गन्‍ती 11:12 - Sunuwar Bible

¹² मार, एको इश ङा मुर आं आल नमी ङा? मार, गो मेको आन कली थिङमी ङा? गे आं कली ‘दूध तूब आल कली आ आममी कुरशा लाइश्‍शो खोदेंशो पा, आंइ किकी पिपी आन कली इन गेशो रागीमी कुरशा लावो’ देंनीनी।

गन्‍ती 11:12 ပူးပေါင်းရင်းမြစ်များ

उत्पत्ती 13:15

गे तेको तेको रागी ताइनेवे, मेकोन इ कली नु इ चच युइ आन कली गेना हना यो कली गेनुङ। उत्‍पत्ती १२:७

उत्पत्ती 24:7

ङोंइती परमप्रभु यावे, सरीङ नु रागी ङा परमप्रभुम आं कली आं आफ आ खिं नु आं जात ङा रागी रे ग्रुंइशा, एक सोइक्‍ताक्‍यी। मेकोमी कसम जशा, आं कली लोव़ पाप्‍तु ‘कनान रागी इ चच युइ आन कली गेनुङमी’ दे माइक्‍ती। मेकोमी आ स्‍वर्ग ङा गेय पाइब इ ङोंइती सोइक्‍ब। आं तौ कली आं जात रे मीश आल का चाक्‍को। २इतिहास ३६:२३; नेहेम्‍याह २:२०

उत्पत्ती 26:3

मेको रागीमी अर्को रागी ङा मुर दुम्‍शा बाक्‍को। गो गे नु बाक्‍शा, इ कली आसीक गेनुङ। गो इ कली नु इ चच युइ आन कली एको रागी नेल्‍ल गेनुङ। गो इ आफ अब्राहाम नु कबल पा, कसम जाता। मुल आं कबल खाप्‍नुङ। उत्‍पत्ती १७:१९; उत्‍पत्ती २२:१६-१७

उत्पत्ती 50:24

मिनु योसेफमी आ लोक्‍ब आन कली “गो बेक्‍नुङ। परमप्रभुमी इन कली कोव़ब। परमप्रभुमी अब्राहाम, इसहाक नु याकूब कली ‘इन कली कनान रागी लेप्‍पाइक्‍नुङ’ दे कसम जशा, लोव़ पशो बाक्‍ब” देंमाक्‍त।

२ राजा 10:1

आहाब आ ७० जना तौ सामरीया सहरम बाक्‍शो बाक्‍मा बाक्‍त। मोपतीके येहूमी चिठी का ब्रेक्‍शा सामरीयाम, येज्रेल ङा हुकुम पाइब, खाल्‍पा नु आहाब आ तौ आन कली कोव़ब मुर आन कली सोइक्‍ता बाक्‍त।

२ राजा 10:5

मोपतीके पिप आ खिं ङा खाल पाइबपुकी, सहर ङा हुकुम पाइबपुकी, खाल्‍पापुकी नु आहाब आ तौ आन कली कोव़ब नेल्‍ल गारशा येहू कली “गोपुकी इन गेय पाइब नकी। गे आंइ कली मार देंनीनी, गो मेको पाइनीकी। गो सुइ कली पिप मसेल्‍नीकी। गे मार पचा दाक्‍नीनी, मेको पने” दे लोव़ कुरब मुर सोइक्‍तमे बाक्‍त।

प्रस्‍थान 13:11

मिनु परमप्रभु यावेमी इन कली नु इन किकी पिपी आन कली ‘गो मेको रागी इन कली गेनुङ’ दे कसम जशो, कनानी आन रागीम चोव़दीब।

प्रस्‍थान 13:5

मिनु परमप्रभु यावेमी इन किकी पिपी आन कली ‘कनानी, हित्ती, एमोरी, हिव्‍वी नु यबुसी आन रागी इन कली गेनुङ’ दे कसम जशो बाक्‍माक्‍त। मेको रागीमी जाक्‍दीश्‍शा, आबीब महिनामी पास्‍सा चाड मानेचा माल्‍नीनी। मेको रागीम दूध नु खुदो शुश बाक्‍ब, मारेइ मारेइ यो शुश ग्रेल्‍ब। उत्‍पत्ती १५:१८

प्रस्‍थान 33:1

मिनु परमप्रभु यावेमी मोसा कली “इजीप्‍त रे ग्रुंइशा, एक चाक्‍शो मुरपुकी नु आं देंशो रागी लावो। मेको रागी आ पर्बम गो ‘इ चच युइ आन कली गेनुङ’ दे अब्राहाम, इसहाक नु याकूब नु कसम जाता। उत्‍पत्ती १२:७

प्रस्‍थान 6:8

मिनु गो अब्राहाम, इसहाक नु याकूब आन कली गेनुङ, दे कसम जशो रागीम इन कली चाक्‍दीत्‍नुङ। मिनु मेको रागी इन के दुम्‍ब। गो परमप्रभु यावे नङ’ दे गे इस्राएली आन कली देंचा माल्‍नेवे” दें‍त। उत्‍पत्ती २२:१६

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 49:15

मिनु परमप्रभुम “सुइ मीश मुरुम आ दूध तूब आल कली प्रेंबा ङा? आंम आ आल कली शिशी मपाइबा ङा? मेकोम आ आल कली प्रेंने चाप्‍तु हना यो, गो इ कली मप्रेंनुङ। उत्‍पत्ती २१:१६; १राजा ३:२६; येरमीया ३१:२०

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

इजीकीएल 34:23

गो मेको आन कली गोठला का वोइक्‍नुङ। आं गेय पाइब दाऊद कली वोइक्‍नुङ। मिनु मेकोम मेको आन कली कोव़ब। मेको आन कली योव़शा मेको आन गोठला दुम्‍ब। इजीकीएल ३७:२४; येरमीया ३०:९; होसे ३:५; यूहन्‍ना १०:१४-१६

यूहन्‍ना 10:11

मिनु येसुमी “गो रिम्‍शो गोठला नङ। रिम्‍शो गोठला भेडा आन पा ङा साइक्‍चा पुंइसीब। भजन संग्रह २३:-; यसैया ४०:११; इजीकीएल ३४:११-२३; यूहन्‍ना १५:१३; हिब्रू १३:२०

१ कोरिन्‍थी 4:15

ख्रीस्‍त आ पर्बम अर्ती गेब शेंब मुर शुश बाक्‍मा माइ। तन्‍न इन आफ खोदेंशो मुर शुश मबाक्‍नीम। मारदे हना गो इन कली येसु ख्रीस्‍त आ ग्‍येरपाइक्‍ब लोव़ शेंशा, इन आफ दुम्‍ती। १कोरिन्‍थी ९:२; गलाती ४:१९

गलाती 4:19

आं दाक्‍शो आलपुकी, मीश मुरुमी आल थिचामेनु, श्‍येत जाइनीमी। शुश खाइक्‍ब। आल थिचशो मीश मुरुमी श्‍येत जशा खाइश्‍शो खोदेंशो पा, गो इन कली मिम्‍शा, श्‍येत जाइनुङ। इन थुंमी ख्रीस्‍त बारल, दे मिम्‍शा, मोदेंशो पा आं थुं खाइक्‍ती। १कोरिन्‍थी ४:१५

ब्‍यवस्‍था 1:31

मिनु गोरशो रागीम गेपुकी गाक्‍नीनु, आफोम आ तौ कली कुरशो खोदेंशो पा, परमप्रभु यावे, इन परमप्रभुमी इन कली एक जाक्‍ची सम्‍म कुरशो बाक्‍त। गे आंमा तुइक्‍नीनी। ब्‍यवस्‍था ८:५; प्रस्‍थान १९:४

१ थिस्‍सलोनिकी 2:7

गोपुकी ख्रीस्‍त आ सोइश्‍शो दुम्‍शा, इन गुइ रे मार मार ताक्‍चा ठीक दुम वा। तन्‍न गो आल कली दूध तुंइब ममा खोदेंशो पा, इन कली कोव़तक।