गन्‍ती 14:8 - Sunuwar Bible

⁸ परमप्रभु यावे गोपुकी इं कली तशा ग्‍येरसाक्‍व हना, मेकोमी इं कली मेको रागीम चाक्‍दीप्‍ब। मिनु मेको रागी दूध नु खुदो शुश बाक्‍शो रागी बाक्‍ब। मेको रागी इं कली गेब। गन्‍ती १३:२७

गन्‍ती 14:8 ပူးပေါင်းရင်းမြစ်များ

२ सामुएल 22:20

मेकोमी आं कली लाङगा ङा ठेयब बाक्‍तीकेम ग्रुंइशा, श्‍येत रे प्रोंइती। मारदे हना मेको आं कली तशा ग्‍येरशो बाक्‍त।

१ राजा 10:9

मिनु परमप्रभु यावे, इन परमप्रभु ठेयब बाक्‍ब। मेकोमी इन कली दाक्‍शा इस्राएल कली सासन पचा कली पिप सेल्‍तु। परमप्रभु यावेमी इस्राएली आन कली गेना हना यो दाक्‍ताक्‍व। मोपतीके मेकोमी इन कली ठीक निसाफ पचा नु ठीक पचा कली मेको आन पिप सेल्‍शो बाक्‍त” देंमाक्‍त। १राजा ५:२१

२ राजा 18:32

गो जाक्‍शा इन कली आंम इन रागी खोदेंशो रागीम लाइक्‍नन्‍नी। मेको रागी अन्‍न नु अङगुर शांबु, शोब्‍ले नु अङगुर रू, तेल रवा नु खुदो बाक्‍शो रागी बाक्‍ब। गेपुकी बेक्‍तीक आ पा ङा ब्रोंइतीक योव़ङीन। हिज्‍कीयाह आ लोव़ मनेनीन, मेकोम इन कली “परमप्रभु यावेमी इं कली प्रोंइब” दे जोल पाइब।

भजन संग्रह 22:8

मिनु मेकोपुकीमी “परमप्रभु यावे कली थमा सुइक्‍ब, परमप्रभु यावेमी इन कली श्‍येत रे प्रोनल। मारदे हना परमप्रभुमी इन कली दाक्‍ब” दे शुक्‍शी पाइनीम। मत्ती २७:४३

प्रस्‍थान 3:8

मिनु मेको आन कली इजीप्‍त रागी ङा मुरपुकीम गेशो श्‍येत रे प्रोंइनुङमी। गो आं मुर आन कली रिम्‍शो नु ठेयब रागी लाइक्‍नुङमी। मेको रागीम दूध नु खुदो शुश बाक्‍ब। मारेइ मारेइ यो शुश ग्रेल्‍ब। मेको रागी कनानी, हित्ती, एमोरी, परिज्‍‍जी, हिव्‍वी नु यबुसी आन बाक्‍तीक रागी बाक्‍ब।

यसैया 62:4

मिनु गे मेना रे ‘ताइक्‍चा पुंइसीशो’ माइक्‍चा मपुंइसीनेवे। इ रागी मुर मबाक्‍तीके रागी माइक्‍चा मपुंइसीब। ‘गो इ कली तशा ग्‍येरसाक्‍यी’ दे नें वोइक्‍चा पुंइसीनेवे। इ रागी ग्‍युंबे पशो खोदेंशो दुम्‍ब। मारदे हना परमप्रभु यावे इ कली तशा ग्‍येरसीब। इ रागी ग्‍युंबे पशो खोदेंशो दुम्‍ब। यसैया ५४:६; यसैया ६०:१५; होसे २:२१

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

सेफन्‍याह 3:17

परमप्रभु यावे, इन परमप्रभु इन दातेमी बाक्‍ब। मेको बोल्‍यो बाक्‍शा, श्‍येत रे प्रोंइब बाक्‍ब। मेको इन कली तशा, शुश ग्‍येरशो बाक्‍ब। मेकोमी आ दाक्‍तीकेमी इन कली नक मुर सेल्‍ब। मेकोमी इन कली तशा ग्‍येरशा कुम्‍सो पाइब। यसैया ६२:५

गन्‍ती 13:27

मिनु मोसा कली “गोपुकी इन सोइश्‍शो रागीमी जाक्‍दीत्‍तक। मेको रागीम थमा पा दूध नु खुदो शुश बाक्‍ब। मिनु मेको रागी ङा फल फुल एकोन बाक्‍नीम। प्रस्‍थान ३:८,१७

गन्‍ती 16:14

गे आंइ कली दूध नु खुदो शुश बाक्‍शो रागीम चाक्‍दीन्‍नी? रू नु अङगुर रू गे‍नी? मार, गे एको मुर आन मिक्‍च फेत्‍चा दाक्‍नीनी? गोपुकी थमा पा मजाक्‍नीकी” देंताक्‍स। प्रस्‍थान ३:८

रोमी 8:31

मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६

ब्‍यवस्‍था 10:15

मो हना यो परमप्रभु यावेमी इन किकी पिपी आन कली तशा, दाक्‍ताक्‍व। मिनु मेको आन चच युइ, इन कली जात जात ङा मुर नेल्‍ल आन दाते रे योव़तु। मोदेंशो पा मुलाक्‍ती बाक्‍ब, दे तुइक्‍नीनी। ब्‍यवस्‍था ७६

यहोसु 14:12

मोपतीके एको डांडा ङा रागी आं कली गेने। परमप्रभु यावेमी एको आ पर्बम मेनान देंने थुम्‍तु। मिनु ‘मेकेर अनाकीम ङा मुर बाक्‍नीम। मिनु मेकेर गारो पाइश्‍शो ठेयब सहर बाक्‍नीम’ देंशो गे नेंतीनी। मिनु परमप्रभु यावे गो नु बाक्‍त हना, परमप्रभु यावे आ देंशो खोदेंशो पा गो मेको आन कली खेरने चाप्‍नुङ” देंत। यहोसु ११:२१