गन्‍ती 1:46 - Sunuwar Bible

⁴⁶ मेको नेल्‍ल पा ६ लाख ३ हजार ५ सहे ५० जना बाक्‍तेक्‍म।

गन्‍ती 1:46 ပူးပေါင်းရင်းမြစ်များ

उत्पत्ती 12:2

गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७

उत्पत्ती 13:16

गो इ चच युइ खप ङा फुरक खोदेंशो पा शुश सेल्‍नुङ। मुरुम फुरक हिक्‍ने चाप्‍तेक्‍म हना ला, इ चच युइ आन कली यो हिक्‍ने चाप्‍नीम। तन्‍न मचाप्‍नीम। उत्‍पत्ती २८:१४; गन्‍ती २३:१०; १राजा ४:२०

उत्पत्ती 15:5

मिनु मेकोमी अब्राम कली ताम्‍बु रे ग्रुंइशा “सरीङ गे कोव़ङो, सोरुल आन कली हिक्‍को। मेको हिक्‍ने चाप्‍नेवे? गिश बाक्‍मा, इ चच युइ यो मिश दुम्‍नीम” देंमाक्‍त। उत्‍पत्ती २२:१७; प्रस्‍थान ३२:१३; ब्‍यवस्‍था १:१०; हिब्रू ११:१२

उत्पत्ती 17:6

गो इ रे शुश मुर सेल्‍नुङमी, रागी रागी ङा मुर सेल्‍नुङ। इ रे पिपपुकी यो दुम्‍नीम।

उत्पत्ती 22:17

मार कसम जाता देंशा हना, गो इ कली आसीक गेनुङ। इ चच युइ आन कली सोरुल नु समुन्‍द्र आ नेक्‍था ङा बाल्‍वा खोदेंशो पा शुश सेल्‍नुङमी। मिनु मेकोपुकीमी आन जोरी सत्रु आन सहर आंम के सेल्‍नीम। उत्‍पत्ती १३:१६; हिब्रू ११:१२

उत्पत्ती 26:3

मेको रागीमी अर्को रागी ङा मुर दुम्‍शा बाक्‍को। गो गे नु बाक्‍शा, इ कली आसीक गेनुङ। गो इ कली नु इ चच युइ आन कली एको रागी नेल्‍ल गेनुङ। गो इ आफ अब्राहाम नु कबल पा, कसम जाता। मुल आं कबल खाप्‍नुङ। उत्‍पत्ती १७:१९; उत्‍पत्ती २२:१६-१७

उत्पत्ती 28:14

इ चच युइ खप ङा फुरक खोदेंशो पा शुश दुम्‍नीम। सोशा बोशा, शुश दुम्‍शा, पूर्ब, पच्‍छिम, उत्तर, दक्‍खिनम ब्रशा बाक्‍नीमी। गे नु इ चच युइ आन पर्बम रागी नेल्‍ल ङा मुर आसीक ताइनीम। उत्‍पत्ती १३:१४-१५

२ सामुएल 24:9

मिनु योआबम पिप कली “या चलेने चाप्‍ब लडाइ पाइब इस्राएलम ८ लाख नु यहूदाम ५ लाख बाक्‍तेक्‍म” दे शेंदा बाक्‍त।

१ राजा 4:20

यहूदा नु इस्राएल ङा मुरपुकी समुन्‍द्र ङा बाल्‍वा खोदेंशो पा शुश बाक्‍मा बाक्‍त। मेकोपुकी जशा तूशा ग्‍येरशा बाक्‍बाक्‍मा बाक्‍त। १राजा ३:८; उत्‍पत्ती १३:१६

१ इतिहास 21:5

मिनु योआब यरूसलेम जाक्‍शा, दाऊद कली आ हिक्‍शो मुरपुकी ओशो बाक्‍तेक्‍म, दे शेंदा बाक्‍त। मेकोमी “इस्राएलम या चलेने चाप्‍ब, लडाइ पाइब ११ लाख नु यहूदाम ४ लाख ७० हजार बाक्‍नीम” देंमाक्‍त।

२ इतिहास 13:3

अबीयाहमी लडाइ पचा कली थम बोल्‍यो ४ लाख लडाइ पाइबपुकी ठीक पवा बाक्‍त। येरोबामम चहिं ८ लाख बोल्‍यो लडाइ पाइबपुकी खुप्‍ता बाक्‍त।

प्रस्‍थान 12:37

मिनु इस्राएल ङा मुरपुकी रामे‍सेस सहर रे गाक्‍शा, सुक्‍कोथ सहर जाक्‍दीत्‍तेक्‍म। मेको आन मीश नु तमी तौ नेल्‍ल महिक्‍थु, वोंइश मुर ला ६ लाख बाक्‍तेक्‍म।

प्रस्‍थान 38:26

मिनु २० बर्स गाप्‍शो नु मेको क्‍येङा लाक्‍शो वोंइश मुर ६ लाख हजार सां ५ सहे ५० जना बाक्‍तेक्‍म। मेको आन के का का पा आधा आधा शेकेल पोक्‍तेक्‍म। प्रस्‍थान ३०:१२-१६; गन्‍ती १:४६

गन्‍ती 1:45

मिनु गिश मुर २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर बाक्‍शो बाक्‍तेक्‍म देंशा हना, गन्‍ती २:३२; प्रस्‍थान १२:३७

गन्‍ती 11:21

मिनु मोसामी “गो नु लां गाक्‍ब मुर ६ लाख बाक्‍नीम। मो हना यो, गे ‘मेको आन कली महिना का सम्‍म श्‍ये ब्‍वचा गेनुङमी’ देंतीनी।

गन्‍ती 14:29

गे नेल्‍ल गोरशो रागीमी बेक्‍चा माल्‍नीनी। नें ब्रेक्‍शो नेल्‍ले, २० बर्स गाप्‍शो नु मेको क्‍येङा लाक्‍शो आं कली गन गन पाइब बेक्‍चा माल्‍नीम। १कोरिन्‍थी १०:१०

गन्‍ती 2:32

एको इस्राएली आन थर थर ङा लडाइ पने चाप्‍ब खुप्‍शा हिक्‍शो मुर बाक्‍नीम। आन हुल हुल ङा मुर नेल्‍ल पा ६ लाख हजार सां ५ सहे ५० जना लडाइ पाइब वोंइश मुर बाक्‍नीम” देंत गन्‍ती १:४६

गन्‍ती 23:10

याकूब आ मुर फुरक खोदेंशो पा शुश दुम्‍शो बाक्‍नीम। इस्राएल ङा मुर आन ४ भाग ङा भाग का यो, सुम हिक्‍ने चाप्‍नीमी ङा? उत्‍पत्ती १३:१६ गे आं कली ठीक पाइब मुर आन कली खोदेंशो पा बेक्‍चा गेयीनी। मिनु आं बेक्‍तीके मेको आन केन खोदेंशो दुम्‍ल” देंत।

गन्‍ती 26:51

इस्राएली वोंइश मुर नेल्‍ल आन कली हिक्‍शोनु, ६ लाख हजार का ७ सहे ३० जना बाक्‍तेक्‍म।

ब्‍यवस्‍था 10:22

इन किकी पिपी इजीप्‍त रागी लमानु, ७० जना मुर ला लशो बाक्‍तेक्‍म। मिनु मुल परमप्रभु यावे, इन परमप्रभुमी इन कली सरीङ ङा सोरुल खोदेंशो पा शुश सेल्‍तु। उत्‍पत्ती ४६:२७; ब्‍यवस्‍था १:१०