गन्‍ती 14:24 - Sunuwar Bible

²⁴ तन्‍न आं गेय पाइब कालेब आ थुंमी अर्को सोक्‍ती बाक्‍ब। मिनु मेकोमी आ थुं नेल्‍लेमी आं कली टिशो बाक्‍ब। गो मेको कली आ क्‍यारी पथ लशो रागी चाक्‍दीत्‍नुङ। मिनु मेको आ तौ चच युइ आन रागी दुम्‍ब। यहोसु १४:६-९

गन्‍ती 14:24 ပူးပေါင်းရင်းမြစ်များ

१ इतिहास 29:18

परमप्रभु यावे, आंइ किकी पिपी अब्राहाम, इसहाक नु याकूब आन परमप्रभु, इन मुर आन थुंमी मोदेंशो मिम्‍चा नु पचा गेना हना यो लीपतीन। मिनु मेको आन थुं इन गे कीङीन।

१ इतिहास 29:9

मिनु मुरपुकीमी हाइश्‍शो थुंमी गेशा ग्‍येरसीशो बाक्‍मा बाक्‍त। मारदे हना मेकोपुकीमी ग्‍येरसीशा परमप्रभु यावे कली शुश गेशो बाक्‍मा बाक्‍त। पिप दाऊद यो थाम्‍पा ग्‍येरशो बाक्‍माक्‍त।

२ इतिहास 25:2

मेकोमी परमप्रभु यावे आ ङोंइती मार ठीक बाक्‍मे, मेको पवा बाक्‍त। तन्‍न आ थुं नेल्‍लेम ममाइ।

भजन संग्रह 119:145

गो आं थुं नेल्‍लेमी इन कली पुंइनुङ। परमप्रभु यावे आं लोव़ लेत्‍तीनी। गो इन फुल्‍लुम मुशा ब्रेक्‍शो लोव़ टिना टिन बाक्‍नुङ।

भजन संग्रह 119:80

गो इन फुल्‍लुम मुशा ब्रेक्‍शो लोव़ पशा दोस मतङल। मोपा मुने मदोक्‍ङ‍ल।

हितोपदेस 23:26

आं तौ, इ थुं आं कली गेयी। आं पशो कोव़ङो।

गन्‍ती 13:30

मिनु कालेबमी मोसा आ ङोंइती बाक्‍शो मुर आन थुं नाइक्‍पाइक्‍चा, दे मोसा कली “गोपुकी रीब पा लशा, मेको रागी इं के सेल्‍य। मारदे हना गो मेको थमा पा ग्राने चाप्‍नय” देंत। गन्‍ती १४:६

गन्‍ती 14:30

आं कसम जशा, इन कली गेनुङ देंशो रागीमी सुइ ओव़चा मताइनीम। यपुन्‍ने आ तौ कालेब नु नून आ तौ यहोसु ला ओव़चा ताइनीस।

गन्‍ती 26:65

मारदे हना, परमप्रभु यावेमी मेको आन पर्बम “मेकोपुकी थमा पा गोरशो रागीमीन बेक्‍चा माल्‍नीम” देंशो बाक्‍त। यपुन्‍ने आ तौ कालेब नु नून आ तौ यहोसु ङा लाक्‍शा, मेको आन दाते ङा का यो सेस मलीम। गन्‍ती १४:२२-३८

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

एफिसी 6:6

होव़पमी इन कली गेय पशो कोव़तेक्‍म हना यो, मकोव़तेक्‍म हना यो, ठीक पा गेय पने। गेपुकीमी मुर कली ग्‍येरपाइक्‍चा ममाइ, ख्रीस्‍त आ वाइलीम वाइल दुम्‍शा, इन थुं नेल्‍लेमी परमप्रभु यावे आ दाक्‍शो पने।

ब्‍यवस्‍था 1:36

मेको यपुन्‍ने आ तौ कालेब बाक्‍ब। मेको नु आ तौ चचम मेको आ थेक्‍शो रागी ताइनीम। मारदे हना मेकोमी आं कली, परमप्रभु यावे कली थमा पा नोले खोइश्‍शो बाक्‍त’ दे कसम जशा देंत।

ब्‍यवस्‍था 6:5

मिनु गेपुकी परमप्रभु यावे, इन परमप्रभु कली इन थुं नेल्‍लेमी, इन सोक्‍त नेल्‍लेमी नु इन बोल नेल्‍लेमी दाक्‍चा माल्‍नीनी। ब्‍यवस्‍था १०:१२; २राजा २२:२५; मत्ती २२:३७

कलस्‍सी 3:23

इन गेय मार बाक्‍त हना यो, इन थुं नेल्‍लेमी मुर आन कली ममाइ, प्रभु कली गेय पने।