नेहेम्‍याह 9:30 - Sunuwar Bible

³⁰ गे शुश बर्स सम्‍म मेको आन कली फाल्‍नी बाक्‍त। इन लोव़ पाइबपुकीमी मेको आन कली इन सोक्‍त रे पा शेंपाइक्‍नी बाक्‍त। तन्‍न मेकोपुकीमी नेंचा मबिस्‍समा बाक्‍त। मोपतीके गे मेको आन कली अर्को जात जात ङा मुर आन गुइमी गेनी बाक्‍त। येरमीया ७:२५-२६; येरमीया ४४:४-६

नेहेम्‍याह 9:30 ပူးပေါင်းရင်းမြစ်များ

२ राजा 18:11

मिनु मेकोमी इस्राएली आन कली ग्‍याइश्‍शा अस्‍सुर लाइक्‍मी बाक्‍त। मिनु मेको आन कली हालाह, गोजान ङा खोला हाबोर आ नेक्‍था नु मादी आन सहरम बाक्‍पाइक्‍मी बाक्‍त।

२ राजा 21:10

मिनु परमप्रभु यावेम आ गेय पा आ लोव़ पाइब आन रे पा

२ इतिहास 24:19

मो हना यो परमप्रभु यावेम मेको आन कली आ गे लेप्‍पाइक्‍चा कली आ लोव़ पाइबपुकी सोइक्‍तीमी बाक्‍त। मिनु मेकोपुकीम मेको आन मरिम्‍शो पशो कोंइदमे बाक्‍त। तन्‍न मुरपुकीम मेको आन लोव़ मनेन्‍मे बाक्‍त।

एज्रा 9:10

मोदेंशो बाक्‍त हना यो, आंइ परमप्रभु, मुल गो मार देंने चाप्‍नीकी? गोपुकीमी इन शेंशो मटिथु, प्रोंइतक।

नेहेम्‍याह 9:20

मिनु मेको आन कली शेंचा, दे इन रिम्‍शो पाइब सोक्‍त गेतीनी। मेको आन कली मन्‍ना शोब्‍ले गेचा मप्रोंइनी। मिनु मेको आन कली रूथ्री पा ब्‍वाक्‍कु तूचा गेतीनी। प्रस्‍थान १६:३५; प्रस्‍थान १७:६; गन्‍ती ११:१७-२५; भजन संग्रह ७८:१५-१६; भजन संग्रह ७८:२३-२४

नेहेम्‍याह 9:26

मेको नेल्‍ल तशा यो इन देंशो मटिथु, ठेयब लेश्‍शा, इन अरेशो लोव़ मटीमे बाक्‍त। इन लोव़ पाइबपुकीमी आन कली ‘गे मरिम्‍शो पाइब बाक्‍नीनी। आं गे लेतीन’ देंमानु, मेको आन कली सदमे बाक्‍त। मिनु मेकोपुकीमी शुश शुक्‍शी पामे बाक्‍त।

नेहेम्‍याह 9:29

मिनु मेको आन कली इन अरेशो लोव़ गे लेत्‍चा कली, मेको आन कली टिचा शेंदीनी बाक्‍त। तन्‍न मेकोपुकी ठेयब लेश्‍शा, इन शेंतीके काइ मटिथु, इन पतीक लोव़ मपामे बाक्‍त। मुरपुकीमी इन पतीक लोव़ पशो नम हना, ब्रोंइचा ताम वा। तन्‍न मेकोपुकीम इन लोव़ मनेंथु, मटिथु, इन गे आन ची हिरदमे बाक्‍त। लेवी १८:५

भजन संग्रह 86:15

तन्‍न परमप्रभु, गे दाक्‍ब नु शिशी पाइब परमप्रभु बाक्‍नीनी। रीब पा मगाइक्‍ब, गेना हना यो दाक्‍शा मप्रोंइब बाक्‍नीनी। भजन संग्रह १०३:८; प्रस्‍थान ३४:६

भजन संग्रह 95:10

गो ४० बर्स सम्‍म मेकोपुकी नु गाइक्‍ताक्‍ङ। एको दूली पाइब मुर बाक्‍नीम। आं कली मटीब बाक्‍नीम।

यसैया 28:10

मेकोपुकीम “परमप्रभु आ ब्रेक्‍शा अरेशो पावो कि पावो, पावो कि पावो, पावो कि पावो। इच्‍का एकेर इच्‍का मेकेर” देंनीमी।

यसैया 42:24

सुमी याकूब आ मुर आन कली रोइक्‍ब आन गुइमी गेवा? सुमी इस्राएली आन कली खुइ आन गुइमी गेवा? मेको पपाइक्‍ब परमप्रभु यावे ममाइ? मेकोपुकीम मेको कली पाप पाम्‍तेक्‍म। मेकोपुकी मेको आ लांम गाक्‍ने मबिस्‍सम नु आ अरेशो मटीम।

यसैया 48:9

आं नें आ पर्बम आं गाइक्‍तीके तेक्‍नुङ। आं कली ठेयब सेल्‍तीके, गो इन पर्बम आं गाइक्‍तीके तेक्‍नुङ। इन कली मसाइक्‍चा कली मो पाइनुङ।

यसैया 63:10

तन्‍न मेकोपुकीमी काइ मटिथु, आ सोक्‍त कली थुं खाइक्‍पाइक्‍तेक्‍म। मोपतीके परमप्रभु यावे मेको आन जोरी सत्रु दुम्‍शा, आंमा मेकोपुकी नु लडाइ पाप्‍तु।

येरमीया 25:4

मिनु परमप्रभु यावेम आ लोव़ पाइब आन कली मोदें लोव़ पथ सोइक्‍स ङा सोइक्‍स पाप्‍तु हना यो, गेपुकीम मेको आन लोव़ मनेंनी। इन नोफा मदाइक्‍तीनी। येरमीया ७:२५-२६; येरमीया ११:७; येरमीया २६:५; येरमीया २८:८; येरमीया २९:१९; येरमीया ४४:४; २इतिहास ३६:१५-१६

येरमीया 44:22

परमप्रभु यावेम इन मरिम्‍शो पशो नु इन पशो ग्रांग्रा दिशो गेय तशा फाल्‍ने मचब। मोपतीके इन रागी श्‍येत्‍थ नु मुर मबाक्‍तीके दुम्‍त। सराप चीले रशा, मुर मबाक्‍शो रागी दुम्‍त। मेको मुल सम्‍म मोदेंशोन बाक्‍ब।

येरमीया 44:4

मो हना यो गो आं गेय पाइब आं लोव़ पाइब आन कली मेको आन बाक्‍तीके सोइक्‍ना सोइक्‍न ‘गो इन कली मेको आं काइ मदाक्‍शो ग्रांग्रा दि‍शो गेय मपन’ देंपाइक्‍तामी। येरमीया २५:४

येरमीया 44:5

तन्‍न मेकोपुकीमी मनेनेम। आन नोफान मदाइक्‍तेम। मेको आं अरेशो मटितीक रे मलेम्‍म। मेकोपुकीमी देवी देवता आन कली चढ़ेचा मप्रोनेम।

येरमीया 7:25

इन किकी पिपी इजीप्‍त रे ग्रूशा जाक्‍मा रे मुल सम्‍म नाक्‍त किंत किंत आं गेय पाइब, आं लोव़ पाइब नेल्‍ल आन कली मेको आन बाक्‍तीके सोइक्‍ताक्‍ङमी। येरमीया २५:४

बिलाप 2:17

परमप्रभु यावेमी मार मिम्‍ता नु ङोंइती मार पाइनुङ देंमे, मेको पाप्‍तु। साइ ङोंइती हिंच कोंइशा देंशो लोव़ मुल पाप्‍तु। मेकोमी शिशी मपथु, नेल्‍ल खतम सेल्‍तु। मिनु इ जोरी सत्रु आन कली इ पर्बम ग्‍येरपाइक्‍तु। इ जोरी सत्रु आन सक्ति ठेयब सेल्‍तु।

दानीएल 9:6

गोपुकीमी इन गेय पाइब, इन लोव़ पाइब आन लोव़ मनेंक। मेकोपुकीमी इन नेंमी आंइ पिप, आंइ ठेयब मुर, आंइ किकी पिपी नु आंइ रागी ङा मुर नेल्‍ल आन कली लोव़ पाम्‍तेक्‍म।

जकरिया 7:12

मेकोपुकीमी परमप्रभु यावे आ अरेशो नु आ लोव़ मनेंचा ङा पा आन थुं खकटा सेल्‍तेक्‍म। ङोंइती मुर नेल्‍ल आन परमप्रभु यावेमी आ सोक्‍त रे पा आ अरेशो लोव़ नु मुर आन कली पतीक लोव़ पथ आ लोव़ पाइब आन कली सोइश्‍शो बाक्‍त। मोपतीके मुर नेल्‍ल आन परमप्रभु यावे शुश गाइश्‍शो बाक्‍ब। यसैया ४८:४

जकरिया 7:13

दोपा मेकोपुकीमी आं लोव़ मनेन्‍मे, मोपा गो यो मेको आन पुंइशो लोव़ मनेंनुङ।

गन्‍ती 11:26

मिनु ७० जना खाल्‍पा आन दातेमी एल्‍दाद नु मेदाद माइश्‍शो मुर निक्‍शी बाक्‍ताक्‍स। मेको आस नें यो ब्रेक्‍शो बाक्‍त। तन्‍न मेको निक्‍शी ग्रुम्‍तीक ताम्‍बुम मलसा बाक्‍त। मिनु परमप्रभु यावे आ सोक्‍त मेको आस तार यो नांइसे बाक्‍त। मिनु मेको निक्‍शीमी मुर आन बाक्‍तीकेमी परमप्रभु यावे आ लोव़ पाम्‍से बाक्‍त।

प्रेरित 13:18

मिनु ४० बर्स सम्‍म गोरशो रागीमी लां कोंइना कोंइन लाइक्‍मीनु, मेकोपुकीमी आ लोव़ मटिम्‍तेक्‍म हना यो, फाल्‍शा रिम्‍शो पाइक्‍मी बाक्‍त। भजन संग्रह १०६:१३-३३

प्रेरित 28:25

थमा सुइक्‍ब नु थमा मसुइक्‍ब दुम्‍शा ब्रातेक्‍म। मिनु गाक्‍चामेनु, पावलमी थमा मसुइक्‍ब आन कली “परमप्रभु यावे आ सोक्‍तीम परमप्रभु यावे आ लोव़ पाइब यसैया इन किकी पिपी आन पर्बम ठीक लोव़ पशो बाक्‍त।

प्रेरित 7:51

“ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९

रोमी 2:4

मिनु गे परमप्रभु यावेमी मुर आन कली दाक्‍तीके, फाल्‍तीके नु आ गे लेत्‍नीनी कों, दे रिम्‍तीके कली आइक्‍च मिम्‍नीनी? परमप्रभु यावेमी “आन थुं आं गे लेत्‍नीमी कों” दे रिम्‍शो मतुइक्‍नीनी? २पत्रुस ३:९,१५

१ पत्रुस 1:11

मेकोपुकीमी आन आगामी बाक्‍शो ख्रीस्‍त आ सोक्‍त कली “पाप रे प्रोंइब सु बाक्‍मे, गेना जाक्‍बा?” दे हिल्‍लो पामे बाक्‍त। मोदेंशो पा माल्‍ना माल्‍न ख्रीस्‍त आ श्‍येत जचा नु छेङछेङम लचा आ पर्बमी नोले दुम्‍ब लोव़ पामे बाक्‍त। भजन संग्रह २२:-, यसैया ५२:१३- ५३:१२

२ पत्रुस 1:21

मुर आन थुं रे मपीब। तन्‍न परमप्रभु यावे आ सोक्‍तीम आ मुर आन कली सुम्‍शा, परमप्रभु यावे आ लोव़ ब्रेक्‍पाइश्‍शो बाक्‍ब, दे रुप्‍चा माल्‍नीनी। १तिमोथी ३:१६-१७

२ पत्रुस 3:9

प्रभुम आ देंशो लोव़ ठीक पा पाइब। तन्‍न का निक्‍शी मुरपुकीमी “प्रभुम आ देंशो मपाइब। नोले ला जाक्‍ब” देंनीम। तन्‍न प्रभुमी “सुइ जाम्‍शा मलमल। आं गे लेम्‍मल” दे रिम्‍ब। हबकुक २:३; १तिमोथी २:४