गन्‍ती 14:11 - Sunuwar Bible

¹¹ मिनु परमप्रभु यावेमी मोसा कली “एको मुरपुकीम गेना सम्‍म आं कली मटीनीमी? एको आन दातेम आं कोंइशो चिन्‍ड तशा यो, गेना सम्‍म आं कली थमा मसुइक्‍नीमी?

गन्‍ती 14:11 ပူးပေါင်းရင်းမြစ်များ

भजन संग्रह 106:24

मिनु नोले मेकोपुकीमी परमप्रभु आ गेशो रागी मदाक्‍शो बाक्‍तेक्‍म। आ थोक्‍शा पशो लोव़ थमा मसुइश्‍शो बाक्‍तेक्‍म। गन्‍ती १४:२-४; ब्‍यवस्‍था ८:७-१०

भजन संग्रह 78:22

मारदे हना मेकोपुकीमी परमप्रभु कली थमा मसुदेम। मिनु “परमप्रभुमी आंइ कली प्रोंइने मचाप्‍ब” देंतेक्‍म।

भजन संग्रह 78:32

मो पा यो मेकोपुकीम पाप पस ङा पस बाक्‍तेक्‍म। मेको आ छक लाक्‍चा ङा गेय तशा यो, मेकोपुकीमी थमा मसुदेम।

भजन संग्रह 95:8

गेपुकी मेरीबाम पशो खोदेंशो पा इन थुं खकटा मसेलीन। गेपुकी गोरशो रागी मास्‍साह माइश्‍शोमी बाक्‍ची ना पशो खोदेंशो मपने। हिब्रू ३:७-८; हिब्रू ४:७

प्रस्‍थान 10:3

मिनु मोसा नु हारून फाराओ आ बाक्‍तीके जाक्‍दीश्‍शा, मेको कली “हिब्रू आंइ परमप्रभु यावे, हिब्रू मुर आन परमप्रभुमी इन कली ‘गेना सम्‍म गे आं ङोंइती ठेयब लेश्‍शा बाक्‍नेवे? आं मुर आन कली आं कली चढ़ेथ लचा गेवो। प्रस्‍थान ५:३

प्रस्‍थान 16:28

मिनु परमप्रभु यावेमी मोसा कली “गेपुकी आं शेंशो नु आं अरेशो गेना सम्‍म मटीनीनी?

प्रस्‍थान 23:21

गेपुकी होस पा बाक्‍शा, आं देंशो टिने। गेपुकी मेको कली मगाइक्‍पतीन। मारदे हना आं नें मेको नु बाक्‍ब। मिनु मेकोमी इन हेंथे पतीक मक्‍याम्‍ब। यसैया ६३:१०

प्रस्‍थान 32:9

मिनु लेंशा परमप्रभु यावेमी मोसा कली “गो मेको मुर आन कली ताता। काइ मटीब बाक्‍नीम, दे तुइक्‍ताक्‍ङ। ब्‍यवस्‍था ९:६; यसैया ४८:४; प्रेरित ७:५१

हितोपदेस 1:22

मार लोव़ पाइब देंशा हना “गे मारेइ मजोक्‍बपुकी, गेना सम्‍म मारेइ मजोक्‍ब दुम्‍चा दाक्‍नीनी? गे शुक्‍शी पाइबपुकी, गेना सम्‍म शुक्‍शी पचा दाक्‍नीनी? गे मूर्खपुकी, गेना सम्‍म तुइक्‍तीके कली काइ मदाक्‍‍नीनी?

येरमीया 13:10

मेको मरिम्‍शो पाइब मुरपुकीम आं लोव़ नेंने मबिस्‍सम। मेकोपुकीमी आन खकटा थुंमी आन दला दाक्‍स पतीकेमी अरु देवी देवता आन कली पूजा पचा कली नु मेको आन गेय पचा कली लाम्‍तेक्‍म। मिनु मेकोपुकी एको धोती खोदेंशो दुम्‍नीम। मेको थमा पा शोर गाक्‍शो बाक्‍ब। येरमीया ११:८

येरमीया 4:14

मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४

इजीकीएल 20:13

तन्‍न इस्राएल आ खिं ङा मुरपुकीमी गोरशो रागीम आं कली मटीयीमी। मेकोपुकीम आं फुल्‍लुम मुशा ब्रेक्‍शो लोव़ नु आं निसाफ पतीक लोव़ मपामे। मेको टिशा पाइब मुर मेको रे ब्रोंइनीम। मेकोपुकीमी आं नाइक्‍तीक नाक्‍त ग्रांग्रा दिशो सेल्‍तेक्‍म। मिनु गो एको गोरशो रागीमीन आं चुरशो मोइश्‍शा मेको आन कली साइक्‍नुङमी, दे मिम्‍ताक्‍ङ। प्रस्‍थान ३२:१०-१२

होसे 8:5

सामरीया ङा मुरपुकी, इन बाछा आ मूर्ति ताइक्‍तीन। गो मेकोपुकी नु गाइश्‍शो बाक्‍नुङ। गेना सम्‍म मेकोपुकी आं मुर दुम्‍चा मदाक्‍नीमी? प्रस्‍थान ३२:२०; १राजा १२:२८

जकरिया 8:14

मिनु मुर नेल्‍ल आन परमप्रभु यावेमी “गो मोपा इन किकी पिपी आन कली आं कली गाइक्‍पाइक्‍तीके श्‍येत गेतामी। मिनु गो शिशी मपङ।

गन्‍ती 14:23

मेको आन किकी पिपी आन कली कसम जशा ‘गेनुङ’ देंशो रागी ओव़चा मताइनीम। मिनु आं कली काइ मदाक्‍बपुकीम मेको रागी मताइनीम। भजन संग्रह ९५:११; हिब्रू ३:११,१७-१९

गन्‍ती 14:27

“गेना सम्‍म एको मरिम्‍शो मुरपुकीम आं पर्बम गन गन पाइनीमी? गो इस्राएली आन आं कली गन गन पशो नेंता। मेकोपुकीम आं कली गन गन पाइनीम। प्रस्‍थान ३२:३४-३५

गन्‍ती 32:10

मिनु मेको नाक्‍ती परमप्रभु यावे गाइक्‍ताक्‍व। मिनु मेकोमी कसम जशा

मत्ती 17:17

मिनु येसुमी “गे थमा पा थमा मसुइक्‍ब नु मटीबपुकी, गेना सम्‍म गेपुकी नु बाक्‍नुङा? ओदेंशो इन पशो गेना सम्‍म फाल्‍शा बाक्‍नुङा ङा? रोइ पाइब कली चाक्‍कीन” देंत।

मर्कूस 9:19

मिनु येसुमी “गे थमा पा थमा मसुइक्‍बपुकी, गेना सम्‍म गेपुकी नु बाक्‍नुङा ङा? ओदेंशो इन पशो गेना सम्‍म फाल्‍शा बाक्‍नुङा ङा? रोइ पाइब कली चाक्‍कीन” दे माइक्‍मी बाक्‍त।

यूहन्‍ना 10:38

तन्‍न गो आं आफ आ गेय पाइनुङ हना, गेपुकी आं कली थमा मसुइक्‍नीनी। आं पशो गेय परमप्रभु यावे के बाक्‍त, दे थमा सुतीन। मिनु गो आं आफ नु बाक्‍नुङ। आं आफ गो नु बाक्‍ब, दे रुपीन” दे येसुमी यहूदी आन कली माइक्‍तीमी।

यूहन्‍ना 12:37

मिनु येसुमी मुर आन ङोंइती शुश छक लाक्‍चा ङा गेय पाप्‍तु हना यो, मेकोपुकीम येसु कली थमा मसुदेम।

यूहन्‍ना 15:24

गो मुर आन कली छक लाक्‍चा ङा गेय कोंइताक्‍ङमी। आं क्‍येङा ङोंइती सुइमी आं खोदेंशो गेय मकोंइदे। मेको गेय कोंइशा यो मुरपुकीमी आं आफ नु गो निम्‍फा आंस कली मदाक्‍नीम।

ब्‍यवस्‍था 1:32

मोदेंशो दुम्‍त हना यो गे परमप्रभु यावे, इन परमप्रभु कली थमा मसुइक्‍नी।

हिब्रू 3:16

नेंशा यो मटीब सु नमी? मोसाम इजीप्‍त रे ग्रुंइशा पिश्‍शोपुकी मनमी ङा?

हिब्रू 3:18

परमप्रभु यावेमी आ लोव़ मटीब आन पर्बम “मेकोपुकी गेनायो आं राज्‍य ओव़शा थुं नाइक्‍चा मताइनीम” दे कसम जशो मबाक्‍बा ङा?

हिब्रू 3:8

साइ नेसी इन किकी पिपी गोरशो रागीम गाक्‍शा, नाक्‍चा पुंइसमानु, पशो खोदेंशो इन थुं खकटा पा मटीब मदुमीन। प्रस्‍थान १७:७; गन्‍ती २०:२-५