नेहेम्‍याह 9:36 - Sunuwar Bible

³⁶ मुलाक्‍ती गो वाइलीम वाइल दुम्‍शो बाक्‍नीकी। आंइ किकी पिपी आन कली मेको रागी ङा फल फुल जचा नु मेकेर ङा रिम्‍शो रिम्‍शो थोव़क तचा कली गेशो बाक्‍तीनी। इन गेशो रागीमी गो वाइलीम वाइल दुम्‍शो बाक्‍नीकी।

नेहेम्‍याह 9:36 ပူးပေါင်းရင်းမြစ်များ

२ इतिहास 12:8

मो हना यो मेकोपुकी मेको शीशक आ गेय पाइब दुम्‍नीम। मोपा मेकोपुकीमी आं कली गेय पचा नु अर्को राज्‍य ङा मुर आन कली गेय पचा गिश फरक दुम्‍बाक्‍मे, मेको तुइक्‍नीम” देंशो बाक्‍माक्‍त।

एज्रा 9:9

गो वाइलीम वाइल बाक्‍तक हना यो, आंइ परमप्रभुमी आंइ कली मप्रोंइशो बाक्‍ब। पारसी रागी ङा पिप आ ङोंइती इन गेना हना यो दाक्‍तीके कोंइशो बाक्‍तीनी। आंइ कली नक ब्रोंइचा गेशा, आंइ परमप्रभु आ खिं लेंशा सेल्‍चा कली नु ब्रेश्‍शो नेल्‍ल लेंशा सेल्‍चा कली नु यहूदा नु यरूसलेम एर ओंथ गारो प्रोव़चा गेतीनी।

बिलाप 5:4

गोपुकीमी तूचा ब्‍वाक्‍कु यो ग्‍याप्‍चा माल्‍नीकी। शी यो ग्‍याप्‍चा माल्‍नीकी।

बिलाप 5:5

गोपुकी जुवा लाप्‍शो खोदेंशो पा आंइ कली खेदा पाइनीम। गोपुकी दशो बाक्‍नीकी। तन्‍न नाइक्‍चा मताइ‍नीकी। प्रस्‍थान २०:५; येरमीया ३१:२९

ब्‍यवस्‍था 28:48

मोपतीके परमप्रभु यावेमी इन कली जोरी सत्रु सोइक्‍ब। गेपुकी शोव़लु बेक्‍शा नु तूतू दाक्‍ना दाक्‍न, फेक्‍चा मतथु नु मारेइ मगाप्‍शो दुम्‍शा, मेको आन गेय पचा माल्‍नीनी। मिनु मेकोमी इन कली मक्‍याम्‍दमे सम्‍म फलम के हलो इन तारी वोइक्‍नीम। येरमीया २८:१३-१४