यवस्‍था १४:२१

प्रस्‍थान 34:26

इन रू ङा ङोंइती मीशो नेल्‍ल क्‍येङा रिम्‍शो थोव़क परमप्रभु यावे, इन परमप्रभु आ खिंम चाक्‍चा माल्‍नीनी। क्‍यारश आ पाठा आ ममा आ दूधमी लोप्‍शा क्‍येचा मदुम्‍ब” दे मोसा कली दें‍त। प्रस्‍थान २३:१९

इजीकीएल 44:30

ङोंइती मीशो फल आन नेल्‍ल क्‍येङा रिम्‍शो फल नु इन चढ़ेशो मारेइ मारेइ नेल्‍ल चढ़ेब आन केन दुम्‍ब। गे इन खिंम आसीक तचा कली इन नि‍शो फस नेल्‍ल क्‍येङा ङोंइती ङा डल्‍ला यो चढ़ेब आन कली गेचा माल्‍नीनी। प्रस्‍थान २५:२; गन्‍ती १५:२०; नेहेम्‍याह १०:३८

लेवी 2:12

खुदो नु बोरब ओख्‍ती सुप्‍शो चढ़ेतीक लाइश्‍शा परमप्रभु यावे कली चढ़ेने चाप्‍नीनी। तन्‍न मेको कली चढ़ेतीक मीम हुम्‍चा मदुम्‍ब। गन्‍ती १८:१२-१३; २इतिहास ३१:५

लेवी 2:14

परमप्रभु यावे कली ङोंइती मीशो अन्‍न चढ़ेचा थुं पाइतीनी हना, इन ङोंइती मीशो नक बाला आन अन्‍न मीम क्रोइश्‍शा चढ़ेन। ब्‍यवस्‍था २६:२-११

लेवी 23:10

“गे इस्राएली आन कली ‘इन कली गेशो रागीम जाक्‍दीश्‍शा, मेकेर ङा बाली नाली खुप्‍तीनीनु, गेपुकीमी ङोंइती ङा रिक्‍शो बाली मुठा का चढ़ेब आन कली चाक्‍कीन।

लेवी 23:20

मिनु चढ़ेबमी परमप्रभु यावे कली ङोंइती नक मीशो अन्‍न के शोब्‍ले नु सांड निक्‍शी क्‍युक्‍शा हिम्‍शा चढ़ेचा माल्‍ब। मेको चढ़ेब आ भाग दुम्‍चा कली परमप्रभु यावे कली गेशो बाक्‍नीम।

गन्‍ती 15:21

मिनु गेपुकीमी नेल्‍ल इन पाला सम्‍म इन ङोंइती ङा निशो फस रे शोब्‍ले का परमप्रभु यावे कली क्‍युक्‍शा चढ़ेतीके कली चढ़ेचा माल्‍नीनी।

गन्‍ती 18:12

मिनु मेकोपुकीमी परमप्रभु यावे कली गेशो नेल्‍ल क्‍येङा रिम्‍शो तेल, नेल्‍ल क्‍येङा रिम्‍शो अङगुर शांबु, अन्‍न नु रिम्‍शो मारेइ मारेइ गो इ कली गेतन।

मत्ती 6:33

ङोंइती परमप्रभु यावे आ राज्‍य नु आ ठीक पतीके मिम्‍शा मालीने। मिनु जचा तूचा फेक्‍चा यो ताइनीनी। रोमी १४:१७; १राजा ३:१३-१४; भजन संग्रह ३७:४,२५

रोमी 11:16

निशो फस रे ङोंइती ङा शोब्‍ले परमप्रभु यावे के दुम्‍त हना, नेल्‍ल निशो फस रिम्‍शो दुम्‍ब। शाक्‍श रिम्‍शो बाक्‍त हना, राशी नेल्‍ल यो रिम्‍शो दुम्‍नीम। गन्‍ती १५:२०

१ कोरिन्‍थी 15:20

तन्‍न ख्रीस्‍त बेक्‍शो रे सेंसीशो बाक्‍ब। बेक्‍शो आन दातेमी नेल्‍ल क्‍येङा ङोंइती सेंसीब ख्रीस्‍त बाक्‍त। १कोरिन्‍थी ६:१४; कलस्‍सी १:१८

ब्‍यवस्‍था 14:22

गेपुकीमी गेनायो मप्रोंइचा ङा पा बर्स बर्स ङा इन रूम नु खेतम वाशा सिश्‍शो नेल्‍ल रे १० भागम भाग का तिल्‍शा वोइश्‍‍शा, गेचा माल्‍नीनी। लेवी २७:३०

ब्‍यवस्‍था 14:23

मिनु परमप्रभु यावे, इन परमप्रभु आ योव़शो बाक्‍तीकेमी मेको आ ङोंइती जचा माल्‍नीनी। मार जचा ब्‍वचा माल्‍नीनी देंशा हना, इन १० भाग ङा भाग का अन्‍न, इन अङगुर शांबु, इन तेल, इन कली ङोंइती जरमेशो ब्‍यफ नु क्‍यारश भेडा जचा ब्‍वचा तूचा माल्‍नीनी। मो पाइतीनी हना, गे मबेक्‍नी सम्‍म परमप्रभु यावे, इन परमप्रभु कली मान पा हिंचा शेंसीनीनी। ब्‍यवस्‍था १२:१७-१८; ब्‍यवस्‍था १९:२३

ब्‍यवस्‍था 16:13

मिनु इन रू ङा अन्‍न अङगुर मारेइ मारेइ खुम्‍ने थुम्‍शा, गेपुकीमी बाली नाली ओंइतीक चाड ७ नाक्‍त सम्‍म मानेचा माल्‍नीनी।

याकूब 1:18

परमप्रभु यावेमी इं कली आ थमा लोव़ पतीकेमी नक जरमेशो मुर सेल्‍तु। मोदेंशो पा ङोंइती सिश्‍शो फल खोदेंशो पा आ मुर दुम्‍तय। यूहन्‍ना १:१३; १पत्रुस १:१:२३

प्रकाश 14:4

मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। १कोरिन्‍थी ७:१,८