नेहेम्‍याह 9:17 - Sunuwar Bible

¹⁷ इन कली टिने मबिस्‍सम। आन दातेमी पशो इन चिन्‍ड नु छक लाक्‍चा ङा गेय ममिम्‍शो बाक्‍तेक्‍म। मेकोपुकी इन देंशो मटीब दुम्‍शो बाक्‍तेक्‍म। मिनु आन काइ मटितीकेमी इजीप्‍त रागी लेश्‍शा लशा, लेंशा वाइलीम वाइल दुम्‍चा कली थुंम वोइश्‍शो बाक्‍तेक्‍म। गे चहिं आंइ मरिम्‍शो पशो क्‍याम्‍शा गेब परमप्रभु बाक्‍नीनी। शिशी पाइब नु गेना हना यो दाक्‍ब बाक्‍नीनी। गे ओंखां पा चुरब बाक्‍शा, गेना हना यो दाक्‍तीके पाइश्‍शो बाक्‍नीनी। मोपतीके गे इन मुर आन कली दाक्‍शा मप्रोंइ‍नी। प्रस्‍थान ३४:६

नेहेम्‍याह 9:17 ပူးပေါင်းရင်းမြစ်များ

१ राजा 6:13

मिनु गो इस्राएल ङा आं आल आन दातेम बाक्‍नुङ। मिनु गो आं मुर इस्राएली आन कली गेनायो मप्रोंइनुङमी” देंमाक्‍त। प्रस्‍थान २९:४५

१ राजा 8:57

परमप्रभु यावे इं परमप्रभु इं किकी पिपी नु बाक्‍शो खोदेंशो पा गोपुकी नु यो बाक्‍ल। मेकोमी इं कली गेनायो मप्रोनल।

२ इतिहास 36:13

मिनु पिप नेबुकदनेसरमी मेको कली परमप्रभु आ नेंम कसम जपदा बाक्‍त। तन्‍न मेको पिप कली यो मरिम्‍शो पवा बाक्‍त। मेको मरिम्‍शो पाइब नु काइ मटीब दुम्‍शा, परमप्रभु यावे, इस्राएली आन परमप्रभु गे लेन्‍ने मबिस्‍से बाक्‍त।

एज्रा 9:9

गो वाइलीम वाइल बाक्‍तक हना यो, आंइ परमप्रभुमी आंइ कली मप्रोंइशो बाक्‍ब। पारसी रागी ङा पिप आ ङोंइती इन गेना हना यो दाक्‍तीके कोंइशो बाक्‍तीनी। आंइ कली नक ब्रोंइचा गेशा, आंइ परमप्रभु आ खिं लेंशा सेल्‍चा कली नु ब्रेश्‍शो नेल्‍ल लेंशा सेल्‍चा कली नु यहूदा नु यरूसलेम एर ओंथ गारो प्रोव़चा गेतीनी।

नेहेम्‍याह 9:31

मो पाम्‍तेक्‍म हना यो, इन ठेयब शिशीमी मेको आन कली मसाइक्‍थु, आन श्‍येत रे प्रोंइनी बाक्‍त। मारदे हना गे शिशी पाइब नु शुश दाक्‍ब परमप्रभु बाक्‍नीनी।

भजन संग्रह 106:13

तन्‍न मेकोपुकीमी परमप्रभु आ पशो रीब पा प्रेंशो बाक्‍तेक्‍म। मेको आ अर्ती नेंचा मबिश्‍शो बाक्‍तेक्‍म।

भजन संग्रह 106:7

इजीप्‍त रागीम बाक्‍शो आंइ किकी पिपीम इन छक लाक्‍चा ङा गेय ममिम्‍शो बाक्‍तेक्‍म। मिनु इन शुश गेना हना यो दाक्‍तीके प्रेंशो बाक्‍तेक्‍म। मिनु लल समुन्‍द्रमी नेल्‍ल क्‍येङा ठेयब कली गाइश्‍शा लोव़ पशो बाक्‍तेक्‍म। प्रस्‍थान १४:११-१२

भजन संग्रह 130:4

गे माफ गेनीनी। मोपतीके मुर इन कली मान पा हिंचा माल्‍नीम। यसैया ५५:७; रोमी ६:१-२

भजन संग्रह 78:10

मेकोपुकीमी परमप्रभु आ कबल पशो मटीम। मिनु मेको आ अरेशो लोव़ मटीम।

भजन संग्रह 78:11

मेकोपुकीमी परमप्रभु आ गेय नु आन ङोंइती पशो छक लाक्‍चा ङा गेय प्रेंताक्‍म।

भजन संग्रह 78:38

मो हना यो परमप्रभु शिशी पाइब बाक्‍तीके मेको आन ठीक मपशो माफ गेम्‍तीमी। मेको आन कली मसद। खेयप खेयप मेको आन पर्बम आ गाइश्‍शो तेक्‍तु। मेकोमी आ गाइश्‍शो नेल्‍ल मग्रुंइद।

भजन संग्रह 86:15

तन्‍न परमप्रभु, गे दाक्‍ब नु शिशी पाइब परमप्रभु बाक्‍नीनी। रीब पा मगाइक्‍ब, गेना हना यो दाक्‍शा मप्रोंइब बाक्‍नीनी। भजन संग्रह १०३:८; प्रस्‍थान ३४:६

भजन संग्रह 86:5

परमप्रभु, गे रिम्‍शो पाइब नु माफ गेब बाक्‍नीनी। इन कली पुंइब नेल्‍ल आन कली गेना हना यो दाक्‍नीनी।

प्रस्‍थान 32:9

मिनु लेंशा परमप्रभु यावेमी मोसा कली “गो मेको मुर आन कली ताता। काइ मटीब बाक्‍नीम, दे तुइक्‍ताक्‍ङ। ब्‍यवस्‍था ९:६; यसैया ४८:४; प्रेरित ७:५१

हितोपदेस 1:24

मिनु गो इन कली ब्रेत्‍तुनु, गेपुकीम मनेंनी। गो आं गुइ हामुनु, सुइ मपिनी। यसैया ६५:२,१२

येरमीया 18:15

तन्‍न आं मुरपुकीम आं कली प्रेंताक्‍म। मेकोपुकीमी शोर गाक्‍शो मूर्ति आन कली चोशा चढ़ेम्‍तेक्‍म। मेको माइत लांम दाइल पपांइसाक्‍म। मिनु मेकोपुकी मेको माइत ठेयब लां प्रोंइ‍शा, आइक्‍च लां मेर गाक्‍तेक्‍म।

येरमीया 19:15

मुर नेल्‍ल आन परमप्रभु यावे, इस्राएली आन परमप्रभुमी मार देंत देंशा हना “गो एको सहर नु आ नेक्‍था ङा सहर ङा मुर नेल्‍ल आन कली आं ङोंइती देंशो ठेयब श्‍येत जपाइक्‍नुङमी। मारदे हना मेको आन थुं खकटा बाक्‍ब। मिनु आं लोव़ नेंचा मदाक्‍नीम” दे माइक्‍तीमी।

येरमीया 7:26

तन्‍न मेकोपुकीमी आं लोव़ मनेनेम। आं लोव़मी आन नोफा मदाइक्‍तेम। मटीब ला दुम्‍तेक्‍म। मिनु मेकोपुकीमी आन किकी पिपी आन क्‍येङा यो शुश मरिम्‍शो पाम्‍‍तेक्‍म। येरमीया १६:१२

इजीकीएल 5:6

तन्‍न मेकोम आं निसाफ पतीक लोव़ नु आं फुल्‍लुम मुशा ब्रेक्‍शो लोव़ मटीव। आ एर ओंथ बाक्‍शो रागी रागी नु जात जात ङा मुर आन क्‍येङा यो आं निसाफ पतीक लोव़ नु आं फुल्‍लुम मुशा ब्रेक्‍शो लोव़ मटीब बाक्‍ब” देंत।

दानीएल 9:9

गोपुकी इन देंशो गन गन पा मटीतक हना यो, परमप्रभु, आंइ होव़प, गे शिशी पाइब नु पाप क्‍याम्‍ब बाक्‍नीनी। भजन संग्रह १३०:४

योएल 2:13

गे रोंका पा इन वा मखाक्‍कीन। इन थुं खाक्‍कीन। गेपुकी परमप्रभु यावे, इन परमप्रभु गे ले‍तीन। मारदे हना मेकोमी शिशी पा दाक्‍ब। मेको रीब पा मगाइक्‍ब। गेना हना यो दाक्‍ब नु रीब पा सजाइ मगेब बाक्‍ब। प्रस्‍थान ३४:६

लेवी 26:44

मिनु मोदेंशो पाम्‍तेक्‍म हना यो, गो मेको आन कली आन जोरी सत्रु आन रागीमी कोव़शा, ग्रांग्रा दिशा खतम मसेल्‍नुङमी। मिनु मेकोपुकी नु पशो आं कबल मप्रोंइनुङ। मारदे हना गो परमप्रभु यावे, मेको आन परमप्रभु नङ। होसे ११:९

नहुम 1:3

परमप्रभु यावे ओंखां ओंखां पा गाइक्‍ब। तन्‍न मेको ठेयब सक्ति पाइश्‍शो बाक्‍ब। मिनु परमप्रभु यावेमी दोस ताइब आन कली सजाइ मगेथु मप्रोंइब। मेको आ लां फश गिवारम बाक्‍ब। मिनु गोस्‍स मेको आ खोइल ङा फुरक बाक्‍नीम। प्रस्‍थान ३४:६-७

गन्‍ती 14:11

मिनु परमप्रभु यावेमी मोसा कली “एको मुरपुकीम गेना सम्‍म आं कली मटीनीमी? एको आन दातेम आं कोंइशो चिन्‍ड तशा यो, गेना सम्‍म आं कली थमा मसुइक्‍नीमी?

गन्‍ती 14:41

तन्‍न मोसामी मेको आन कली “मारदे गेपुकीमी परमप्रभु यावे आ लोव़ लाक्‍नीनी? गे मग्रानीनी।

गन्‍ती 16:14

गे आंइ कली दूध नु खुदो शुश बाक्‍शो रागीम चाक्‍दीन्‍नी? रू नु अङगुर रू गे‍नी? मार, गे एको मुर आन मिक्‍च फेत्‍चा दाक्‍नीनी? गोपुकी थमा पा मजाक्‍नीकी” देंताक्‍स। प्रस्‍थान ३:८

प्रेरित 7:39

इं किकी पिपीमी मोसा आ लोव़ मटिथु मनेंथु, मोसा कली प्रोंइशा आन थुं इजीप्‍त रागी गे हिरदमे बाक्‍त।

रोमी 9:15

परमप्रभु यावेमी मोसा कली “सु कली शिशी पचा दाक्‍ङा, मेको कली शिशी पाइ‍नुङ। सु कली आ श्‍येत रे प्रोंइचा दाक्‍ङा, मेको कली आ श्‍येत रे प्रोंइनुङ” देंशो बाक्‍त। प्रस्‍थान ३३:१९

हिब्रू 12:25

होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्‍त। मिनु सजाइ गेचा पुंइसमा बाक्‍त। गोपुकी स्‍वर्ग रे लोव़ पाइब कली इं ची कोंइताक्‍य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९

१ सामुएल 12:22

मारदे हना परमप्रभु यावेमी आ ठेयब नें आ पर्बम आ मुर आन कली कोव़शा मप्रोंइब। परमप्रभु यावेमी इन कली आंम आ मुर सेल्‍चा कली ग्‍येरसाक्‍व। प्रस्‍थान १९:६