गन्‍ती 12:14 - Sunuwar Bible

¹⁴ मिनु परमप्रभु यावेमी मोसा कली “मार, मेको आ आफोमी आ कुलुम तोक्‍शो हना, मेको ७ नाक्‍त सम्‍म मुने मदोक्‍बा ङा? मेको कली ७ नाक्‍त सम्‍म मुर आन बाक्‍तीक क्‍येङा लाङगाम तिल्‍शा वोतो। मेको नोले ला लेश्‍शा जाक्‍चा गेवो” देंत। गन्‍ती १३:४६

गन्‍ती 12:14 ပူးပေါင်းရင်းမြစ်များ

२ राजा 15:5

मिनु परमप्रभु यावेमी पिप कली कोव़र मुपदा बाक्‍त। मिनु मेको मबेक्म सम्‍म आ कान खिं काम बाक्‍चा माल्‍दा बाक्‍त। मिनु पिप आ तौ योथाममी पिप आ दरवार ङा मारेइ मारेइ गेय पशा, राज्‍य ङा मुर आन कली सासन पवा बाक्‍त। लेवी १३:४६

अय्‍युब 17:6

मेकोमी आं कली मुर नेल्‍ल आन दातेम कथा पतीक का सेल्‍शो बाक्‍ब। मुरपुकीमी आं ङोंइती तोक्सी‍नीम। अय्‍युब ३०:९

अय्‍युब 30:10

मेकोपुकीम आं कली ग्रांग्रा दि‍शो मिम्‍‍नीम। आं क्‍येङा ङोन बाक्‍‍नीम। आं कुलुम तोक्‍चा मुने मपाइनीम। अय्‍युब १७:६; मत्ती २६:६७

यसैया 50:6

गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८

लेवी 13:4

तन्‍न मेको कुशुल ङा बुश गार कुशुल लुक्‍च मलशो बाक्‍त हना, मिनु मेकेर वाशो चां यो बुश मदुम्‍शो बाक्‍त हना, चढ़ेबमी मेको रोइ पाइब मुर कली ७ नाक्‍त सम्‍म तिल्‍शा वोइक्‍चा माल्‍ब।

लेवी 14:8

मिनु मेको चोव़खो सेल्‍चा पुंइसीशो मुरुम आ वा मुरचा माल्‍ब। आ चां नेल्‍ल प्रेक्‍शा, चिक्‍चा माल्‍ब। मिनु मेको ग्रांग्रा मदिशो चोव़खो दुम्‍ब। मिनु नोले मुर आन बाक्‍तीके लचा दुम्‍ब। तन्‍न ७ नाक्‍त सम्‍म आ ताम्‍बु आ लाङगाम बाक्‍चा माल्‍ब। गन्‍ती ८:७

गन्‍ती 5:1

परमप्रभु यावेमी मोसा कली

मत्ती 26:67

मिनु साइक्‍चा पुंइसीब देंमानु, का निक्‍शीमी आ कुल तोक्‍तमे बाक्‍त, का निक्‍शीमी तुप्‍मे बाक्‍त, का निक्‍शीमी चोव़चो राप्‍शा यसैया ५०:६

ब्‍यवस्‍था 25:9

आ भोग्‍युम सहर ङा खाल्‍पा आन ङोंइती मेको आ जुत्ता प्रुइश्‍शा आ कुलम तोक्‍चा माल्‍ब। मिनु मेको मीश मुरुम ‘सुम आ लोक्‍ब आ खिं ङा मुर सेल्‍चा मदाक्‍बा, मेको कली ओं पाइक्‍चा माल्‍ब’ दे लोव़ पचा माल्‍ब।

हिब्रू 12:9

एको रागी ङा इं आफोमी इं कली तुप्‍तेक्‍म हना यो, मेको आन कली मान पा आन लोव़ टीतय। मिनु गेना हना यो आ नु काथा बाक्‍चा कली स्‍वर्ग ङा आफ आ देंशो टिचा ममाल्‍नया ङा?