नेहेम्‍याह 8:18 - Sunuwar Bible

¹⁸ मिनु ङोंइती ङा नाक्‍त रे नोले ङा नाक्‍त सम्‍म एज्रा मी नाक्‍त किंत किंत परमप्रभु आ अरेशो लोव़ ङा किताब पढेप्‍तु। मेकोपुकीमी मेको चाड ७ नाक्‍त सम्‍म मानेम्‍तेक्‍म। मिनु दोदेंशो पा ब्रेक्‍शो बाक्‍मे, मोदेंशो पा आ दीसा ८ नाक्‍तीमी चाड थुम्‍तीक नाक्‍त नेल्‍ल क्‍येङा ठेयब पा मानेम्‍तेक्‍म।

नेहेम्‍याह 8:18 ပူးပေါင်းရင်းမြစ်များ

नेहेम्‍याह 8:2

मिनु ७ महिना ङा ङोंइती ङा नाक्‍तीमी चढ़ेब एज्रामी मेको किताब मुर आन ङोंइती चाक्‍तु। मेकेर वोंइश मुर, मीश मुरपुकी नु सु सु रुप्‍ने चाप्‍ब बाक्‍मा, मेको नेल्‍ल बुक्‍शो बाक्‍तेक्‍म। ब्‍यवस्‍था ३१:१०-१३

नेहेम्‍याह 8:3

मोपा एज्रामी ब्‍वाक्‍कु लाप्‍चो आ नेक्‍था ङा बाक्‍तीकेमी सुनी रे नाक्‍त सम्‍म वोंइश मुर, मीश मुर नु लोव़ रुप्‍ने चाप्‍ब नेल्‍ल आन ङोंइती मेको किताब पढेप्‍तु। मिनु परमप्रभु यावे आ अरेशो लोव़ ङा किताब पढेवानु, नेल्‍लेमी नोफा दाइश्‍शा नेंतेक्‍म।

लेवी 23:36

मिनु गेपुकीमी ७ नाक्‍त सम्‍म परमप्रभु यावे कली मीम चोशा चढ़ेतीक चढ़ेन। मिनु गेपुकीमी आ दीसा परमप्रभु यावे आ पर्बम ग्रुम्‍तीक नाक्‍ती मानेन। मिनु परमप्रभु यावे कली मीम चोशा चढ़ेन। मेको ठेयब ग्रुम्‍तीक नाक्‍ती बाक्‍ब। मिनु गेपुकीम मेको नाक्‍त इन गेय काइ मपने। यूहन्‍ना ७:३७

लेवी 23:41

गेपुकीमी बर्सम ७ नाक्‍त सम्‍म एको चाड मानेशा, परमप्रभु यावे कली ठेयब सेल्‍चा माल्‍नीनी। गेपुकी ७ महिनामी एको चाड मानेचा माल्‍नीनी। एको इन कली गेना हना यो पतीक बाक्‍ब।

गन्‍ती 29:35

मिनु मेको आ नोले ङा नाक्‍त गे परमप्रभु यावे नु ग्रुम्‍तीके का सेल्‍चा माल्‍नीनी। मेको नाक्‍त गे काइ गेय मपने।

यूहन्‍ना 7:37

मिनु बाली ओंइतीक चाड नुप्‍ची नाक्‍त नेल्‍ल क्‍येङा ठेयब नाक्‍ती बाक्‍त। मेना येसुमी मुर आन कली “सु सुमी तूतू दाक्‍नीमी, मेको आं गे पिशा तूङमेक्‍ल। लेवी २३:३६; यूहन्‍ना ४:१०; यसैया ५५:१; प्रकाश २२:१७