गन्ती 14:34 - Sunuwar Bible34 गेपुकीमी मेको रागी क्यारी पचा कली ४० नाक्त सम्म माल्शो बाक्तीनी। मोपतीके नाक्त का ङा बर्स का पा ४० बर्स सम्म गेपुकीम इन मरिम्शो पशो आ पर्बम श्येत जचा माल्नीनी। मिनु गो इन पर्बम गाइक्ताक्ङ, दे तुइक्नीनी’ दे येरमीया २:१९; गन्ती ३२:१३ အခန်းကိုကြည့်ပါ။ |
गन्ती 14:34
26 ပူးပေါင်းရင်းမြစ်များ
इ मुर नु परमप्रभु आ सहर ७० हप्ता सम्म श्येत जचा माल्नीम। मिनु मे नोले मरिम्शो नु पाप पतीके नुप्ब। मेना अरेशो मटितीके क्याम्तीके गेय पशो बाक्ब। मिनु ठीक पतीके गेना हना यो लीब। मिनु मेको कोंइतीक नु परमप्रभु यावे आ लोव़ पाइब कली छाप थोक्शा नोले परमप्रभु आ बाक्तीक लेंशा सेल्शा तेल ख्रेक्नीम।
मिनु नोले गो परमप्रभु यावेमी आ सांकछी निक्शी आस कली मार लोव़ पशो नेंता देंशा हना “गे आं लोव़ पाइब दुम्नीसी। गो इस कली आं लोव़ पचा कली सक्ति गेनुङ। गे निक्शीमी अरन्डी फेक्शा, हजार का सहे निक्शी ६० नाक्त सम्म आं लोव़ पाइनीसी” दे परमप्रभु यावेमी आ सांकछी निक्शी आस कली लोव़ पशो नेंता। प्रकाश १२:६
मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्ल गेना हना यो आं ङोंइती चढ़ेब दुम्नीम, गो कसम जशो नङ” देंशो बाक्त। तन्न परमप्रभु यावेमी “मुल ओदेंशो मदुम्ब। मारदे हना आं कली ठेयब सेल्ब आन कली गो ठेयब सेल्नुङ। आं कली आइक्च सेल्ब नेल्ल आइक्च सेल्चा पुंइसीनीम। प्रस्थान २८:१; मलाकी ३:१६-१८
ကြော်ငြာတွေ