गन्‍ती 10:10 - Sunuwar Bible

¹⁰ मिनु गेपुकी ग्‍येरशा बाक्‍नीनु, गे इन पचा माल्‍शो चाड मानेनीनु, औंसी ङा चाड मानेनीनु, इन चोशा चढ़ेतीके नु इन दुशा बाक्‍चा आ पर्बम चढ़ेतीके चढ़ेनीनु, गेपुकीमी तुराही ताप्‍चा माल्‍नीनी। मिनु मेको ताप्‍नीनु, इन परमप्रभुमी इन कली मिम्‍ब। गो परमप्रभु यावे, इन परमप्रभु नङ” देंत। लेवी २३:२४; २राजा ११:१४; २इतिहास ७:६

गन्‍ती 10:10 ပူးပေါင်းရင်းမြစ်များ

२ राजा 4:23

मिनु आ वोंइशेमी “मुलाक्‍त मारदे लचा माल्‍दे? औंसी यो ममाइ, नाइक्‍तीक नाक्‍त यो ममाइ” दे मदा बाक्‍त। मिनु मेकोमी “लचा माल्‍नुङ” देंमाक्‍त।

१ इतिहास 15:24

मिनु चढ़ेब शेबान्‍याह, योशाफात, नेथनेल, अमासै, जकरिया, बेनायाह नु एलीएजर परमप्रभु आ कबल पशो सन्‍दोस आ ङोंइती तुराही ताप्‍चा माल्‍बाक्‍मा बाक्‍त। ओबेद-एदोम नु येहीयाह यो सन्‍दोस बाक्‍तीके ङा लाप्‍चो कोव़ब बाक्‍सा बाक्‍त।

१ इतिहास 15:28

मोपा इस्राएली नेल्‍लेमी ठेयब रेयके पा नु ग्रोव़, तुराही, बुप्‍केल, तार पाइश्‍शो ताप्‍तीके नु बीना ताप्‍शा परमप्रभु यावे आ कबल पशो सन्‍दोस कुइश्‍शा कु‍मा बाक्‍त।

१ इतिहास 16:42

हेमान नु येदुथून आस ताप्‍तीक तुराही नु बुप्‍‍केल यो बाक्‍मा बाक्‍त। परमप्रभु कली कुम्‍सो पचा कली अरु ताप्‍तीके यो बाक्‍मा बाक्‍त। येदुथून आ तौपुकी लाप्‍चो खाल पाइब बाक्‍मा बाक्‍त।

२ इतिहास 29:26

मिनु लेवीपुकीम दाऊद आ सेल्‍शो ताप्‍तीकपुकी नु चढ़ेबपुकीम तुराही शेशा राम्‍मा बाक्‍त।

२ इतिहास 29:28

मिनु खुम्‍सीशो मुर नेल्‍ले बाप्‍शा, परमप्रभु यावे कली ठेयब सेल्‍मे बाक्‍त। कुम्‍सो पाइबपुकीम कुम्‍सो पामे बाक्‍त। मिनु तुराही ताप्‍बपुकीम तुराही ताप्‍मे बाक्‍त। चोशा चढ़ेतीक मनुम्‍म सम्‍म मोदेंशो पामे बाक्‍त।

२ इतिहास 7:6

चढ़ेब आन पालो खोदेंशो पा बाक्‍मा बाक्‍त। लेवीपुकी परमप्रभु यावे कली ताप्‍तीक ताप्‍चा कली आन ताप्‍तीके शेशा बाक्‍मा बाक्‍त। पिप दाऊदम मेको ताप्‍तीकपुकी परमप्रभु यावे कली ठेयब सेल्‍चा कली “आ दाक्‍चा गेना हना यो लीब” दे कुम्‍सो पचा कली, परमप्रभु यावे कली ठेयब सेल्‍ची ना कली सेल्‍शो बाक्‍माक्‍त। मिनु लेवीपुकीमी कुम्‍सो पामे बाक्‍त। चढ़ेबपुकी कोव़मुशा तुराही ताप्मे बाक्‍त। मेना इस्राएली नेल्‍ल राप्‍शा बाक्‍मा बाक्‍त। २इतिहास ४:१

एज्रा 3:10

मिनु परमप्रभु यावे आ खिं सेल्‍बपुकीमी जग वोइक्‍तेक्‍म। चढ़ेबमी आन वा फेक्‍शा तुराही ताप्‍तेक्‍म। आसाफ आ तौ लेवीपुकीम बुप्‍केल ताप्‍तेक्‍म। इस्राएल ङा पिप दाऊदमी अरेशो खोदेंशो पा परमप्रभु यावे कली ठेयब सेल्‍चा कली आन आन बाक्‍तीकेमी राप्‍तेक्‍म।

नेहेम्‍याह 12:35

मिनु चढ़ेब आन तौ का निक्‍शी तुराही ताप्‍बपुकी यो मेको आन नोले खोइक्‍तेक्‍म। योनाथन आ तौ जकरिया, योनाथन आ आफ शेमायाह, शेमायाह आ आफ मत्तन्‍याह, मत्तन्‍याह आ आफ मीकाया नु जाक्‍कुर आ आफ आसाफ बाक्‍त।

भजन संग्रह 150:3

तुराही ताप्‍शा, मेको कली ठेयब सेलीन। तार पाइश्‍शो ताप्‍तीक नु ठेयब ताप्‍तीक ताप्‍शा, मेको कली ठेयब सेलीन।

भजन संग्रह 81:3

औंसी, पूर्ने नु इं ठेयब चाड नाक्‍त तुराही तापीन। लेवी २३:२४

भजन संग्रह 81:4

मारदे हना मोदेंशो चाड मानेचा इस्राएल ङा गेना हना यो पतीके बाक्‍ब। मेको याकूब आ परमप्रभु आ अरेशो बाक्‍ब।

भजन संग्रह 89:15

इन कली ग्‍येरशा ठेयब सेल्‍बपुकी ग्‍येरसीशो मुर बाक्‍नीम। मारदे हना मेकोपुकी, परमप्रभु यावे, इन ङोंइती ङा छेङछेङमी गाक्‍नीम।

प्रस्‍थान 28:29

मिनु मोदेंशो पा हारून परमप्रभु यावे आ बाक्‍तीक ओव़मेनु, इस्राएल आ तौ आन नें ब्रेक्‍शो निसाफ पतीक झोला आ कुचु तारी कुरचा माल्‍ब। मेको परमप्रभु यावेमी गेना हना यो मिम्‍चा कली बाक्‍ब।

प्रस्‍थान 30:16

इस्राएली वोंइश मुरुमी आन गेशो प्रोंइतीक क्‍येट ताक्‍शा, ग्रुम्‍तीक ताम्‍बु ङा गेय पचा कली गेचा माल्‍नेवे। मिनु मेको क्‍येट परमप्रभु यावे आ ङोंइती इस्राएली आन कली प्रोंइशो मिम्‍तीक चिन्‍ड दुम्‍ब” दें‍त।

यसैया 27:13

मेको नाक्‍ती ठेयब तुराही का ग्रीब। मिनु अस्‍सुर रागीम जाम्‍शो नु इजीप्‍त रागीम खेदा पचा पुंइसीशो मुरपुकी जाक्‍नीम। मिनु यरूसलेम ङा परमप्रभु यावे आ डांडामी आ कली ठेयब सेल्‍नीम। यसैया ११:११-१२; योएल ३:५

लेवी 23:24

“इस्राएली आन कली ‘७ महिना ङा ङोंइती ङा नाक्‍ती गे नाइक्‍चा माल्‍नीनी। गे परमप्रभु यावे आ पर्बम ग्रुम्‍शा, मेको नाक्‍त मिम्‍चा कली तुराही ताप्‍चा माल्‍नीनी। गन्‍ती २९:१-६; गन्‍ती १०:१०

गन्‍ती 10:9

मिनु गे इन रागीमी इन कली दिप्‍ब जोरी सत्रुपुकी नु लडाइ पथ लनीनु, ठेयब सेंदामी तुराही ताप्‍चा माल्‍नीस। मो पाइतीनी हना, परमप्रभु यावे, इन परमप्रभुमी इन कली मिम्‍शा, इन जोरी सत्रु रे प्रोंइब। न्‍यायाधीस ६:३४

गन्‍ती 28:11

मिनु गे नेल्‍ल महिना ङा ङोंइती ङा नाक्‍त परमप्रभु यावे कली चोशा चढ़ेतीके चढ़ेचा माल्‍नीनी। मेको ब्‍यफ निक्‍शी, सांड का नु ७ ओटा मारेइ मदुम्‍शो थम रिम्‍शो बर्स का का गाप्‍शो पाठा चढ़ेचा माल्‍नीनी। गन्‍ती १०:१०; इजीकीएल ४६:१,३,६; यसैया १:१३

गन्‍ती 29:1

गेपुकी ७ महिना ङा ङोंइती ङा नाक्‍ती ग्रुम्‍तीके का सेल्‍चा माल्‍नीनी। मेको नाक्‍ती गे काइ गेय मपने। मेको नाक्‍ती गे तुराही ताप्‍चा माल्‍नीनी। गन्‍ती १०:१०; लेवी २३:२४-२५

मत्ती 11:28

गे श्‍येत जशो नु भारीम चिप्‍चा पुंइसीशोपुकी, आं गे जाक्‍कीन। मिनु नाइक्‍चा गेनन्‍नी। मत्ती १२:२०; मत्ती २३:४; येरमीया ३१:२५

प्रेरित 10:4

कोरनेलीयसमी हिंशा, कोव़स ङा कोव़स पा “मार देंनी, प्रभु” देंमेनु “इ प्रार्थना पशो, प्रभु कली मान पा टिशो, इ शिशी पा वारच पशो नेल्‍ल परमप्रभु यावेमी तुइश्‍शो बाक्‍ब।

१ कोरिन्‍थी 15:52

मेको छिन काम दुम्‍ब। याम काम दुम्‍ब। नोले ङा नाक्‍त ङा तुराही ताप्‍ची ना मेको दुम्‍ब। मारदे हना मेको तुराही नेंसीब। बेक्‍शो मुर, मबेक्‍चा ङा पा सेंसीनीम। मिनु गो फाइक्‍चा पुंइसीनय। मत्ती २४:३१

१ थिस्‍सलोनिकी 4:16

मारदे हना प्रभुमी आ मुर आन कली “कुन” दे ब्रेत्‍तानु, नेल्‍ल क्‍येङा ठेयब परमप्रभु यावे आ स्‍वर्ग ङा गेय पाइबमी यो ब्रेप्‍ब। परमप्रभु यावे आ तुराही ताप्‍शो नेंनीम। मेना प्रभु सरीङ रे यीब। ख्रीस्‍त कली थमा सुइश्‍शा बेक्‍शो मुरपुकी ङोंइती सेंसीनीम।

१ थिस्‍सलोनिकी 4:18

मोपतीके मेको लोव़ पा थुं बारपाइक्‍‍मुने।

यहोसु 4:7

गेपुकीमी मेको आन कली ‘परमप्रभु यावेमी आ कबल पशो सन्‍दोस यर्दन शोक्‍ची ना, मेको आ ङोंइती यर्दन ङा ब्‍वाक्‍कु तेक्‍‍पाइक्‍तु। मेको यर्दन शोक्‍ची ना, यर्दन ङा ब्‍वाक्‍कु नाइक्‍पाइक्‍तु। एको फुल्‍लु इस्राएली आन कली गेना हना यो मिम्‍तीक दुम्‍ल’ देंचा माल्‍नीनी” देंत।

यहोसु 6:4

मिनु ७ जना चढ़ेब ७ ओटा ताप्‍तीक ग्रोव़ कुरशा, परमप्रभु यावे आ सल्‍ला पतीक सन्‍दोस कुरशो चढ़ेब आन ङोंइङोंइती गाक्‍चा माल्‍नीम। मिनु ७ नाक्‍तीमी गे ७ खेयप मेको सहर एर ओंथ हिरचा माल्‍नीनी। मेना मेको ७ जना चढ़ेबपुकीमी आन ग्रोव़ ताम्‍ना ताम्‍न गाक्‍चा माल्‍नीम।

प्रकाश 22:17

मिनु परमप्रभु यावे आ सोक्‍त नु ग्‍युम्‍लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्‍नी, पिने। मिनु ब्रोंइचा गेब ब्‍वाक्‍कु मोशा तूङीन। यसैया ५५:१; यूहन्‍ना ७:३७

१ सामुएल 20:5

मिनु दाऊदमी योनाथन कली “दीसा औंसी बाक्‍ब। गो पिप नु बाक्‍शा, जचा माल्‍नुङ। गो नाक्‍त सां सम्‍म रू मेर लशा ख्रुइश्‍शा बाक्‍नुङ।