गन्‍ती 13:26 - Sunuwar Bible

²⁶ मिनु लेश्‍शा, मोसा, हारून नु इस्राएली नेल्‍ल आन बाक्‍तीके, पारान ङा गोरशो रागी कादेशमी जाक्‍तेक्‍म। मिनु मेको क्‍यारी पाइबपुकीमी मोसा, हारून नु मुर नेल्‍ल आन कली आन तशो शेंताक्‍मे। मिनु मेको रागी ङा फल फुल कोंइताक्‍मे। गन्‍ती २०:१; उत्‍पत्ती १६:१४; उत्‍पत्ती २०:१; ब्‍यवस्‍था १:१९,४६; यहोसु १४:६-७

गन्‍ती 13:26 ပူးပေါင်းရင်းမြစ်များ

उत्पत्ती 14:7

मेको ग्राब पिप आन लां लेश्‍शा, एन-मिश्‍पात जाक्‍शा, हासासोन-तामारम बाक्‍ब अमालेकी नु एमोरी आन कली फ्रूमे बाक्‍त। एन-मिश्‍पात कली कादेश यो देंनीम।

भजन संग्रह 29:8

परमप्रभु यावे आ सेंदामी गोरशो रागी हिम्‍पाइक्‍ब। परमप्रभु यावेमी कादेश माइश्‍शो गोरशो रागी हिम्‍पाइक्‍ब।

गन्‍ती 13:25

मिनु ४० नाक्‍ती नोले मेकोपुकीमी मेको रागी क्‍यारी पशा, लेत्‍तेक्‍म।

गन्‍ती 13:3

मिनु परमप्रभु यावे आ देंशो खोदेंशो पा, मोसामी मेको क्‍यारी पाइब आन कली पारान ङा गोरशो रागी रे सोइक्‍ताक्‍मी। मेको नेल्‍ले इस्राएली आन दाते ङा ठेयब मुर बाक्‍तेक्‍म।

गन्‍ती 20:1

मिनु ङोंइती ङा महिनाम इस्राएली नेल्‍ले जीन ङा गोरशो रागीम जाक्‍तेक्‍म। मिनु कादेशमी बाक्‍तीक सेल्‍शा बाक्‍तेक्‍म। मिनु मिरयाम मेक उइ बेक्‍त। मिनु मेक उइ थिम्‍तेक्‍म। गन्‍ती १३:२१; गन्‍ती १२:१५

गन्‍ती 20:14

मिनु मोसामी कादेश रे एदोम ङा पिप कली “इन लोक्‍ब इस्राएलमी इन कली ‘गो आंइ कली दुम्‍शो श्‍येत गे तुइक्‍नीनी। उत्‍पत्ती ३६:१,३१; ब्‍यवस्‍था २:१-८; ब्‍यवस्‍था २३:८

गन्‍ती 20:16

मिनु गोपुकीमी परमप्रभु यावे कली पुंइतक। मिनु मेकोमी आंइ पुंइशो नेंशा, आ स्‍वर्ग ङा गेय पाइब का सोइश्‍शा, गो आंइ कली इजीप्‍त रे ग्रुंइशा एक चाक्‍तु। मुल गो इन रागी ङा सांद कादेश देंशो सहरम बाक्‍शो बाक्‍नीकी। प्रस्‍थान २३:२०

गन्‍ती 32:8

गो इन आफ आन कली कादेश-बारनेआ रे एको रागी क्‍यारी पथ सोइक्‍तुनु, मेकोपुकीमी यो इन खोदेंशो पशो बाक्‍तेक्‍म। गन्‍ती १३:-

गन्‍ती 32:9

मिनु मेकोपुकी एश्‍कोल ङा खोला लशा, एको रागी ताम्‍तेक्‍म। मिनु परमप्रभु यावेमी गेशो रागीम मलचा, दे इस्राएली आन थुं क्‍याल्‍शो बाक्‍तेक्‍म।

गन्‍ती 33:36

मिनु एस्‍योन-गेबेर रे गाक्‍शा, जीन ङा गोरशो रागीम बाक्‍शा, कादेशमी बाक्‍तीक सेल्‍शा बाक्‍तेक्‍म। गन्‍ती २०:१

ब्‍यवस्‍था 1:19

मिनु नोले परमप्रभु यावे, इं परमप्रभुमी दें‍शो खोदेंशो पा गोपुकी होरेब डांडा रे पा एमोरी आन बाक्‍तीक पहाड लाइतक। गोपुकी एको हिंचा ङा ठेयब गोरशो रागी लकानु, गे मेको नेल्‍ल तुइक्‍नीनी। मोपा गो कादेश-बारनेआम जाक्‍तक। गन्‍ती २०:१

ब्‍यवस्‍था 1:2

होरेब रे पा कादेश-बारनेआ सम्‍म, सेइर ङा लां रे लचा कली ११ नाक्‍त माल्‍ब।

यहोसु 14:6

मिनु यहूदा आ थर ङा वोंइश मुरपुकी यहोसु बाक्‍तीक गिल्‍गालमी जाक्‍तेक्‍म। मिनु केनीज्‍जी यपुन्‍ने आ तौ कालेबमी मेको कली “परमप्रभु यावेमी कादेश-बारनेआमी आं नु इन पर्बमी परमप्रभु आ मुर मोसा कली देंशो लोव़ तुइक्‍नीनी। गन्‍ती १४:२४; ब्‍यवस्‍था १:३६

यहोसु 14:7

गो ४० बर्स ङा बाक्‍ङानु, परमप्रभु यावे आ गेय पाइब मोसामी कादेश-बारनेआ रे एको रागी कली क्‍यारी पथ सोइक्‍ताक्‍व। मिनु गो क्‍यारी पा आं तुइश्‍शो लोव़ शोव़शो नङ। गन्‍ती १३:६,३०