गन्‍ती 13:2 - Sunuwar Bible

² “गे कनान रागी क्‍यारी पाइब मुरपुकी सोइक्‍तो। गो मेको रागी इस्राएली आन कली गेनुङ। मेको आन थर थर रे पा मुर का का सोइक्‍तो। मेको आन मुर आन दाते ङा ठेयब मुर दुम्‍चा माल्‍नीम” देंत।

गन्‍ती 13:2 ပူးပေါင်းရင်းမြစ်များ

प्रस्‍थान 18:25

मिनु इस्राएली आन दाते रे रिम्‍शो गेय पाइब आन कली योव़शा, मुर आन कली कोव़ब वोइक्‍तु। १०, १०, ३०, ३०, सहे सहे नु हजार हजार जना मुर आन कली कोव़ब वोतो।

गन्‍ती 1:4

मेको नेल्‍ल आन थर रे मुर का कामी इस कली वारच पचा माल्‍नीम। मेको मुर आन खिं ङा ठेयब मुर बाक्‍चा माल्‍नीम।

गन्‍ती 11:16

मिनु परमप्रभु यावेमी मोसा कली “गे इस्राएली आन दाते रे ७० जना खाल्‍पा आन कली खुप्‍तीमी। मेको आन मुर आन दाते ङा ठेयब मुर नु मेको आन कली सासन पाइब मुर दुम्‍चा माल्‍नीम। मिनु गे मेको आन कली तुइक्‍चा माल्‍नेवे। मिनु मेको आन कली ग्रुम्‍तीक ताम्‍बुमी चाक्‍मी। मिनु मेकोपुकी गे नु बाक्‍चा माल्‍नीम। प्रस्‍थान १८:२१-२६; प्रस्‍थान २४:९-११

गन्‍ती 13:16

मिनु मोसामी मेको रागी कली क्‍यारी पथ सोइश्‍शो मुर आन नें एकोन बाक्‍नीम। मोसामी नून आ तौ होशेआ आ नें यहोसु वोइक्‍तु। गन्‍ती ११:२८; १इतिहास ७:२७

गन्‍ती 13:3

मिनु परमप्रभु यावे आ देंशो खोदेंशो पा, मोसामी मेको क्‍यारी पाइब आन कली पारान ङा गोरशो रागी रे सोइक्‍ताक्‍मी। मेको नेल्‍ले इस्राएली आन दाते ङा ठेयब मुर बाक्‍तेक्‍म।

गन्‍ती 32:8

गो इन आफ आन कली कादेश-बारनेआ रे एको रागी क्‍यारी पथ सोइक्‍तुनु, मेकोपुकीमी यो इन खोदेंशो पशो बाक्‍तेक्‍म। गन्‍ती १३:-

गन्‍ती 34:18

मिनु गे थर थर ङा मुर आन ठेयब मुर का का योव़चा माल्‍नेवे।

ब्‍यवस्‍था 1:15

मोपतीके गो इन थर ङा निप्‍स पाइश्‍शो, तुइक्‍ब नु ठेयब मुरपुकी योव़शा, इन कली कोव़ब सेल्‍ता। मिनु इन थर थर ङा हजार का, सहे का, ५० नु १० जना मुर आन कली का का पा कोव़ब ठेयब मुरपुकी सेल्‍ताक्‍मी। आंम इन थर थर ङा मुरपुकी यो योव़ताक्‍मी। प्रस्‍थान १८:२५

ब्‍यवस्‍था 9:23

मिनु परमप्रभु यावेमी गे कादेश-बारनेआ रे लशा, इन कली ‘मेकेर लने। मिनु इन कली गेशो रागी इन के सेलीन’ दे सोइक्‍ताक्‍व। मिनु गेपुकीमी परमप्रभु यावे, इन परमप्रभु आ अरेशो मबित्‍थु, गन गन पा मेको कली थमा मसुइक्‍नी। मेको आ लोव़ यो मटिनी। गन्‍ती १३:२,३१; गन्‍ती १४:१-४

यहोसु 3:12

मिनु मुल इस्राएल ङा थरपुकी रे १२ जना वोंइश मुर थर का रे का का पा योव़ङीन।