नेहेम्‍याह 8:2 - Sunuwar Bible

² मिनु ७ महिना ङा ङोंइती ङा नाक्‍तीमी चढ़ेब एज्रामी मेको किताब मुर आन ङोंइती चाक्‍तु। मेकेर वोंइश मुर, मीश मुरपुकी नु सु सु रुप्‍ने चाप्‍ब बाक्‍मा, मेको नेल्‍ल बुक्‍शो बाक्‍तेक्‍म। ब्‍यवस्‍था ३१:१०-१३

नेहेम्‍याह 8:2 ပူးပေါင်းရင်းမြစ်များ

नेहेम्‍याह 10:29

मेको आन लोक्‍ब नु आन ठेयब मुरपुकी नु गारशा, परमप्रभु यावे आ वाइल मोसामी गेशो परमप्रभु आ अरेशो लोव़ टिचा कली थुं का पाम्‍तेक्‍म। आंइ परमप्रभु यावे आ शेंशो, आ पतीक लोव़ नु आ फुल्‍लुम मुशा ब्रेक्‍शो लोव़ तुइश्‍शा पचा कली कसम जाम्‍तेक्‍म।

नेहेम्‍याह 13:1

मेको नाक्‍ती मुर आन ङोंइती मोसा आ ब्रेक्‍शो किताब पढेशो बाक्‍त। मिनु मेकेर मार ब्रेक्‍शो बाक्‍त देंशा हना “अम्‍मोन नु मोआब ङा मुरपुकी रे सुइ परमप्रभु आ मुर आन ग्रुम्‍तीकेमी गेनायो जाक्‍चा मताइनीम। ब्‍यवस्‍था २३:४-६

नेहेम्‍याह 8:18

मिनु ङोंइती ङा नाक्‍त रे नोले ङा नाक्‍त सम्‍म एज्रा मी नाक्‍त किंत किंत परमप्रभु आ अरेशो लोव़ ङा किताब पढेप्‍तु। मेकोपुकीमी मेको चाड ७ नाक्‍त सम्‍म मानेम्‍तेक्‍म। मिनु दोदेंशो पा ब्रेक्‍शो बाक्‍मे, मोदेंशो पा आ दीसा ८ नाक्‍तीमी चाड थुम्‍तीक नाक्‍त नेल्‍ल क्‍येङा ठेयब पा मानेम्‍तेक्‍म।

नेहेम्‍याह 8:9

मिनु परमप्रभु यावे आ अरेशो लोव़ नेंशा, मुर नेल्‍ल शुश ङाक्‍तेक्‍म। मोपतीके पिप आ वोइश्‍शो हुकुम पाइब, नेहेम्‍याह, परमप्रभु यावे आ लोव़ जोक्‍ब तुइक्‍ब चढ़ेब एज्रा नु मुर आन कली शेंब लेवीपुकीमी “मुलाक्‍ती परमप्रभु यावे, इन परमप्रभु आ ठेयब नाक्‍त बाक्‍ब। हिशेक मपने। मङाक्‍कीन” दे मुर आन कली माइक्‍तेक्‍म।

नेहेम्‍याह 9:1

मिनु मेको महिना ङा २४ नाक्‍त नोले इस्राएलीपुकी माइजा बाक्‍शा, अरन्‍डी फेक्‍शा नु आन पियामी फुरक देप्‍शा खुम्‍साक्‍म।

यसैया 28:9

मेकोपुकीमी सु आन कली जोक्‍तीक तुइक्‍तीक लोव़ रुप्‍पाइक्‍नीमी? सु कली आन देंशो लोव़ शेंनीमी ङा? मेकोपुकीमी नक दूध प्रोंइशो आल आन कली शेंचा चिक्‍त्‍मे?

लेवी 23:24

“इस्राएली आन कली ‘७ महिना ङा ङोंइती ङा नाक्‍ती गे नाइक्‍चा माल्‍नीनी। गे परमप्रभु यावे आ पर्बम ग्रुम्‍शा, मेको नाक्‍त मिम्‍चा कली तुराही ताप्‍चा माल्‍नीनी। गन्‍ती २९:१-६; गन्‍ती १०:१०

मलाकी 2:7

चढ़ेबपुकीमी तुइक्‍तीक लोव़ होस पा पचा माल्‍नीम। मिनु मुरपुकीमी मेको आन शेंशो नेंचा माल्‍नीम। मारदे हना चढ़ेबपुकी मुर नेल्‍ल आन परमप्रभु यावे आ सोइश्‍शो लोव़ पाइब बाक्‍नीम। ब्‍यवस्‍था ३३:१०; हाग्‍गै १:१३

गन्‍ती 29:1

गेपुकी ७ महिना ङा ङोंइती ङा नाक्‍ती ग्रुम्‍तीके का सेल्‍चा माल्‍नीनी। मेको नाक्‍ती गे काइ गेय मपने। मेको नाक्‍ती गे तुराही ताप्‍चा माल्‍नीनी। गन्‍ती १०:१०; लेवी २३:२४-२५

प्रेरित 15:21

परमप्रभुमी मोसा कली ब्रेक्‍पाइश्‍शो लोव़ चहिं तुइक्‍नीम। मारदे हना साइ रे नाइक्‍तीक नाक्‍त इं ग्रुम्‍तीक खिंमी नेंशा तुइक्‍नीम” दे माइक्‍मी बाक्‍त। प्रेरित १३:१५

ब्‍यवस्‍था 17:18

मिनु मेको पिपमी सासन पवानु, चढ़ेब, लेवी आ थर ङा मुर आन किताब रे परमप्रभु यावे आ अरेशा लोव़ किताब काम ब्रेक्‍चा माल्‍ब।

यहोसु 8:35

मोसामी मार मार लोव़ अरेशा, ब्रेक्‍शो बाक्‍मे, मेको नेल्‍ल यहोसुमी इस्राएली नेल्‍ल कली पढेशा नेंपाइक्‍तु। मेक बाक्‍शो वोंइश मुर, मीश मुर, आलपुकी नु मेकोपुकी नु बाक्‍ब अर्को रागी ङा मुर आन ङोंइती नेल्‍ल पढेशा नेंपाइक्‍तु।