गन्ती 1:50 - Sunuwar Bible50 तन्न गे लेवी आन कली आं कबल पशो सन्दोस वोइश्शो ताम्बु नु आ मारेइ मारेइ थोव़क कोव़चा कली वोइक्मी। मेकोपुकीमी ग्रुम्तीक ताम्बु नु आ मारेइ मारेइ थोव़क कुरचा माल्नीम। मेकोपुकीमी मेको कोव़चा माल्नीम। मिनु आन ताम्बु ग्रुम्तीक ताम्बु आ एर ओंथ कीचा माल्नीम। အခန်းကိုကြည့်ပါ။ |
गन्ती 1:50
30 ပူးပေါင်းရင်းမြစ်များ
मिनु चढ़ेब एल्याशीबमी आंम खिं ङा मुर, तोबीयाह कली परमप्रभु यावे आ खिं ङा वोइक्तीक ठेयब कोठा का गेशो बाक्त। ङोंइती मेको कोठामी मार मार शेंशो खोदेंशो पा चढ़ेशो १० भाग ङा अन्न, धूप, परमप्रभु यावे आ खिं ङा बोसपुकी, मुर आन गेशो १० भाग ङा भाग का अन्न, अङगुर शांबु नु तेल वोइश्शो बाक्त। मेको परमप्रभुमी शेंशो खोदेंशो पा लेवी, कुम्सो पाइब, लाप्चो खाल पाइब नु चढ़ेब आन तचा ङा भाग वोइश्शो बाक्त।
लेवी आ मुर चहिं परमप्रभु यावे आ कबल पशो सन्दोस वोइश्शो ताम्बु आ एर ओंथ आन ताम्बु कीचा माल्नीम। इस्राएलीपुकी ग्रुम्तीके ताम्बु आ नेक्था लचा मदुम्नीम। मिनु मेको आन पर्बम परमप्रभु यावे मगाइक्ब। मिनु लेवीपुकीमी परमप्रभु यावे आ कबल पशो सन्दोस वोइश्शो ताम्बु खाल पचा माल्नीम” दे परमप्रभु यावेमी देंत। गन्ती १७:११; गन्ती १८:५; २सामुएल २४:१; २इतिहास १९:२; यसैया ५७:१७; यसैया ६४:४-६
मिनु हारून नु आ तौपुकीमी मेको ग्रुम्तीक ताम्बु ङा मारेइ मारेइ सुम्ने थुम्मे नोले कोहाथीपुकी मेको कुरथ जाक्चा माल्नीम। तन्न मेकोपुकीमी परमप्रभु यावे आ मार मार थोव़क थिचा मदुम्नीम। मेकोपुकीम थिम्तेक्म हना, बेक्नीम। कोहाथीपुकीमी ग्रुम्तीक ताम्बु ङा कुरचा माल्शो थोव़क मेकोन बाक्नीम। गन्ती ७:९; २सामुएल ६:६-७
मिनु गो इस्राएली आन दाते रे लेवी आ मुर आन कली हारून नु आ तौ आन कली गेतामी। मार कली गेतामी देंशा हना, इस्राएली आन पर्बम ग्रुम्तीक ताम्बुमी गेय पचा कली इस्राएली आन पर्बम पाप क्याम्तीक गेय पचा कली नु इस्राएलीपुकी ग्रुम्तीक ताम्बु आ नेक्था मजाक्मल नु मुर बेक्तीक रोइम मबेक्म, दे गेतामी” दे परमप्रभु यावेमी मोसा कली देंत। गन्ती ३:९; गन्ती १:५३
ကြော်ငြာတွေ