गन्‍ती 12:2 - Sunuwar Bible

² मिनु मेको निक्‍शीमी “मार, परमप्रभु यावेमी मोसा नु ला लोव़ पशो बाक्‍बा ङा? मार, मेकोमी गोपुकी नु यो लोव़ मपशो बाक्‍बा ङा?” देंताक्‍स। मिनु परमप्रभु यावेमी मेको लोव़ नेंतु।

गन्‍ती 12:2 ပူးပေါင်းရင်းမြစ်များ

उत्पत्ती 29:33

मिनु लेंशा कोव़ज कुरशा, तौ का नु थि‍माक्‍त। मिनु “परमप्रभु यावेमी आं कली मदाक्‍शो तशा, अर्को तौ का यो गेती” देंशा, मेको आ नें सिमियोन वोदा बाक्‍त।

२ सामुएल 11:27

मिनु रोंका पतीक नाक्‍त नुम नोले दाऊदम मुर सोइश्‍शा आ खिं चाक्‍गा बाक्‍त। मिनु मेको दाऊद आ मीश दुम्‍शा, तौ का थि‍माक्‍त। तन्‍न दाऊद आ पशो परमप्रभु यावे आ ङोंइती थम मरिम्‍शो बाक्‍माक्‍त।

२ राजा 19:4

परमप्रभु यावे, इन परमप्रभुमी अस्‍सुर ङा पिपमी सोइश्‍शो मेको राब्‍शाके आ लोव़ नेल्‍ल नेंना माइ। आ होव़प, अस्‍सुर ङा पिपमी ब्रोंइशा बाक्‍शो परमप्रभु कली शुक्‍शी पथ सोइश्‍शो बाक्‍ब। मिनु परमप्रभु यावे, इन परमप्रभुमी आ नेंशो लोव़ आ पर्बम मेको कली हुइक्‍बा कों। मोपतीके मुल लीशो मुर आन पर्बम प्रार्थना पने’ देंत” देंमा बाक्‍त। १सामुएल १७:१०; २राजा १८:३५

प्रस्‍थान 4:14

मिनु परमप्रभु यावे मोसा आ पर्बम गाइश्‍शा “लेवी थर ङा इ लोक्‍ब हारून रिम्‍शो लोव़ पस जोक्‍ब बाक्‍ब, गो मतुइक्‍नुङा ङा? मिनु मुल इ कली ग्रुम्‍थ जाक्‍ब। इ कली तशा शुश ग्‍येरब।

प्रस्‍थान 4:30

हारूनमी परमप्रभु यावेमी मोसा नु पशो लोव़ नेल्‍ल मेको आन कली शेंताक्‍व। मोसा कली कोंइशो चिन्‍ड, हारूनमी मुर आन ङोंइती कोंइताक्‍व।

प्रस्‍थान 5:1

मिनु नोले मोसा नु आ लोक्‍ब हारून फाराओ ग्रुम्‍थ लाम्‍ताक्‍स। मिनु मेको कली “परमप्रभु यावे, इस्राएली आन परमप्रभुमी आंस कली लोव़ पाप्‍तु। मेकोमी ‘आं मुर आन कली गोरशो रागीमी आं पर्बम चाड मानेचा कली लचा गेवो’ दे परमप्रभु यावेमी इन कली देंशो बाक्‍ब” देंताक्‍स। प्रस्‍थान ३:१८; प्रस्‍थान ७:१६,२६; प्रस्‍थान ९:१,१३

प्रस्‍थान 7:10

मोपा मोसा नु हारूनमी परमप्रभु यावे आ देंशो पशा, फाराओ आ बाक्‍तीकेमी लाम्‍ताक्‍स। मिनु हारूनमी आ कोक्‍के फाराओ नु आ गेय पाइब मुर आन ङोंइती ब्‍वारताक्‍व। मिनु मेको कोक्‍के बुस्‍स दुम्‍‍त।

हितोपदेस 13:10

ठेयब लेश्‍शो नु सुइ कली ममिम्‍ब मुर जिचा पोक्‍‍ब बाक्‍ब। तन्‍न अर्ती नेंब मुर तुइक्‍तीके नु बाक्‍ब। हितोपदेस १:५

यसैया 37:4

इन परमप्रभु यावे, इन परमप्रभुमी राब्‍शाके आ लोव़ नेंना माइ। अस्‍सुर ङा पिपमी मेको कली गेना हना यो ब्रोंइशा बाक्‍ब परमप्रभु कली शुक्‍शी पथ सोइक्‍ताक्‍व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्‍म।

मीका 6:4

गो इन कली इजीप्‍त रे एक चाक्‍तन्‍नी। मिनु इन वाइलीम वाइल दुम्‍शो रागी रे प्रोंइतन्‍नी। इन कली लां कोंइचा कली मोसा, हारून नु मिरयाम आन कली सोइक्‍ताक्‍ङमी। प्रस्‍थान १५:२०

गन्‍ती 11:1

मिनु परमप्रभु यावेमी मुर आन श्‍येत जशो आ पर्बम गन गन पशो नेंतु। परमप्रभु यावेमी मेको नेंशा, शुश गाइक्‍ताक्‍व। मिनु परमप्रभु यावे गाइश्‍शा, मुर आन बाक्‍तीके गे मी सोइश्‍शा, एर सुर मीम नेक्‍पाइक्‍तु। लेवी १०:२

गन्‍ती 11:29

तन्‍न मोसामी मेको कली “मार, आं पर्बम गे ईख पाइब दुमे? परमप्रभु यावेमी आ सोक्‍त आ मुर नेल्‍ल आन तार वोइश्‍शा, मेको नेल्‍ल परमप्रभु यावे आ लोव़ पाइब दुम हना, गिश रिम्‍शो दुम वा” देंत। योएल ३:१; मर्कूस ९:३८-३९

गन्‍ती 12:3

मोसा चहिं रागी ङा मुर नेल्‍ले आन क्‍येङा ब्रेम्‍शो मुर बाक्‍त।

गन्‍ती 16:3

मिनु मेकोपुकी बुक्‍शा, मोसा नु हारून आस कली “गे निक्‍शीमी थम मरिम्‍शो पाइतीसी। ग्रुम्‍तीक ङा मुर नेल्‍ले का का पा, ग्रांग्रा मदिशो बाक्‍नीम। मिनु परमप्रभु यावे मेको आन दातेमी बाक्‍ब। गे मारदे इस कली परमप्रभु यावे आ मुर आन क्‍येङा ठेयब सेल्‍सीनीसी?” देंतेक्‍म।

रोमी 12:10

लोक्‍बपुकीमी दाक्‍मुशो खोदेंशो पा दाक्‍मुशा बाक्‍कीन। आंम कली मान पचा मपुंइसीथु, अरु आन कली मान पने। यूहन्‍ना १३:४-१५; फिलिप्‍पी २:३

रोमी 12:3

परमप्रभु यावेमी आं कली शिशी गेशा, शेंब सेल्‍ती। इन दातेमी सुइ आंम कली ठेयब मसेल्‍सीन। परमप्रभु यावेमी इन कली दोदेंशो थमा सुइक्‍तीक गेवा, मेको मिम्‍शा ब्रेम्‍शो दुम्‍शा बाक्‍कीन। मत्ती २०:२६; १कोरिन्‍थी ४:६; १कोरिन्‍थी

फिलिप्‍पी 2:14

गेपुकीमी सुंइच मपथु, दाल्‍‍गीर मपथु, गेय पने।

फिलिप्‍पी 2:3

गेपुकी ठेयब लेश्‍शा “गो ठेयब नङ” दे मिम्‍शा, काइ गेय मपने। ब्रेम्‍शो थुंमी “मेको मुर आं क्‍येङा ठेयब बाक्‍ब” दे मिम्‍तीन। गलाती ५:२६; रोमी १२:१०

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६