गन्‍ती 11:17 - Sunuwar Bible

¹⁷ मिनु गो यिशा, गे नु लोव़ पाइनुङ। मिनु गो इ आगामी बाक्‍शो सोक्‍त रे लाइश्‍शा, मेको आन तारी वोइक्‍नुङ। मिनु मेकोपुकीमी गे नु गारशा, मेको मुर आन श्‍येत कुरनीम। मिनु गे का ला कुरचा ममाल्‍नेवे।

गन्‍ती 11:17 ပူးပေါင်းရင်းမြစ်များ

उत्पत्ती 11:5

मिनु परमप्रभु यावे मेको मुरपुकीमी सेल्‍शो सहर नु सरीङ थिचशो ठेयब लाइश्‍शो खिं कोव़थ यिमाक्‍त। उत्‍पत्ती १८:२१; भजन संग्रह १४:२

उत्पत्ती 17:22

मिनु परमप्रभु अब्राहाम नु लोव़ पने थुम्‍शा लमाक्‍त।

उत्पत्ती 17:3

मिनु अब्राम खुम्‍की पा बाम्‍माक्‍त। परमप्रभुमी मेको कली

उत्पत्ती 18:33

मिनु अब्राहाम नु लोव़ पने थुम्‍शा, परमप्रभु यावे आ लां लमाक्‍त। अब्राहाम आ बाक्‍तीके लेम्‍माक्‍त।

२ राजा 2:15

मिनु मेको कोव़शा बाक्‍ब यरीको ङा परमप्रभु यावे आ लोव़ पाइब हुलमी “एलीया आ सोक्‍त एलीशा तार जाक्‍माक्‍त” देंमा बाक्‍त। मिनु मेकोपुकी एलीशा कली ग्रुम्‍थ जाक्‍मा बाक्‍त। मिनु मेको आ ङोंइती खप सम्‍मन बाम्‍मा बाक्‍त।

२ राजा 2:9

मिनु खोला शोक्‍ससा नोले एलीयाम एलीशा कली “आं कली इ रे पा लाइक्‍चा पुंइसीचा क्‍येङा ङोंइती गो इ पर्बम मार पङ?” देंमाक्‍त। मिनु एलीशामी “इन सोक्‍त क्‍येङा भाग निक्‍शी आं कली गेयीनी” देंमाक्‍त। ब्‍यवस्‍था २१:१७

नेहेम्‍याह 9:20

मिनु मेको आन कली शेंचा, दे इन रिम्‍शो पाइब सोक्‍त गेतीनी। मेको आन कली मन्‍ना शोब्‍ले गेचा मप्रोंइनी। मिनु मेको आन कली रूथ्री पा ब्‍वाक्‍कु तूचा गेतीनी। प्रस्‍थान १६:३५; प्रस्‍थान १७:६; गन्‍ती ११:१७-२५; भजन संग्रह ७८:१५-१६; भजन संग्रह ७८:२३-२४

प्रस्‍थान 18:18

गे शेम्‍सीनेवे। गे नु बाक्‍ब मुरपुकी यो शेम्‍सीनीम। एको गेय इ मचाप्‍चा ङा बाक्‍ब। गे ला पने मचाप्‍नेवे। गन्‍ती ११:१४; ब्‍यवस्‍था १:९

प्रस्‍थान 18:22

मेको कोव़ब मुरपुकीमी नाक्‍त किंत किंत ङा निसाफ पामेक्‍ल। ठेयब मुददा चहिं इ ङोंइती चाक्‍गमेक्‍ल। आइक्‍च मुददा आंमा गारपदमेक्‍ल। मो पाप्‍तीवी हना, इ कली रिम्‍शो दुम्‍ब। मिनु मेको कोव़बपुकीमी इ गेय नु श्‍येत योक्‍शा पाइनीम।

प्रस्‍थान 19:11

नित्‍थ नाक्‍त आं कली ग्रुम्‍चा कली ठीक दुम्‍चा माल्‍नीमी। मारदे हना नित्‍थ नाक्‍ती गो सीनै डांडाम मुर नेल्‍ल आन ङोंइती जाक्‍नुङ।

प्रस्‍थान 19:20

मिनु परमप्रभु यावे सीनै डांडा तारी जाक्‍‍त। मिनु परमप्रभु यावेमी मोसा कली “डांडा तार ङोंइसो” दे ब्रेत्‍त। मिनु मोसा ङोंइसाक्‍व।

प्रस्‍थान 34:5

मिनु परमप्रभु यावे गोस्‍स आगाम बाक्‍शा, तोंइसाक्‍व। मिनु मोसा नु राप्‍शा आ नें देंना देंन गाक्‍त।

यसैया 44:3

मारदे हना गो सोव़शो रागी तारी ब्‍वाक्‍कु लुक्‍नुङ। सोव़शो खपीम खोला शाइक्‍पाइक्‍नुङ। गो इ चच युइ आन तारी आं सोक्‍त मोइक्‍नुङ। इ आल आन कली आसीक गेनुङ’। यसैया ३२:१५; योएल ३:१

यसैया 63:11

मिनु नोले मेकोपुकीमी साइ ङोंइती ङा नाक्‍ती मिम्‍ताक्‍म। मेको आ गेय पाइब मोसा आ पाला ना ङा नाक्‍ती मिम्‍ताक्‍म। मिनु मेकोपुकीमी “समुन्‍द्र रे पा गोठला नु आ बगाल ग्रुंइब ते बाक्‍म? मेको आन कली परमप्रभु यावे आ सोक्‍त वोइक्‍ब, ते बाक्‍मे? प्रस्‍थान २:५; गन्‍ती ११:१७

योएल 2:28

मिनु नोले गो आं सोक्‍त मुर नेल्‍ल आन तार मोइक्‍नुङ। मिनु इन तमी तौपुकीमी आं लोव़ पाइनीम। इन खाल्‍पापुकीमी ङोमु ताइनीम। मिनु इन वोंइश आलपुकीमी आं कोंइशो ताइनीम। गन्‍ती ११:२९; यसैया ४४:३; इजीकीएल ३९:२९; तीतस ३:५-६

गन्‍ती 11:25

मिनु नोले परमप्रभु यावे गोस्‍सुमी उइ आगा तोइश्‍शा, मोसा नु लोव़ पाप्‍तु। मिनु मेकोमी मोसा आ आगा बाक्‍शो सोक्‍त इच्‍का लाइश्‍शा, मेको ७० जना खाल्‍पा आन तार वोइक्‍तु। मिनु मेको सोक्‍त मेको आन तार नांइसेनु, मेकोपुकीमी परमप्रभु यावे आ लोव़ पाम्‍तेक्‍म। तन्‍न नोनोले मो मपाम।

गन्‍ती 12:5

मिनु नोले परमप्रभु यावे गोस्‍स के थामम यिशा ग्रुम्‍तीक ताम्‍बु आ ओव़तीक राप्‍शा, हारून नु मिरयाम आस कली ब्रेत्‍ताक्‍मसी। मिनु मेको निम्‍फा जाक्‍ताक्‍स। प्रस्‍थान १६:१०

गन्‍ती 12:8

गो मेको नु कोव़मुशा लोव़ पाइनुङ। मिनु मेको नु रुप्‍चा ङा लोव़ पा ख्रुइश्‍शो लोव़ मपाइनुङ। मिनु मेको आं नेक्‍था जाक्‍ने चाप्‍ब। मारदे गे आं गेय पाइब मोसा आ पर्बम मरिम्‍शो लोव़ पचा काइ महिंसी?” देंत। प्रस्‍थान ३३:११; ब्‍यवस्‍था ३४:१०

गन्‍ती 27:18

मिनु परमप्रभु यावेमी मोसा कली “गे आं सोक्‍त पाइश्‍शो नून आ तौ यहोसु कली चाक्‍शा, इ गुइ मेको आ तार वोतो। प्रस्‍थान ३३:११; ब्‍यवस्‍था ३४:९

गन्‍ती 7:89

मिनु मोसा परमप्रभु यावे नु लोव़ पचा कली ग्रुम्‍तीक ताम्‍बुम ओव़मेनु, मेकोमी कबल पशो सन्‍दोस सुम्‍शो शिशी बाक्‍तीके, करूब निक्‍शी आस दाते इर रे लोव़ पशो नेंतु। मोपा मेकोमी मोसा नु लोव़ पाप्‍तु। प्रस्‍थान २५:१७-२२; प्रस्‍थान २९:४२; प्रस्‍थान ३३:७; १सामुएल ३:३-१४

यूहन्‍ना 3:13

मुर परमप्रभु यावे आ बाक्‍तीकेम मलम। स्‍वर्ग रे जाक्‍शो रागीमी जरमेशो ला परमप्रभु यावे आ बाक्‍तीकेमी बाक्‍शो बाक्‍त।

यूहन्‍ना 7:39

मेको आ शेंशो दोदेंशो रुम्‍सीब देंशा हना, येसुमी परमप्रभु यावे आ सोक्‍त आ पर्बम शेंशो बाक्‍त। येसु कली थमा सुइक्‍बपुकीमी मेको सोक्‍त कली तचशो बाक्‍तेक्‍म। तन्‍न मेना सम्‍म परमप्रभु यावे आ सोक्‍त थमा सुइक्‍ब आन कली मगेशो बाक्‍त। मारदे हना येसु आ आफ आ छेङछेङम लाइक्‍चा मपुंइसीशो बाक्‍त। यूहन्‍ना १६:१७

रोमी 8:9

इन थुंमी परमप्रभु यावे आ सोक्‍त थमा पा बाक्‍त हना, मुर आ थुंमी मिम्‍शो प्रोंइशा, परमप्रभु यावे आ सोक्‍त रे पा मिम्‍ब दुम्‍नीनी। ख्रीस्‍त आ सोक्‍त मुर आन थुंमी मबाक्‍त हना, मेको मुर येसु ख्रीस्‍त आ मुर मनम।

१ कोरिन्‍थी 2:12

गोपुकीम रागी ङा सोक्‍त मतशो बाक्‍नय, परमप्रभु यावे आ सोक्‍त कली ताइतय। मोपतीके गो परमप्रभु यावे आ गेशो नेल्‍ल रुप्‍नय। यूहन्‍ना १४:१६-१७

१ थिस्‍सलोनिकी 4:8

मोपतीके सुमी मेको लोव़ मटीबा, मेकोमी मुर आ लोव़ मटीब ममाइ, परमप्रभु यावे कली मटीब बाक्‍ब। परमप्रभु यावेमी इन कली आ सोक्‍त गेब। लूका १०:१६

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

यहूदा 1:19

मेकोपुकीम मुर आन कली ब्रापाइक्‍नीम। परमप्रभु यावे कली ममिम्‍थु, परमप्रभु यावे आ सोक्‍त मपाइश्‍शो बाक्‍नीम। १कोरिन्‍थी २:१४

१ सामुएल 10:6

मिनु परमप्रभु यावे आ सोक्‍त इन तार जुक्‍ब। मिनु गे यो परमप्रभु यावे आ लोव़ पाइनीनी। मिनु गे अर्को मुर दुम्‍नीनी। न्‍यायाधीस १३:२५