गन्‍ती 13:27 - Sunuwar Bible

²⁷ मिनु मोसा कली “गोपुकी इन सोइश्‍शो रागीमी जाक्‍दीत्‍तक। मेको रागीम थमा पा दूध नु खुदो शुश बाक्‍ब। मिनु मेको रागी ङा फल फुल एकोन बाक्‍नीम। प्रस्‍थान ३:८,१७

गन्‍ती 13:27 ပူးပေါင်းရင်းမြစ်များ

नेहेम्‍याह 9:25

मेकोपुकीमी एर ओंथ नेल्‍ल ठेयब गारो हिर‍शो सहरपुकी ग्राशो बाक्‍तेक्‍म। शुश ग्रेल्‍ब रू आंम के सेल्‍शो बाक्‍तेक्‍म। रिम्‍शो थोव़कीम ब्रीशो खिंपुकी आंम के सेल्‍शो बाक्‍तेक्‍म। फुल्‍लु मुशा सेल्‍शो इनार, अङगुर रू, तेल रवा रू नु मार मार फल फुल रू शुश तशो बाक्‍तेक्‍म। मिनु मेकोपुकीमी जशा ब्‍वशा, रूशा, दोम्‍शा इन ठेयब शिशी तशा, ग्‍येरसीशो बाक्‍तेक्‍म। ब्‍यवस्‍था ६:१०-११; ब्‍यवस्‍था ३२:१५

प्रस्‍थान 13:5

मिनु परमप्रभु यावेमी इन किकी पिपी आन कली ‘कनानी, हित्ती, एमोरी, हिव्‍वी नु यबुसी आन रागी इन कली गेनुङ’ दे कसम जशो बाक्‍माक्‍त। मेको रागीमी जाक्‍दीश्‍शा, आबीब महिनामी पास्‍सा चाड मानेचा माल्‍नीनी। मेको रागीम दूध नु खुदो शुश बाक्‍ब, मारेइ मारेइ यो शुश ग्रेल्‍ब। उत्‍पत्ती १५:१८

प्रस्‍थान 3:17

गो इन कली इजीप्‍त रागी ङा मुर आन गेशो श्‍येत रे प्रोंइनुङ। गो इन कली कनानी, हित्ती, एमोरी, परि‍ज्‍जी, हिव्‍वी नु यबुसी आन बाक्‍शो रागी गेनुङ। मेको रागीम दूध नु खुदो शुश बाक्‍ब, अन्‍न यो शुश ग्रेल्‍ब। गो आं देंशो लोव़ खाप्‍नुङ’ देंत, देंचा माल्‍नेवे।

प्रस्‍थान 3:8

मिनु मेको आन कली इजीप्‍त रागी ङा मुरपुकीम गेशो श्‍येत रे प्रोंइनुङमी। गो आं मुर आन कली रिम्‍शो नु ठेयब रागी लाइक्‍नुङमी। मेको रागीम दूध नु खुदो शुश बाक्‍ब। मारेइ मारेइ यो शुश ग्रेल्‍ब। मेको रागी कनानी, हित्ती, एमोरी, परिज्‍‍जी, हिव्‍वी नु यबुसी आन बाक्‍तीक रागी बाक्‍ब।

प्रस्‍थान 33:3

मेको रागीम दूध नु खुदो शुश बाक्‍ब। मारेइ मारेइ यो शुश ग्रेल्‍ब। गेपुकी काइ मटीब मुर बाक्‍नीनी। मोपतीके गो गेपुकी नु मगाक्‍नुङ। गो गाक्‍ती हना, इन कली लांमीन साइक्‍नन्‍नी” दें‍त।। प्रस्‍थान ३२:९-१०

येरमीया 11:5

गो इन किकी पिपी आन कली दूध नु खुदो शुश बाक्‍शो रागी का गेनन्‍नी, दे कसम जशो खाप्‍नुङ। मिनु मेको रागी मुल इन अधिकारम बाक्‍ब’ देनो” देंत। मिनु गो “परमप्रभु यावे, मोदेंशो दुम्‍ल” दे लोव़ लेत्‍ताक्‍ङ। प्रस्‍थान ३:८

येरमीया 32:22

मिनु गे मेको आन किकी पिपी आन कली कसम जशो, मेको दूध नु खुदो शुश बाक्‍शो रागी गेतीनी।

इजीकीएल 20:15

मिनु गो मेको आन कली गोरशो रागीमी गो इन कली गेशो, दूध नु खुदो शुश बाक्‍शो नेल्‍ल क्‍येङा दारशो रागीमी मलाइक्‍नुङ, दे कसम जाता। गन्‍ती १४:३०

इजीकीएल 20:6

गो मेको नाक्‍ती मेको आन कली इजीप्‍त रे ग्रुंइशा, आन माल्‍शो रागीम चाक्‍नुङमी। मेको रागीम दूध नु खुदो शाइश्‍शो बाक्‍ब। मिनु मेको रागी, रागी नेल्‍ल आन क्‍येङा रिम्‍शो बाक्‍ब, दे कसम जशा देंशो नङ। प्रस्‍थान ३:८

लेवी 20:24

तन्‍न गो इन कली मेको आन रागी इन के दुम्‍ब। गो इन कली गेनुङ, देंती। मिनु मेको रागीम दूध नु खुदो शुश बाक्‍ब। गो परमप्रभु यावे, इन परमप्रभु नङ। मिनु गो इन कली रागी रागी ङा मुर रे तिल्‍शा योव़तन्‍नी। प्रस्‍थान १९:५-६

गन्‍ती 14:7

मिनु मेको निक्‍शीमी इस्राएली नेल्‍ल आन कली “गोपुकी आंइ क्‍यारी पथ लशो रागी थम रिम्‍शो बाक्‍ब।

गन्‍ती 14:8

परमप्रभु यावे गोपुकी इं कली तशा ग्‍येरसाक्‍व हना, मेकोमी इं कली मेको रागीम चाक्‍दीप्‍ब। मिनु मेको रागी दूध नु खुदो शुश बाक्‍शो रागी बाक्‍ब। मेको रागी इं कली गेब। गन्‍ती १३:२७

गन्‍ती 16:13

गे आंइ कली दूध नु खुदो शुश बाक्‍शो रागी रे एको गोरशो रागीम साइक्‍थ चाक्‍शा यो, मार, इन कली मजाक्‍दीम्‍मे? मिनु गे आंइ कली हुकुम यो पचा माल्‍नीसी?

गन्‍ती 16:14

गे आंइ कली दूध नु खुदो शुश बाक्‍शो रागीम चाक्‍दीन्‍नी? रू नु अङगुर रू गे‍नी? मार, गे एको मुर आन मिक्‍च फेत्‍चा दाक्‍नीनी? गोपुकी थमा पा मजाक्‍नीकी” देंताक्‍स। प्रस्‍थान ३:८

ब्‍यवस्‍था 11:9

मोपा गे परमप्रभु यावेमी इन किकी पिपी नु आन चच युइ, इन कली, गेशो रागीम शुश ब्रोंइशा बाक्‍चा ताइनीनी। मेको रागीम शुश दूध नु खुदो बाक्‍ब। प्रस्‍थान ३:१७

ब्‍यवस्‍था 26:9

मेकोमी एकेर चाक्‍शा, एको रागी आंइ कली गेप्‍तु। मिनु एको रागीम दूध नु खुदो शुश बाक्‍त।

ब्‍यवस्‍था 27:3

मिनु शोक्‍सीनी नोले गेपुकीमी मेको अरेशो लोव़ नेल्‍ले मेको फुल्‍लु तार ब्रेक्‍चा माल्‍नीनी। मो पाइतीनी हना, परमप्रभु यावे, इन परमप्रभुमी इन कली गेशो रागी ओव़चा ताइनीनी। परमप्रभु यावे, इन किकी पिपी आन परमप्रभुमी इन कली देंशो खोदेंशो पा इन कली दूध नु खुदो शुश बाक्‍शो रागी गेब।

ब्‍यवस्‍था 31:20

गो मेको आन किकी पिपी आन कली गेनुङ, दे कसम जशो दूध नु खुदो शुश बाक्‍शो रागी मेको आन कली गेनुङ। मिनु मेकोपुकी जशा ब्‍वशा, रूशा दोम्‍नीम। मिनु मेकोपुकीमी देवी देवता खोइश्‍शा, मेको आन गेय पाइनीम। आं कली चहिं आइक्‍च सेल्‍नीम गो नु आं कबल क्‍याम्‍नीम।

ब्‍यवस्‍था 6:3

मोपतीके इस्राएलीपुकी, इन नोफा दाइश्‍शा, एको पचा कली होस पा बाक्‍कीन। गे शुश सोशो बोशो दुम्‍शा इन कली रिम्‍शो दुम्‍ल। ङोंइती परमप्रभु यावे, इन किकी पिपी आन परमप्रभुमी मेको आन कली मोदेंशो पा लोव़ पाप्‍तु। मेको दूध नु खुदो शुश बाक्‍शो रागी इन के दुम्‍ब। लूका ११:२८

यहोसु 5:6

मिनु ङोंइती परमप्रभु यावेमी आंइ किकी पिपी आन कली “दूध नु खुदो शुश बाक्‍शो रागी इन चच युइ आन कली गेनुङ” दे कसम जाप्‍तु। तन्‍न आ लोव़ मटितीके इजीप्‍त रे पिशो लडाइ पाइब नेल्‍ल ४० बर्स गोरशो रागीमी मबेक्‍मा सम्‍म हिरचा माल्‍तेक्‍म। परमप्रभु यावेमी मेको आन मटितीके मेको आन कली “गे इन कली मेको दूध नु खुदो शुश बाक्‍शो रागी ओव़चा मगेनुङ” दे कसम जशो बाक्‍त। गन्‍ती १४:२२-२३