नेहेम्याह 9:26 - Sunuwar Bible26 मेको नेल्ल तशा यो इन देंशो मटिथु, ठेयब लेश्शा, इन अरेशो लोव़ मटीमे बाक्त। इन लोव़ पाइबपुकीमी आन कली ‘गे मरिम्शो पाइब बाक्नीनी। आं गे लेतीन’ देंमानु, मेको आन कली सदमे बाक्त। मिनु मेकोपुकीमी शुश शुक्शी पामे बाक्त। အခန်းကိုကြည့်ပါ။ |
नेहेम्याह 9:26
35 ပူးပေါင်းရင်းမြစ်များ
मिनु मेकोमी “परमप्रभु यावे, मुर नेल्ल आन परमप्रभु, गो इन पर्बम शुश गेय पाता। इस्राएलीमी इन कबल प्रोंइतेक्म। इन कली चढ़ेतीक प्रेत्तेक्म। मिनु इन लोव़ पाइब आन कली तरवारम क्योरशा साइक्तेक्म। गो आं का ला लीशो बाक्नुङ। मिनु मुल मेकोपुकीमी आं कली यो साइक्चा माल्शो बाक्नीम” देंमाक्त। भजन संग्रह ६९:१०; यसैया ४९:४; १राजा १८:२२; रोमी ११:३
तन्न मेको आलपुकी आं कली मटीब दुम्तेक्म। मेकोपुकीम आं फुल्लुम मुशा ब्रेक्शो लोव़म मटीम। मिनु आं निसाफ पतीक लोव़ होस पा मपाम। मेको टिशा पाइब मुर मेको रे ब्रोंइनीम। मेकोपुकीम आं नाइक्तीक नाक्ती ग्रांग्रा दिशो सेल्तेक्म। मिनु एको गोरशो रागीमीन आं चुरशो आन तारी मोइश्शा, मेको आं गाइश्शा पशो गेय कोंइनुङ।
इन किकी पिपीमी मार पामे? परमप्रभु आ लोव़ पाइब सु कली श्येत मगेमे ङा? नेल्ल आन कली श्येत गेम्तेक्म। श्येत गेशा ला ममाइ। इन कली पाप रे प्रोंइब ख्रीस्त जाक्ब, दे लोव़ नेंपा गाक्ब आन कली साइक्पाइक्ना पाइक्न बाक्तेक्म। इन कली पाप रे प्रोंइब ख्रीस्त जाक्त। मिनु गेपुकीमी मेको कली यो साइक्पाइक्तीनी। २इतिहास ३६:१६; मत्ती २३:३१
मिनु इस्राएलीपुकीमी लेंशा परमप्रभु यावे आ ङोंइती मार मरिम्शो बाक्मे, मेको पामे बाक्त। मेकोपुकीमी बाल, अश्तारोथ नु देवी देवता आन कली ठेयब सेल्मे बाक्त। मिनु अराम, सीदोन, मोआब नु अम्मोनी नु पलिस्ती आन देवी देवता कली यो ठेयब सेल्मे बाक्त। मोपा परमप्रभु यावे कली प्रोंइशा, मेको कली ठेयब मसेल्मे बाक्त।
ကြော်ငြာတွေ