नेहेम्याह 9:34 - Sunuwar Bible34 आंइ पिप, आंइ ठेयब मुरपुकी, इन कली चढ़ेबपुकी नु आंइ किकी पिपीमी इन अरेशो लोव़ मपथु, इन शेंतीके नु इन गेशो होस पतीक लोव़ मनेंथु, हिक्सीन महिक्ग्मे बाक्त। အခန်းကိုကြည့်ပါ။ |
नेहेम्याह 9:34
13 ပူးပေါင်းရင်းမြစ်များ
मेकोपुकीम मेको आ फुल्लुम मुशा ब्रेक्शो लोव़, मेको आन किकी पिपी नु पशो कबल नु हिंच कोंइशो ममिम्तमे बाक्त। मेकोपुकी शोर गाक्शो मूर्ति आन नोले खोइश्शा, आंमा यो शोर गाक्शो दुम्शो बाक्मा बाक्त। मेको आन एर ओंथ बाक्ब रागी रागी ङा मुर आन नोले खोदमे बाक्त। परमप्रभु यावेमी मेको आन कली “गे मेको आन पशो खोदेंशो मपने” देंशा, अरेशो बाक्माक्त। प्रस्थान २३:२४
मेको आ पा ङा आंइ कसम जशो खाप्नीकी। गोपुकी सरीङ ङा पिपीम कली चढ़ेशा, मेको कली तूचा थोव़क लुक्नीकी। गोपुकी, आंइ किकी पिपी, आंइ पिपीपुकी नु आंइ ठेयब मुरपुकीम यहूदा ङा सहर नु यरूसलेम ङा लांम मोदेंशो पाम्तेक्म। मेना गोपुकी शुश जचा ताइतक। मिनु आंइ माल्शो क्येङा शुश तशा, श्येत मजक। येरमीया ७:१७-१८; होसे २:७
मिनु मेको मरिम्शो दुम्शा, शुश श्येत जाम्तेक्म हना, मेको कुम्सो मेको आन पशो आ पर्बम आं सांकछी दुम्ब। मारदे हना आन चच युइ मेको कुम्सो शेंसीशा, तुइश्शो बाक्नीम। ‘मेको आन कली गेनुङ’ दे कसम जशो रागीम चाक्चा क्येङा ङोंइती आन मिम्तीके दूली बाक्ब, दे तुइक्नुङ” दे परमप्रभु यावेमी मोसा कली देंत। भजन संग्रह १३९:२
ကြော်ငြာတွေ