गन्‍ती 13:22 - Sunuwar Bible

²² मिनु मेकोपुकी नेगेब गे ग्‍येत्‍थ लशा, हेब्रोन सहर जाक्‍दीम्‍मा बाक्‍त। मेकेर अनाक आ मुर अहीमान, शेशै नु तल्‍मै बाक्‍बाक्‍तेक्‍म। हेब्रोन चहिं इजीप्‍त ङा सोआन सहर क्‍येङा ७ बर्स ङोंइती सेल्‍शो बाक्‍त।

गन्‍ती 13:22 ပူးပေါင်းရင်းမြစ်များ

उत्पत्ती 13:18

मिनु अब्राममी आ ताम्‍बु याक्‍शा, हेब्रोन रागी ङा माम्रे माइश्‍शो ब्‍वाकीम कीङा बाक्‍त। मिनु मेकेर परमप्रभु यावे कली चढ़ेतीक का सेला बाक्‍त। उत्‍पत्ती १४:१३-२४

उत्पत्ती 23:2

सारा कनान रागी ङा किरयथ-अरबाम बेक्‍माक्‍त। मेको कली हेब्रोन यो देंनीम। मिनु अब्राहाम सारा आ पर्बम हिंशेक पा ङाक्‍थ लमाक्‍त।

२ सामुएल 2:1

मेको नोले दाऊदमी परमप्रभु यावे कली “मार गो यहूदा ङा सहर काम लङा?” दे हिल्‍लो पवा बाक्‍त। मिनु परमप्रभु यावेमी “लावो” देंमाक्‍त। मिनु दाऊदमी “तेको सहरम लङ” दे हिल्‍लो पवा बाक्‍त। मिनु “हेब्रोन सहरम लावो” देंमाक्‍त। १सामुएल २३:६,९; १सामुएल ३०:७-८

२ सामुएल 2:11

दाऊदमी हेब्रोन सहरम यहूदा ङा मुर आन कली ७ बर्स ६ महिना सम्‍म सासन पवा बाक्‍त।

२ सामुएल 21:16

इश्‍बी-बेनोब रेफाइम आ बोल्‍यो लाइश्‍शो मुर का बाक्‍माक्‍त। मेको आ तूतीके सहे सां शेकेल कांसा के बाक्‍माक्‍त। मिनु नक या का यो पिम्‍सीशो बाक्‍माक्‍त। मेकोमी “दाऊद कली साइक्‍नुङ” देंमाक्‍त। शेकेल का ११.५ ग्राम बाक्‍ब। ३०० शेकेल ३ किलो आधा बाक्‍ब।

भजन संग्रह 78:12

मेकोमी मेको आन किकी पिपी आन ङोंइती इजीप्‍त नु सोआन रागीमी छक लाक्‍चा ङा गेय पशो बाक्‍त।

भजन संग्रह 78:43

परमप्रभुमी इजीप्‍तमी आ चिन्‍ड कोंइशा, सोआन रागीमी छक लाक्‍चा ङा गेय पची ना

यसैया 19:11

सोआन ङा ठेयब मुरपुकी मूर्ख बाक्‍नीम। फाराओ कली अर्ती गेबपुकीम दूली अर्ती गेनीम। गे दोपा फाराओ कली “गो जोक्‍ब तुइक्‍ब नङ। गो साइ ङोंइती ङा पिप आ खिं रे पिशो बाक्‍नुङ” देंने चाप्‍नीनी?

यसैया 19:13

सोआन ङा ठेयब मुरपुकी मूर्ख दुम्‍तेक्‍म। मेम्‍फीस ङा ठेयब मुरपुकीम जोल लोव़ कली थमा सुइक्‍नीम। मिनु मेको आन नेल्‍ल क्‍येङा ठेयब मुरपुकीमी इजीप्‍त ङा मुर आन कली हेंथे लां खोइक्‍पाइक्‍नीम।

यसैया 30:4

मिनु इजीप्‍त ङा ठेयब मुरपुकी सोआन नु मेको आन सोइश्‍शोपुकी हानेस जाक्‍दीश्‍शो बाक्‍नीम।

गन्‍ती 13:17

मोसामी मेको आन कली कनान रागी कली क्‍यारी पथ सोइक्‍ताक्‍मी। मिनु मोसामी मेको आन कली “गे एक रे लशा, नेगेब माइश्‍शो दक्‍खिन ङा रागी रे पहाड गे लने।

गन्‍ती 13:28

तन्‍न मेकेर बाक्‍ब मुरपुकी बोल्‍यो बाक्‍नीम। मिनु मेको आन सहरपुकी गारोम हिरशो नु थम ठेयब बाक्नीम। मिनु गोपुकीमी मेकेर अनाक आ मुर आन कली यो ताइतक।

गन्‍ती 13:33

गोपुकीमी मेकेर नेफीलीमपुकी यो ताइतक। अनाक आ मुर नेफीलीम रे दुम्‍शो बाक्‍नीम। मिनु गो मेको आन कली तशा, गो आंमा माले खोदेंशो तांइसाक्‍क। मिनु गो मेको आन ङोंइती यो मोदेंशोन तांइसीनय” देंतेक्‍म। ब्‍यवस्‍था १:२८; ब्‍यवस्‍था ९:२

ब्‍यवस्‍था 9:2

मेकेर अनाक आ चच युइ बाक्‍नीमी। मेकोपुकी ठेयब नु लाइश्‍शो मुर बाक्‍नीम, दे तुइक्‍नीनी। गे ङोंइती ‘अनाकीम ङा मुर आन ङोंइती सु राप्‍ने चाप्‍बा ङा’ दे लोव़ पशो नेंतीनी।

यहोसु 10:36

मिनु यहोसु नु इस्राएली नेल्‍ल एग्‍लोन रे ग्‍येत्‍थ ङोइश्‍शा हेब्रोन लाम्‍तेक्‍म। मेकेर यो लडाइ पाम्‍तेक्‍म।

यहोसु 21:13

मिनु चढ़ेब हारून आ चच युइ आन खिं खिं ङा मुरपुकीमी मुर साइक्‍ब मुर प्रोक्‍शा लशा बाक्‍तीक सहर हेब्रोन, लिब्‍ना,

न्‍यायाधीस 1:10

मिनु मेकोपुकीमी हेब्रोन ङा कनानी नु लडाइ पामे बाक्‍त। मिनु शेशै, अहीमान नु तल्‍मै कली ग्रामा बाक्‍त। हेब्रोन आ ङोंइती ङा नें किरयथ-अरबा बाक्‍त। यहोसु १५:१३-१९

१ सामुएल 30:31

हेब्रोन सहरम बाक्‍ब नेल्‍ल आन कली नु दाऊद नु आ मुर गाक्‍शो सहर गाउं नेल्‍ल आन कली कोसेली सोइक्‍तीमी बाक्‍त। ङोंइती मेकेर दाऊद नु आ मुरपुकीम मार मार पामे बाक्‍त।