गन्‍ती 13:32 - Sunuwar Bible

³² मोपा मेकोपुकीमी क्‍यारी पथ लतीक रागी आ पर्बम मरिम्‍शो लोव़ नेंपाइश्‍शा “गोपुकीमी क्‍यारी पथ लशो रागीमी आ मुर आन कली साइक्‍ब ताइतक। मिनु आंइ तशो मुरपुकी थम ठेयब बाक्‍नी‍म।

गन्‍ती 13:32 ပူးပေါင်းရင်းမြစ်များ

२ सामुएल 21:20

मिनु नोले लेंशा गाथ सहरम लडाइ दुम्‍माक्‍त। मेकेर यो ठेयब लाइश्‍शो मुर का बाक्‍माक्‍त। मेको आ गुइ नु खोइलीम ६, ६ ओटा अम्‍ला, नेल्‍ल पा २४ ओटा अम्‍ला पाइश्‍शो रेफाइ आन मुर बाक्‍माक्‍त।

१ इतिहास 20:6

मिनु नोले लेंशा गाथ सहरमी लडाइ दुम्‍माक्‍त। मेकेर लाइश्‍शो मुर का बाक्‍माक्‍त। आ गुइ नु खोइली नेल्‍लेम ६,६ ओटा ब्रेप्‍चो पाइश्‍शो नेल्‍ल पा २४ ओटा ब्रेप्‍चो पाइश्‍शो मुर का बाक्‍माक्‍त। मेको रेफाइ आ चच युइ का बाक्‍माक्‍त।

भजन संग्रह 106:24

मिनु नोले मेकोपुकीमी परमप्रभु आ गेशो रागी मदाक्‍शो बाक्‍तेक्‍म। आ थोक्‍शा पशो लोव़ थमा मसुइश्‍शो बाक्‍तेक्‍म। गन्‍ती १४:२-४; ब्‍यवस्‍था ८:७-१०

इजीकीएल 36:12

गो आं मुर इस्राएली आन कली इ तार गाक्‍पाइक्‍नुङ। गे मेको आन के दुम्‍नीनी। मिनु गे मेको आन शोंप दुम्‍नीनी। गेपुकीम गेनायो मेको आन तमी तौ रोइश्‍शा मलाइक्‍नीनी” देंत।

आमोस 2:10

मिनु गो इन कली एमोरी आन रागी गेचा कली इजीप्‍त रागी रे ग्रुंइशा ४० बर्स सम्‍म गोरशो रागीमी लां कोंइशा गाक्‍पाइक्‍तन्‍नी।

आमोस 2:9

गो मेको आन ङोंइती रे एमोरी आन कली साइक्‍ता‍मी। मेकोपुकी लेबानोन ङा लाइश्‍शो रवा खोदेंशो लाइश्‍शो नु बोल्‍यो बाक्‍तेक्‍म। गो मेको आन इर ङा फल नु उइ आगा ङा शाक्‍श नेल्‍ल खतम सेल्‍ता। गन्‍ती २१:२१-२८

गन्‍ती 13:28

तन्‍न मेकेर बाक्‍ब मुरपुकी बोल्‍यो बाक्‍नीम। मिनु मेको आन सहरपुकी गारोम हिरशो नु थम ठेयब बाक्नीम। मिनु गोपुकीमी मेकेर अनाक आ मुर आन कली यो ताइतक।

मत्ती 23:13

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।

ब्‍यवस्‍था 1:28

मारदे मेकेर लचा? मेको क्‍यारी पाइबपुकीमी आंइ कली मेकेर ङा मुरपुकी आंइ क्‍येङा लाइश्‍शो नु बोल्‍यो बाक्‍नीम। मेको आन सहर आन गारो सरीङ थिचा ङा पा लाइश्‍शो बाक्‍नीम। मिनु मेकेर गोपुकीमी अनाकीम ङा मुर यो ताइतक, दे हिंच कोंइताक्‍म’ दे गन गन पाइतीनी। ब्‍यवस्‍था ९:१-२; गन्‍ती १३:३३