नेहेम्‍याह 8:4 - Sunuwar Bible

⁴ मिनु परमप्रभु यावे आ लोव़ जोक्‍ब तुइक्‍ब एज्रा मुर नेल्‍ल आन कली रिम्‍शो नेंपाइक्‍चा कली शी के सेल्‍शो लाइश्‍शो राप्‍तीकेमी राप्‍शो बाक्‍त। मेको आ ग्‍युरा गे मत्तीथ्‍‍याह, शेमा, आनायाह, उरीयाह, हिल्‍कीयाह नु मासेयाह राप्‍शो बाक्‍तेक्‍म। मिनु आ पेरा गे पेदायाह, मीशाएल, माल्‍कीयाह, हाशुम, हश्‍बादानाह, जकरिया नु मेशुल्‍लाम राप्‍शो बाक्‍तेक्‍म।

नेहेम्‍याह 8:4 ပူးပေါင်းရင်းမြစ်များ

२ इतिहास 6:13

सोलोमनम ५ कुबीत लाइश्‍शो, ५ कुबीत ब्रेम्‍शो नु कुबीत सां ग्‍येत्‍थ लाइश्‍शो कांसा के राप्‍तीक का सेल्‍पाइश्‍शा, लाङगा आ दातेम वोइश्‍शो बाक्‍माक्‍त। मिनु मेको तार राम्‍माक्‍त। मिनु नोले खुम्‍सीशो इस्राएली नेल्‍ल आन ङोंइती आ पोक्‍च थेक्‍शा, आ गुइ सरीङ गे पोक्‍गा बाक्‍त। कुबीत का ०.५ मिटर बाक्‍ब।

एज्रा 10:29

बानी आ चच युइ रे मेशुल्‍लाम, माल्‍लुक, अदायाह, याशुब, शेआल नु येरेमोथ बाक्‍तेक्‍म।

एज्रा 10:33

हाशुम आ चच युइ रे मत्तत्ताह मतेनाइ, जाबाद, एली-फेलेत, येरेमाइ, मनस्‍से नु शिमेइ बाक्‍तेक्‍म।

नेहेम्‍याह 10:18

होदीयाह, हाशुम, बेजाइ,

नेहेम्‍याह 10:20

माग्‍पीअश, मेशुल्‍लाम, हेजीर

नेहेम्‍याह 10:25

रेहुम, हशाब्‍नाह, मासेयाह,

नेहेम्‍याह 10:3

पश्‍हुर, अमारयाह, माल्‍कीयाह,

नेहेम्‍याह 10:7

मेशुल्‍लाम, अबीयाह, मियामीन,

नेहेम्‍याह 11:5

मिनु बारुक आ तौ मासेयाह बाक्‍त। बारुक आ आफ कोल-होजे बाक्‍त। कोल-होजे आ आफ हाजायाह बाक्‍त। हाजायाह आ आफ अदायाह बाक्‍त। अदायाह आ आफ योयारीब बाक्‍त। योयारीब आ आफ जकरिया बाक्‍त। मेको शिलो ङा मुर आ खिं ङा मुर बाक्‍तेक्‍म।

नेहेम्‍याह 11:7

मिनु बेन्‍यामीन आ थर ङा मुर सु सु बाक्‍तेक्‍म देंशा हना, मेशुल्‍लाम आ तौ सल्‍लु बाक्‍त। मेशुल्‍लाम आ आफ योएद बाक्‍त। योएद आ आफ पेदायाह बाक्‍त। पेदायाह आ आफ कोलायाह बाक्‍त। कोलायाह आ आफ मासेयाह बाक्‍त। मासेयाह आ आफ इथीएल बाक्‍त। इथीएल आ आफ येशायाह बाक्‍त।

नेहेम्‍याह 12:13

एज्रा आ खिं ङा ठेयब मुर मेशुल्‍लाम, अमारयाह आ खिं ङा ठेयब मुर येहो-हानान,

नेहेम्‍याह 8:3

मोपा एज्रामी ब्‍वाक्‍कु लाप्‍चो आ नेक्‍था ङा बाक्‍तीकेमी सुनी रे नाक्‍त सम्‍म वोंइश मुर, मीश मुर नु लोव़ रुप्‍ने चाप्‍ब नेल्‍ल आन ङोंइती मेको किताब पढेप्‍तु। मिनु परमप्रभु यावे आ अरेशो लोव़ ङा किताब पढेवानु, नेल्‍लेमी नोफा दाइश्‍शा नेंतेक्‍म।

नेहेम्‍याह 8:5

मिनु एज्रामी आ लाइश्‍शो बाक्‍तीकेमी राप्‍शा, नेल्‍लेम तचा ङा पा मुर आन ङोंइती मेको किताब प्राक्‍तु। मेको किताब प्राक्‍गानु, मुर नेल्‍ल बोक्‍तेक्‍म।

नेहेम्‍याह 9:3

मिनु नेल्‍ल आन बाक्‍तीकेमी राप्‍शा, घन्‍टा सां सम्‍म परमप्रभु यावे, आन परमप्रभु आ अरेशो लोव़ ङा किताब पढेशो नेंतेक्‍म। मिनु अर्को घन्‍टा सां सम्‍म चहिं आंम आंम आन मरिम्‍शो पशो शोव़ना शोव़न, परमप्रभु यावे आ ङोंइती बाप्‍शा, परमप्रभु यावे, आन परमप्रभु कली ठेयब सेल्‍ना सेल्‍न बाक्‍तेक्‍म।

नेहेम्‍याह 9:4

येशुआ, बानी, कदमीएल, शेबान्‍याह, बुन्‍नी, शेरेब्‍याह, बानी नु केनानी लेवी आन शी के सेल्‍शो राप्‍तीके ङा क्रेसीमी बाक्‍‍शा, ठेयब सेंदामी परमप्रभु यावे, आन परमप्रभु कली लोव़ पाम्‍तेक्‍म।

मत्ती 23:2

“सास्‍त्री नु फरिसीपुकी इं किकी पिपी मोसा आ पा ङा दुम्‍शो बाक्‍नीम।