गन्‍ती 13:29 - Sunuwar Bible

²⁹ मिनु अमालेक आ मुर नेगेब रागीम बाक्‍बाक्‍तेक्‍म। मिनु हित्ती, यबुसी नु एमोरी पहाडम बाक्‍बाक्‍तेक्‍म। मिनु कनानी ठेयब समुन्‍द्र आ नेक्‍था नु यर्दन खोला आ नेक्‍था बाक्‍बाक्‍तेक्‍म” देंतेक्‍म।

गन्‍ती 13:29 ပူးပေါင်းရင်းမြစ်များ

उत्पत्ती 14:7

मेको ग्राब पिप आन लां लेश्‍शा, एन-मिश्‍पात जाक्‍शा, हासासोन-तामारम बाक्‍ब अमालेकी नु एमोरी आन कली फ्रूमे बाक्‍त। एन-मिश्‍पात कली कादेश यो देंनीम।

नेहेम्‍याह 9:8

मिनु मेको आ थुं इन कली मप्रोंइब, ठीक पाइब बाक्‍ब, दे तुइश्‍शा, मेको नु कबल का पाइतीनी। मार कबल पाइतीनी देंशा हना, मेको कली कनानी, हित्ती, एमोरी, परिज्‍जी, यबुसी नु गिरगाशी आन रागी आ चच युइ आन कली गेनुङ, दे कबल पाइतीनी। मिनु गे इन कबल खाप्‍तीनी। मारदे हना गे ठीक पाइब बाक्‍नीनी। उत्‍पत्ती १५:१८-२१

भजन संग्रह 83:7

गेबाल, अम्‍मोन, अमालेक, पलिस्‍ती नु टायर ङा मुरपुकी बाक्‍नीम।

प्रस्‍थान 3:17

गो इन कली इजीप्‍त रागी ङा मुर आन गेशो श्‍येत रे प्रोंइनुङ। गो इन कली कनानी, हित्ती, एमोरी, परि‍ज्‍जी, हिव्‍वी नु यबुसी आन बाक्‍शो रागी गेनुङ। मेको रागीम दूध नु खुदो शुश बाक्‍ब, अन्‍न यो शुश ग्रेल्‍ब। गो आं देंशो लोव़ खाप्‍नुङ’ देंत, देंचा माल्‍नेवे।

प्रस्‍थान 3:8

मिनु मेको आन कली इजीप्‍त रागी ङा मुरपुकीम गेशो श्‍येत रे प्रोंइनुङमी। गो आं मुर आन कली रिम्‍शो नु ठेयब रागी लाइक्‍नुङमी। मेको रागीम दूध नु खुदो शुश बाक्‍ब। मारेइ मारेइ यो शुश ग्रेल्‍ब। मेको रागी कनानी, हित्ती, एमोरी, परिज्‍‍जी, हिव्‍वी नु यबुसी आन बाक्‍तीक रागी बाक्‍ब।

गन्‍ती 13:17

मोसामी मेको आन कली कनान रागी कली क्‍यारी पथ सोइक्‍ताक्‍मी। मिनु मोसामी मेको आन कली “गे एक रे लशा, नेगेब माइश्‍शो दक्‍खिन ङा रागी रे पहाड गे लने।

गन्‍ती 13:30

मिनु कालेबमी मोसा आ ङोंइती बाक्‍शो मुर आन थुं नाइक्‍पाइक्‍चा, दे मोसा कली “गोपुकी रीब पा लशा, मेको रागी इं के सेल्‍य। मारदे हना गो मेको थमा पा ग्राने चाप्‍नय” देंत। गन्‍ती १४:६

गन्‍ती 14:25

मिनु अमालेक आ मुर नु कनानीपुकी बेंसीम बाक्‍तीके, गेपुकी दीसा लने। मिनु लल समुन्‍द्र गे पा गोरशो रागी लने” देंत।

गन्‍ती 14:43

मिनु अमालेक आ मुर नु कनानीपुकीमी इन कली लडाइ तोइनीम। मिनु गेपुकी तरवारम साइक्‍चा पुंइसीनीनी। मारदे हना गेपुकी परमप्रभु यावे कली टिचा प्रोंइतीनी। मोपतीके परमप्रभु यावे इन दातेमी मबाक्‍ब” देंत।

गन्‍ती 14:45

मिनु मेको पहाडम बाक्‍ब अमालेक आ मुर नु कनानीपुकी उइ तोइश्‍शा, मेको आन कली साइक्‍ना साइक्‍न होरमा सम्‍म खेदा पाम्‍तेक्‍म। गन्‍ती २१:३; ब्यवस्‍था १:४४

गन्‍ती 24:20

मिनु बालाममी अमालेक आ मुर आन कली कोव़शा “अमालेक आ मुरपुकी रागी रागी नेल्‍ल क्‍येङा ङोंइती ङा बाक्‍तेक्‍म। तन्‍न मेकोपुकी गेना हना यो जाम्‍शा लाइनीमी” देंत। प्रस्‍थान १७:१४; १सामुएल १५:२-३,७

ब्‍यवस्‍था 20:17

परमप्रभु यावे, इन परमप्रभुमी अरेशो खोदेंशो पा, हित्ती, एमोरी, कनानी, परिज्‍जी, हिव्‍वी नु यबुसी नेल्‍ल आन कली साइश्‍शा क्‍याम्‍चा माल्‍नीनी।

ब्‍यवस्‍था 7:1

मिनु मोसामी “परमप्रभु यावे, इन परमप्रभुमी इन कली गेशो रागीम चाक्‍दीत्ची ना, इन ओव़चा क्‍येङा ङोंइती हित्ती, गिरगाशी, एमोरी, कनानी, परि‍जी, हिव्‍वी नु यबुसी आन कली खेरब। मेको नेल्‍ल इन क्‍येङा बोल्‍यो नु शुश मुर पाइश्‍शो ७ रागी ङा मुर बाक्‍नीम। ब्‍यवस्‍था ३१:३

यहोसु 10:5

मोपा एमोरी आन ५ जना पिप, यरूसलेम, हेब्रोन, यरमुथ, लाकीश नु एग्‍लोन ङा पिप खुम्‍सीशा, आन लडाइ पाइब नेल्‍ल नु जाक्‍शा, गिबोन नु लडाइ पाम्‍तेक्‍म।

यहोसु 10:6

मिनु गिबोन ङा मुरपुकीमी गिल्‍गाल सहरम बाक्‍शो यहोसु कली “मुल, गे इन गेय पाइब, गो आंइ कली मप्रेंदीन। गे रीब पा जाक्‍कीन। आंइ कली वारच पा प्रोनीन। मारदे हना पहाड रागीम बाक्‍ब एमोरी आन पिप नेल्‍ल गो नु लडाइ पचा कली खुम्‍सीशो बाक्‍नीम” दे लोव़ सोइक्‍ताक्‍म।

यहोसु 3:10

मिनु यहोसुमी “ब्रोंइशा बाक्‍ब परमप्रभु इन दातेमी बाक्‍ब, गे तुइक्‍ब दुम्‍नीनी। मिनु मेकोमी कनानी, हित्ती, हिव्‍वी, परिज्‍जी, गिरगाशी, एमोरी नु यबुसी आन कली इन ङोंइती रे थमा पा खेरब।

यहोसु 5:1

मिनु यर्दन आइक्‍ची हांबु पच्‍छिम गे ङा एमोरी आन पिप नेल्‍ल नु ठेयब समुन्‍द्र आ नेक्‍था ङा कनानी आन पिप नेल्‍लेमी “परमप्रभु यावेमी इस्राएली आन ङोंइती यर्दन खोला मशोक्‍सीमा सम्‍म सोव़पाइक्‍तु” दे नेंशा, मेकोपुकी इस्राएली आन कली तशा, साप्‍पा हिंशा आन थुं लुक्‍च लत। यहोसु ३:१६; यहोसु २:२४

यहोसु 9:1

मिनु यर्दन आइक्‍ची हांबु पहाड नु दिंममी, ठेयब समुन्‍द्र आ नेक्‍था नु लेबानोन गे बाक्‍ब हित्ती, एमोरी, कनानी, परिज्‍जी, हिव्‍वी नु यबुसी आन पिपपुकीमी एको लोव़ नेंशा,

न्‍यायाधीस 3:5

मोपा इस्राएलीपुकी कनानी, हित्ती, एमोरी, परिज्‍जी, हिव्‍वी नु यबुसी आन दातेमी बाक्‍शो बाक्‍मा बाक्‍त।

न्‍यायाधीस 6:3

इस्राएलीपुकीमी वांचेर शोक्‍गमे चोटीन मिदयान ङा मुरपुकी, अमालेक ङा मुरपुकी नु पूर्ब ङा मुरपुकी जाक्‍शा, इस्राएलीपुकी नु लडाइ पाइबाक्‍मा बाक्‍त। ब्‍यवस्‍था २८:३३

१ सामुएल 14:48

मेकोमी अमालेकी आन कली ग्रामा बाक्‍त। मिनु इस्राएली आन कली रोइक्‍ब हुल आन रे प्रोना बाक्‍त।

१ सामुएल 27:8

दाऊद नु मेको आ मुरपुकी लडाइ पथ ग्रूमानु, गेशुरी, गिरजी अमालेकी आन मारेइ मारेइ रोइक्‍बाक्‍मा बाक्‍त। मारदे हना मेकोपुकी तेलाम रे शुर सम्‍म नु इजीप्‍त सम्‍म बाक्‍बाक्‍मा बाक्‍त।

१ सामुएल 30:1

मिनु लेम्‍मा आ नित्‍थ नाक्‍ती सिकलाग जाक्‍दीम्‍मा बाक्‍त। मेना अमालेकीपुकीमी नेगेब रोइक्‍ने थुम्‍शा, सिकलागम लडाइ तोशा मी सुइश्‍शो बाक्‍मा बाक्‍त। १सामुएल २७:६

१ सामुएल 7:14

मिनु पलिस्‍ती आन ङोंइती ग्राशो सहर एक्रोन रे गाथ सम्‍म नु आन एर ओंथ ङा गाउं नेल्‍ल इस्राएलीपुकीमी पलिस्‍ती आन गुइ रे ताक्‍गमे बाक्‍त। मिनु इस्राएली नु एमोरीपुकी गारमा बाक्‍त।