नेहेम्‍याह 9:12 - Sunuwar Bible

¹² आंइ किकी पिपी आन कली नाक्‍त गोस्‍स के थामम लां कोंइताक्‍नी। मिनु नाक्‍दो आन लां तपाइक्‍चा कली मी के थाम दुम्‍शा लां कोंइताक्‍नी।

नेहेम्‍याह 9:12 ပူးပေါင်းရင်းမြစ်များ

नेहेम्‍याह 9:19

गे मेको आन कली शुश शिशी पशा, गोरशो रागीमी प्रोंइशा मसोइक्‍तीनी। आन लतीक लां तपाइक्‍चा कली नाक्‍त गोस्‍स के थाम नु नाक्‍दो मी के थाम दुम्‍‍शा गेनायो मप्रोंइनी।

भजन संग्रह 105:39

मिनु परमप्रभुमी आ मुर आन कली सुम्‍चा कली गोस्‍स सोइक्‍ता बाक्‍त। मिनु नाक्‍दो गाक्‍चा कली मी के थाम गेमी बाक्‍त। प्रस्‍थान १४:२०

भजन संग्रह 107:7

मेकोमी मेको आन कली पित्‍थ लांम खुल्‍तीमी। मिनु मुर बाक्‍तीक सहरम चाक्‍दीत्‍ती‍मी।

भजन संग्रह 143:8

आं कली सुनी इन गेना हना यो दाक्‍तीके आ पर्बम नेंपाइय्‍यीनी। मारदे हना गो इन कली थमा सुइक्‍नुङ। गो तेको लां गाक्‍चा माल्‍नुङा, मेको आं कली शेंदीनी। गो इन लां कोव़शा बाक्‍नुङ।

भजन संग्रह 78:14

मेकोमी मेको आन कली नाक्‍त गोस्‍सुम नु नाक्‍दो मी आ हाम्‍सोमी लां कोंइताक्‍व। प्रस्‍थान १३:२१

प्रस्‍थान 15:13

गे इन ग्रुंइशो मुर आन कली गेना हना यो शिशी पा, लां कोंइताक्‍नी। मेको आन कली इन सक्तिमी इन आंम बाक्‍तीकेम खुल्‍तीनी।

इजीकीएल 20:6

गो मेको नाक्‍ती मेको आन कली इजीप्‍त रे ग्रुंइशा, आन माल्‍शो रागीम चाक्‍नुङमी। मेको रागीम दूध नु खुदो शाइश्‍शो बाक्‍ब। मिनु मेको रागी, रागी नेल्‍ल आन क्‍येङा रिम्‍शो बाक्‍ब, दे कसम जशा देंशो नङ। प्रस्‍थान ३:८

गन्‍ती 9:16

मेको मोदेंशो गेना हना यो दुम्‍शो बाक्‍त। गोस्‍सुमी मेको ताम्‍बु कली नाक्‍ती सुम्‍बाक्‍त। मिनु नाक्‍दो मी खोदेंशो दुम्‍बाक्‍त।

गन्‍ती 9:21

कोइ नाक्‍ती मेको गोस्‍स नाक्‍दो रे सुनी सम्‍म ला बाक्‍बाक्‍त। मिनु सुनी गोस्‍स इर लमेनु, मेकोपुकी गाक्‍बाक्‍तेक्‍म। नाक्‍ती बाक्‍त हना यो, नाक्‍दो बाक्‍त हना यो, मेको गोस्‍स इर लत हना, मेकोपुकी गाक्‍बाक्‍तेक्‍म।

ब्‍यवस्‍था 1:33

मेको इन ङोंइती इन कली बाक्‍तीके कोंइथ गाक्‍त हना यो, गे थमा मसुइक्‍नी। मिनु लां कोंइचा कली नाक्‍दोम मी नु नाक्‍तीम गोस्‍स दुम्‍शा इन कली लां कोंइताक्‍व। प्रस्‍थान १३:२१