गन्‍ती 10:33 - Sunuwar Bible

³³ मिनु मेकोपुकी परमप्रभु यावे आ डांडा रे नाक्‍त सां सम्‍म गाक्‍तेक्‍म। परमप्रभु यावे आ कबल पशो सन्‍दोस कुरबपुकी मेको आन कली बास बाक्‍तीक माल्‍चा, दे मेको आन ङोंइङोंइती गाक्‍तेक्‍म।

गन्‍ती 10:33 ပူးပေါင်းရင်းမြစ်များ

भजन संग्रह 95:11

मोपतीके गो आं गाइक्‍तीकेमी ‘एको आन कली आं थुं नाइक्‍पाइक्‍तीके मगेनुङ’ दे कसम जाता” दे परमप्रभुम देंत। गन्‍ती १४:२२-२३; हिब्रू ४:३

प्रस्‍थान 19:3

मिनु मोसा परमप्रभु नु लोव़ पचा कली डांडा ङोंइसाक्‍व। मिनु डांडा रे परमप्रभु यावेमी मोसा कली “इ किकी पिपी याकूब आ खिं ङा मुर, इस्राएली आन कली

प्रस्‍थान 3:1

मेना मोसा आ शिउ आ क्‍यारश भेडा योव़थ ल‍त। आ शिउ रूएल आ नें यित्रो यो बाक्‍माक्‍त। यित्रो चहिं मिदयान रागी ङा नाक्‍सो का बाक्‍माक्‍त। मोसामी क्‍यारश भेडा आन कली गोरशो रागी ङा नां पेरतीके गे योव़तु। मोपा योव़ना योव़न, होरेब माइश्‍शो परमप्रभु आ डांडा आ नेक्‍था जाक्‍दीत्‍‍त। प्रेरित ७:३०-३४

यसैया 11:10

मिनु मेको नाक्‍ती येस्‍से आ शाक्‍श जात जात ङा मुर आन कली चिन्‍ड दुम्‍ब। मिनु रागी रागी ङा मुर नेल्‍लेमी मेको कली हिल्‍लो पाइ‍नीम। मेको आ बाक्‍तीके छेङछेङम बाक्‍ब। रोमी १५:१२

यसैया 28:12

मिनु परमप्रभुमी मेको आन कली “मेको थुं नाइक्‍तीक बाक्‍ब। गे दशो मुर आन कली नाइक्‍चा गेने। थुं बारपाइक्‍तीक एकोन बाक्‍ब” देंत। मो हना यो मेकोपुकीमी मनेंथु मटीमे। यसैया ३०:१५; मत्ती ११:२८-२९

यसैया 66:1

मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४

येरमीया 3:16

गे रागीम सोशा बोशा शुश दुम्‍तीनी हना, मुरपुकीम गेनायो ‘परमप्रभु यावे आ कबल पशो सन्‍दोस’ मदेंनीम” देंत। मिनु परमप्रभु यावेम “मेकोपुकीमी मेको कली ममिम्‍नीम। मेको कली सुइमी ममाल्‍‍नीम। मेको खोदेंशो लेंशा अर्को यो मसेल्‍नीम। गन्‍ती १०:३३-३६; २राजा २५:८-९; हिब्रू ४:१४-१६

येरमीया 31:2

परमप्रभु यावेमी “तरवार रे ब्रोंइशो मुरपुकीम गोरशो रागीम शिशी ताम्‍तेक्‍म। इस्राएल कली नाइक्‍पाइक्‍चा दाक्‍ताक्‍व हना,

येरमीया 6:16

मिनु परमप्रभु यावेम मार, देंत देंशा हना “लां ब्रा‍तीकेम राप्‍शा कोव़ङीन। माइत लां आ पर्बम हिल्‍लो पने। मेको रिम्‍शो लां ते बाक्‍बा, दे हिल्‍लो पने। मिनु मेको लांमीन गाक्‍कीन। मिनु इन थुं ना‍इक्‍चा ताइनीनी। तन्‍न मेकोपुकीम ‘गो मेक मगाक्‍नीकी’ देंनीम। मत्ती ११:२९

इजीकीएल 20:6

गो मेको नाक्‍ती मेको आन कली इजीप्‍त रे ग्रुंइशा, आन माल्‍शो रागीम चाक्‍नुङमी। मेको रागीम दूध नु खुदो शाइश्‍शो बाक्‍ब। मिनु मेको रागी, रागी नेल्‍ल आन क्‍येङा रिम्‍शो बाक्‍ब, दे कसम जशा देंशो नङ। प्रस्‍थान ३:८

गन्‍ती 10:12

मिनु नोले इस्राएलीपुकी सीनै ङा गोरशो रागी रे हुल हुल पा गाक्‍तेक्‍म। मिनु मेको गोस्‍स पारान ङा गोरशो रागीम नांइसाक्‍व।

ब्‍यवस्‍था 1:33

मेको इन ङोंइती इन कली बाक्‍तीके कोंइथ गाक्‍त हना यो, गे थमा मसुइक्‍नी। मिनु लां कोंइचा कली नाक्‍दोम मी नु नाक्‍तीम गोस्‍स दुम्‍शा इन कली लां कोंइताक्‍व। प्रस्‍थान १३:२१

ब्‍यवस्‍था 31:26

“एको अरेशो लोव़ ङा किताब लाइश्‍शा, परमप्रभु यावे, इन परमप्रभु आ सल्‍ला पतीक सन्‍दोस आ नेक्‍था वोतीन। मोदेंशो पा मेको आन पर्बम सांकछी दुम्‍शा बाक्‍ब। यूहन्‍ना ५:४५

ब्‍यवस्‍था 9:9

मिनु गो परमप्रभु यावेमी गेपुकी नु पशो कबल ङा लोव़ ब्रेक्‍शो फुल्‍लु ब्रथ डांडा ङोंइसाक्‍यी। मिनु गो ४० नाक्‍त नु ४० नाक्‍दो मेकेर बाक्‍ती। शोब्‍ले मजङ, ब्‍वाक्‍कु यो मतूङु। प्रस्‍थान ३४:२८

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

यहोसु 4:7

गेपुकीमी मेको आन कली ‘परमप्रभु यावेमी आ कबल पशो सन्‍दोस यर्दन शोक्‍ची ना, मेको आ ङोंइती यर्दन ङा ब्‍वाक्‍कु तेक्‍‍पाइक्‍तु। मेको यर्दन शोक्‍ची ना, यर्दन ङा ब्‍वाक्‍कु नाइक्‍पाइक्‍तु। एको फुल्‍लु इस्राएली आन कली गेना हना यो मिम्‍तीक दुम्‍ल’ देंचा माल्‍नीनी” देंत।

न्‍यायाधीस 20:27

मिनु इस्राएलीपुकीमी परमप्रभु यावे कली “मार पचा” दे हिल्‍लो पामे बाक्‍त। मारदे हना मेना परमप्रभु आ कबल पशो सन्‍दोस मेकेर बाक्‍माक्‍त।

१ सामुएल 4:3

मिनु लडाइ पाइब आन बाक्‍तीके लेश्‍शा जाक्‍मानु, इस्राएली आन खाल्‍पापुकीमी “मुलाक्‍ती मारदे परमप्रभु यावेमी आंइ कली पलिस्‍ती नु ब्रुपदा? गो शिलो रे परमप्रभु यावे आ कबल पशो सन्‍दोस एक चाक्‍य। मो पाइतय हना परमप्रभु यावे गोपुकी नु बाक्शा, इं जोरी सत्रु रे प्रोंइब” देंमा बाक्‍त। प्रस्‍थान २५:१०; यहोसु ३:६,११