गन्‍ती 10:9 - Sunuwar Bible

⁹ मिनु गे इन रागीमी इन कली दिप्‍ब जोरी सत्रुपुकी नु लडाइ पथ लनीनु, ठेयब सेंदामी तुराही ताप्‍चा माल्‍नीस। मो पाइतीनी हना, परमप्रभु यावे, इन परमप्रभुमी इन कली मिम्‍शा, इन जोरी सत्रु रे प्रोंइब। न्‍यायाधीस ६:३४

गन्‍ती 10:9 ပူးပေါင်းရင်းမြစ်များ

उत्पत्ती 8:1

मिनु परमप्रभुमी नोआह नु ठेयब डोंगामी बाक्‍ब नेल्‍ल ब्‍वाकी ङा जन्‍तु नु बी ब्‍यफ क्‍यारश भेडा आन कली मप्रेंदीमी बाक्‍त। मिनु परमप्रभुमी रागीम फश पपदा बाक्‍त। मिनु ब्‍वाक्‍कु सोव़माक्‍त।

२ इतिहास 13:12

परमप्रभु गोपुकी नु बाक्‍शा, आंइ ङोंइती गाक्‍ब। मेको आ चढ़ेब आन तुराही गे नु लडाइ पचा कली ताप्‍चा चिक्‍शो बाक्‍नीम। गे इस्राएली मुरपुकी, गे परमप्रभु यावे, इन किकी पिपी आन परमप्रभु नु लडाइ मपने। गे मग्रानीनी” देंमाक्‍त। गन्‍ती १०:९

२ इतिहास 13:14

मिनु यहूदा ङा मुरपुकीम लेश्‍शा कोव़ङमेनु, लडाइ आन ङोंइती नु नोले यो बाक्‍माक्‍त, दे तुइक्‍तमे बाक्‍त। मिनु मेकोपुकीम “वारच पाइक्‍की” दे परमप्रभु यावे कली वाइ ब्रेश्‍शा थोव़मे बाक्‍त। मिनु चढ़ेबपुकीम आन तुराही ताप्‍मे बाक्‍त।

भजन संग्रह 106:4

परमप्रभु यावे, गे इन मुर आन कली शिशी पनी ना, आं कली यो मिम्‍तीन। मेको आन कली प्रोंइनीनु, आं कली यो वारच पन।

भजन संग्रह 106:42

मिनु आन जोरी सत्रुमी मेको आन कली दिप्‍शा, आन सक्तिम हुकुम पामे बाक्‍त।

भजन संग्रह 136:23

मेकोमी गो श्‍येत जकानु, आंइ कली मिम्‍ताक्‍व। मारदे हना मेको आ दाक्‍तीके गेना हना यो लीब।

यसैया 18:3

गे रागी रागीम बाक्‍ब मुरपुकी, रागी नेल्‍लेम ब्रोंइबपुकी डांडाम छेदर ख्रुक्‍शो ताइतीनी हना, कोव़ङीन। तुराही ताप्‍शो बाक्‍त हना, नेनीन।

यसैया 58:1

मिनु परमप्रभु यावेमी “ठेयब सेंदा पा ग्रीङो। तुराही खोदेंशो पा ठेयब सेंदा पावो। आं मुर आन काइ मटिशो नु याकूब आ खिं ङा मुर आन पाप तुइक्‍पाइक्‍मी। मीका ३:८

येरमीया 4:19

मिनु गो हिंती, हिंती। गो श्‍येत जशा हुकयी पाइनुङ। आं लुङगीर खाइश्‍शा, तुक तुक पाप्‍तु। गो सिक्‍सी पा बाक्‍ने मचाप्‍नुङ। मारदे हना गो तुराही ताप्‍शो नें‍ता। मेको लडाइ ङा रेयके बाक्‍ब।

येरमीया 4:21

गो गेना सम्‍म लडाइ ङा छेदर तचा माल्‍नुङा? मिनु गेना सम्‍म तुराही ताप्‍शो नेंचा माल्‍नुङा?

येरमीया 4:5

परमप्रभु यावेमी “यहूदामी शेंदीन। मिनु यरूसलेमम उरदी पने। गे रागी नेल्‍लेमी तुराही तपीन। ठेयब सेंदा पा ‘नेल्‍ल ग्रुम्‍य। मिनु गो ठेयब गारो हिरशो सहरमी प्रोक्‍य’

येरमीया 49:2

मोपतीके परमप्रभु यावेमी “गो अम्‍मोनी आन रब्‍बाह कली लडाइ ङा तुराही ताप्‍शो नेंपाइक्‍नुङ। मेको श्‍येत्‍थ डांडा खोदेंशो दुम्‍ब। मिनु मेको आ एर ओंथ ङा गाउं मीम क्रोइक्‍चा पुंइसीनीम। मेना इस्राएलमी आ कली रोइक्‍ब आन कली रोइक्‍ब” दे परमप्रभु यावेमी देंत।

येरमीया 6:1

परमप्रभु यावेमी “बेन्‍यामीन आ आलपुकी ब्रोंइशा बाक्‍चा कली यरूसलेम रे प्रोक्‍कीन। तेकोहा सहरमी तुराही ताप्‍पीन। बेथ-हक्‍केरेम तार चिन्‍ड कोंइशा वोतीन। मारदे हना उत्तर रे मरिम्‍शो पतीक नु खतम दुम्‍तीके यिशो बाक्‍ब। आमोस १:१; येरमीया १:१४

येरमीया 6:17

गो इन कली खाल पाइबपुकी योव़तामी। मिनु गो इन कली ‘तुराही ताप्‍शो नोफा दाइश्‍शा नेनीन’ देंती। तन्‍न मेकोपुकीम ‘गो मनेंनीकी’ देंतेक्‍म।

इजीकीएल 7:14

मेकोपुकीम ग्रोव़ ताप्‍शा, मारेइ मारेइ ठीक पाम्‍तेक्‍म हना यो, का यो लडाइ पथ मलाइनीम। मारदे हना आं गाइश्‍शो मेको नेल्‍ल आन तार जुक्‍शो बाक्‍ब।

होसे 5:8

गिबामी तुराही नु रामाह सहरमी ग्रोव़ ताप्‍पीन। बेथ-आवेनमी लडाइ ङा तुराही ताप्‍पीन। बेन्‍यामीन ङा मुरपुकी ङोंइती बारीन। २राजा १५:३७; यसैया ७:१-९; होसे ४:१५

लेवी 23:24

“इस्राएली आन कली ‘७ महिना ङा ङोंइती ङा नाक्‍ती गे नाइक्‍चा माल्‍नीनी। गे परमप्रभु यावे आ पर्बम ग्रुम्‍शा, मेको नाक्‍त मिम्‍चा कली तुराही ताप्‍चा माल्‍नीनी। गन्‍ती २९:१-६; गन्‍ती १०:१०

आमोस 3:6

मार, तेकोइ सहरमी तुराही ताप्‍शोनु, मुर महिंनीमी ङा? मार, सहरम श्‍येत दुम्‍मेनु, मेको परमप्रभु यावे आ सोइश्‍शो ममाइ ङा? यसैया ४५:७; बिलाप ३:३७

सेफन्‍याह 1:16

गारोम हिरशो सहरपुकी नु गारो ङा कुनाम बाक्‍शो लाइश्‍शो खिं आन कली लडाइ तोचा कली तुराही ताप्‍शो नु लडाइ ङा रेयके पशो नेंसीब। येरमीया ३०:७

गन्‍ती 31:6

मिनु मोसामी थर नेल्‍ल रे हजार का का मुर आन कली लडाइम सोइक्‍ताक्‍मी। मिनु मेकोपुकी नु चढ़ेब एलाजर आ तौ फिनेहास यो सोइक्‍ताक्‍व। मेकोमी परमप्रभु यावे आ ताम्‍बु ङा माल्‍शो नु लडाइ ङा तुराही ताप्‍तीक कुरशो बाक्‍त। गन्‍ती १०:२

१ कोरिन्‍थी 14:8

लडाइ पची ना तुराही ताप्‍बमी मरुप्‍चा ङा पा ताप्‍तु हना, लडाइ पाइब लाइनीमी ङा?

ब्‍यवस्‍था 20:1

मिनु मोसामी “गेपुकी लडाइ पथ लनीनु, शारा नु बग्‍गीपुकी तशा, इन जोरी सत्रु इन क्‍येङा शुश बाक्‍तेक्‍म हना, महिनीन। मारदे हना परमप्रभु यावे, इन कली इजीप्‍त रे ग्रुंइब इन परमप्रभु गेपुकी नु बाक्‍ब।

यहोसु 6:5

मिनु मेकोपुकीमी शुश रेयके पा ग्रोव़ ताम्‍ना ताम्‍न बाक्‍मानु, इन मुर नेल्‍लेमी मेको रेयके नेन्‍मे नोले, ठेयब सेंदा पा ग्रीचा माल्‍नीम। मोपा ग्रीमानु, मेको सहर ङा गारो नेल्‍ल ब्रेप्‍ब। मिनु मुर नेल्‍ल आंम आंम ङोंइती बारशा, ब्रेश्‍शो गारो ङोइक्‍चा माल्‍नीम” दे परमप्रभुम माइक्‍तु।

न्‍यायाधीस 10:12

मिनु सीदोन ङा मुर, अमालेक आ मुर नु मोआबीपुकीमी इन कली दिप्‍मेनु ‘वारच पाइय्‍यीकी’ दे ब्रेत्‍तीनी। मेना इन कली मेको आन गुइ रे प्रोंइता।

न्‍यायाधीस 10:8

मेको बर्समी मेकोपुकीमी इस्राएली आन कली थाम्‍पा श्‍येत गेशा, साप्‍पा दिप्‍मे बाक्‍त। मिनु यर्दन खोला आ आइक्‍ची हांबु, पूर्ब गे गिलाद माइश्‍शो एमोरी आन रागीमी बाक्‍ब इस्राएली आन कली १८ बर्स सम्‍म थाम्‍पा श्‍येत गेशा दिप्‍मे बाक्‍त।

न्‍यायाधीस 2:18

गेना परमप्रभु यावेमी मेको आन कली निसाफ पाइब सोइक्‍ता, मेना परमप्रभु यावे मेको नु बाक्‍माक्‍त। मेको निसाफ पाइब मबेक्‍म सम्‍म आन जोरी सत्रु रे प्रोंइशा वोदा बाक्‍त। मारदे हना परमप्रभु यावेमी आन जोरी सत्रु रे श्‍येत जशो तशा शिशी पवा बाक्‍त।

न्‍यायाधीस 3:27

मिनु एफ्राइम ङा पहाड रागीम जाक्‍दीम नोले, मेकेर रे मेकोमी तुराही तबा बाक्‍त। मिनु इस्राएली मेको नु पहाड रे तोइश्‍शा, आ नोले खोदमे बाक्‍त।

न्‍यायाधीस 6:34

मिनु परमप्रभु यावे आ सोक्‍तीम गिदोन कली सुमा बाक्‍त। मिनु तुराही ताप्‍शा, अबीएजेर आ मुर नेल्‍ल आन कली “आं नोले खोतीन” दे ब्रेत्‍ता बाक्‍त। न्‍यायाधीस ३:१०; न्‍यायाधीस ११:२९; न्‍यायाधीस १३:२५

न्‍यायाधीस 6:9

गो इन कली इजीप्‍त ङा मुर आन गुइ रे नु इन कली श्‍येत गेब मुर आन गुइ रे प्रोंइशा चाक्‍ता। मेको इन कली दिप्‍ब नेल्‍ल आन कली इन ङोंइती रे खेरताक्‍मी। मिनु मेको आन रागी इन कली गेता।

१ सामुएल 10:18

मिनु मेकोमी इस्राएली आन कली “परमप्रभु यावे, इस्राएली आन परमप्रभुमी मार देंत देंशा हना ‘गो इस्राएली इन कली इजीप्‍त रागी रे ग्रुंइशा, एक चाक्‍तन्‍नी। इन कली श्‍येत गेब इजीप्‍ती आन गुइ रे प्रोंइतन्‍नी। मिनु नोले इन कली दिप्‍ब अर्को रागी ङा मुर आन गुइ रे यो प्रोंइतन्‍नी’ दें‍त।